ქორთულ ობირეში (ბულატ ოკუჯავა)
ქუდვორგუა ტიბ დიხას მა ბინეხიშ ლერწეფც,
ნაგვიგვილას გობჯუნუნქ, ტიანც გობწილ მონდას.
მაჸალეეფც დობშაყარა დო ჸოროფას ვერწემც,
ირიათონ თე დიხას, ტყურათ მუჭო ვორდა?
ჩქიმ სუმარეფ ქომწინა, უმოღეთ ხო ვაფთომე,
შურ ხო ვამაფ ღიროკილ დო მუდგარენ გორდა.
ცოდეფც ქუმაპატიენც ჟინცაშ მეშურპატონე,
ირიათონ თე დიხას, ტყურათ მუჭო ვორდა?
ონოფულეს ქომიბირც მუშ ოროშე დალი,
მა ბირგულეფც ქუდვაშქვა, შურით იპიქ წკონდა
დო ჸოროფათ დობღურუქ, ვამკო შურიშ ქალი.
ირიათონ თე დიხას, ტყურათ მუჭო ვორდა?
ე, ორქუამ კალმახას, ჟუჟა ქიგნადვალუნი,
თოლოწონდეს გოვალუნც, ხოლო, ვარა შორ-და,
ქაწმახანტუ ჩელა დო ლენფერ არწი გვალონიშ,
ირიათონ თე დიხას, ტყურათ მუჭო ვორდა?