უგურაფ კოჩ ცოდა რე
(დიდა სქუას აჭყორუ)
ქჷმოზოჯუნქ სი ჸუდეშა,
თექი ქჷმოირაგადუა,
დიო მუთუნ ვაიჩქჷ დო
სი ლაჸაფი ვაგათუა...
აბა, ჯგირ ბოშ ქოზოჯჷნქ და,
ოზეშ კარშე გეგნოზოჯი,
ოლაჸაფშა მიდაზოჯი
უკულ აშო ქჷმოზოჯი!..
მაღაზაშა გეშაზოჯი,
ჩახვიამო გეგმოზოჯი,
ოქუმუშა მიდაზოჯი
ქვირამო აშ ქჷმოზოჯი!...
დუნორთის თაქ ქჷდოზოჯი,
ოგურაფალ იგურე,
გერგის გურაფა ვაკონდა
ბარსოპეფი მიკურე...
სქანო ბხანდენთ, ციმუს ვობუნთ,
ხანდათ ციმუ წკონდა რე,
ნანა, თიშენ გაჭყორუქჷ
უგურაფ კოჩ ცოდა რე...