სუმიხოლო ართინერი
სუმიხოლო ართინერი
ღვინი, ოსური დო ფარა,
ბრელი ფარა ქოიღუდა,
გახიოლე არძა შარა...
ირი კოჩი გიჸოროფუანც,
მითინი ვეჸიი სქანი მადარა.
ახრებულო ვექშეგორე,
სქანი სამაჸალო „პარა“
ღვინი მუჟამც ქოიღუნი
გახიოლე შხვა, სუმარი,
ოგორალი ვაგაჸუაფუ,
მუშით მოურცუ მაშუმალი.
რხვამანცჷ დო ურჩქილექჷ
მურე რჩქილა ხვამაცალი!
ბოლოს სუმარი გიწიინცჷ:
„დორხვამი ბაბა გავაცალი,
შურ(ი) დგჷმილიში სადღენძელო,
სქვამ(ი) ოსური ქორჸუნცუდა
ჸიშ, მუ გიღირჷ თიში ჯინა!
ტანქექე რექ, ვაგოზარჷ
მუკორთი დო მიკორთინა.
თოლეფი გაფუ გოძიცელი
თირიგიგერე სქანო თინა.
ცხოვრება გოხიოლჷ,
სერით გიღუ თიცალი ბინა,
კინე ფარა ქჷგიბშინათ
კოჩიში გამახარებელი,
ფარამი კოც აფასენც
მოჯგირე დო მარებელი;
დუდშო ვერგჷნი თი კათეფი,
არძა გაჸიი სარგებელი.
კინე ოსური ქოფთქუათჷ
შურ დო გურიში მაკურთხალი,
ოჭკუმალიში მაჩამალი,
მანახვალი, მახუშალი,
შურიში მაჩხონაფალი დო
გურიში დჷმახუნაფალი.
მოკლეთ სუმიხოლო ჯგირი:
ღვინი, ოსური დო ფარა,
მათი იპიიდი ჯგირი კოჩი,
ათენეფი მორკჷ ვარა,
ვართ(ი) ღვინი რე,
ვართ(ი) ოსური,
ვართი მიღუ კაპეკ ფარა,
თეშენი რე ჭვილ ვორექჷ,
ვამჩქ მუდა გილემგარა.