სი რექ ჩქიმი გურიშ მანგი
სი რექ ჩქიმი გურიშ მანგი
უსკანეთ ვა მოკო რინა..
მემიდინუ თოლს სინათლექ,
ვარძირენი, მუ ბქიმინა? ნანა...
მუდგა დღასი შერხვადინი,
დარდი მაფუ გორჩქინელი
ჩქიმი ბოში, სკან ჭირიმა.
ამდღა-ამსერ თისი ვფიფქრენქ,
სო შერხვადე, სო რძირენი,
ჩქიმი ბოში, სკან ჭირიმა.
ვადმარინე უსკანეთი
ვაგაბრძუქუ მა,
მუჭოთ ჩხომი უწყარეთი,
სკანი ჭირიმა.
ნანა, გოლუაფირო, ნანა,
ნანა, სკანი ჭირიმა. X2
ო, ო, ო…
გიჩქუდასი, უსკანობა
ვეგნმაღინე თენა, ვარი მა.
სკან თოლეფიშ ინოჯინაშ
მეტ მა მუთუნ ვამოხვარუ. ნანა
მურე უკულ, გოლუაფირო,
ქოთქუანა ოშინერსი
ჩქიმი ბოში, სკანი ჭირიმა.
სკან ჸოროფა უჯგუ ამდღა
ულირსი დო ვაშინერსი,
ჩქიმი ბოში, სკან ჭირიმა.
ნანა..
ვადმარინე უსკანეთი,
ვაგაბრძუქუ მა
ჩქიმი თოლიგვირა ბოში,
სკანი ჭირიმა.
ნანა, გოლუაფირო, ნანა,
ნანა, სკანი ჭირიმა. X2
ო, ო, ო…