სკვამი ცირა
ჩქიმ ზისნახე სქვამი ცირა,
მოკო სქანო ბჭარე ბირა,
ოშ წანასი გარზუ, ჯიმა,
სი ახუტოლუქუნ თინა.
სქანი თოლეფიში ელანჯამა,
ნანა მუ რე, მუშ მასქვამა,
თეშ ართიშა ქოძირუნქ რე
გურს დაჩხირიშ ელარზამა.
ვარა მუში მასქვამა რე
ცირა ათე სქან კისერი,
გვალო ხოლოს ველამლუა,
მოშქურუ სარკო ვაბქიმნენი.
თე მა დიო ვავორექი
ათე ცხოვრებათი რძღელი,
ოში წანას ქუგუარზუდი
ართიშა ქუგახუტოლენი.
უკული ღურა ვამონარღუ,
ართიშა დუცი ქუგოილუა,
ნიტე, ჩქიმი ქორჸუასი,
ხატიცალო მუკოილუა.
მარა ენა სიზმარიე,
თაში რე დო მუ ბღოლუა,
თოლით ვარა ქუმომფერე,
ცირა, გვალო ვეგლმოლუა.
ირო თეცალი სქვამი ორდა,
ვადინუა სქან სისქვამე,
ბრელი ცირა მიძირ მარა,
სქან მასქვამა მითინ ვარე.
მა ვამიჩქუ მუ ფქიმინე,
დუცი მუჭო მივეხვარე,
თიცალ ლერსიქ გიშამირთუ
თენა, ალბათ, ჸოროფა რე.
ათე ლერსი სქანო ბჭარი,
ეხანტილი სი მაფუდე,
ლერსის ვარი, ჩქიმი ცირა,
ათე ჩქიმი გურს გაჩუქე.