ტყაშ მაფა

please do not remove empty parameters (see the template documentation).
ტყაშ მაფა
by რამაზ კუპრა
რამაზ კუპრა. "ლაზონა დო მარგალონა" 2009წ.ხ.111

   
მურიცხეფშე მოფურნელი
მიფერუანს ტყაში მაფა,
შქასერ ბორჯის, ფსუაჩეფი
ანგელოზეფ გჷმაფაფნა...

ორჩინელქჷ გემემწარჷ,
გურ ჭვილი დო სოფილ მაფუ,
მარა მითინს ვარაგადე:
-თე კოჩ გვალო აკონთხაფე...

მუდგა-მუდგა ვამჭირდასჷნ,
შხვას ჩილამურს ვავოძირა,
რინას მუშის ვა წუნწარე
მიდგას ნწარე აფუ რინა...

მურიცხეფშე მოფურნელი
მიფერუანს ტყაში მაფა...
მიჩქჷ, ანწი ვაგამჭირდჷ
მურიცხიშა შარაშ გაფა...