ქრონოლოგიური ცხრილი

ცხორება ეგრისისა, აფხაზეთისა, ანუ იმერეთისა

ვახუშტი ბატონიშვილი - "აღწერა სამეფოსა საქართველოსა"
ავტორი: ვახუშტი ბატონიშვილი

პუბლიკაციები

ტექსტი

ქრონოლოგიური ცხრილი

ქორონიკონები ჩვენ მიერ პოვნილნი წიგნებთა შინა; და სახელნი წიგნებთა მათ არიან ესენი: იმერული ძველი გარიგების წიგნი, დავითნი მესხური ე წიგნათ განყოფილი, იმერული ძილისპირი ეტრატისა. ტლაშაძის აღწერილი ქორონიკონები. გუჯარნი ბარათიანთა, თუმანიანთა და სხუათა. ქართლის ცხორებათაგან ძველთა და ახალთა და სხვათა ჟამნ-კანონთაგან, სახარებათა და საეკლესიო წიგნებთაგან და სპარსულთა ქორონიკონებთაგან ამოწერილთაგან არიან ესენი. თათრული გამორიცხული გვერდზედ უწერია.

ქეს აქათი ქკნი	ქართული ქკნი	ქრონოლოგიური ცნობები	ქართლის მეფენი
1201	უკა	თამარ მეფე მიიცვალა	თამარ
1211	ულა	მეფე ლაშა გიორგი მიიცვალა	ლაშა
1237	უნზ	მეფე რუსუდან გარდაიცვალა	რუსუდან
1269	უპთ	მეფე დავით ლაშას ძე გარდაიცვალა	დავით
1289	ფთ	მეფე დიმიტრი თავდადებული მოკლეს თათართა	დიმიტრი
1292	ფიბ	მეფე ვახტანგ ნარინ დავითის ძე გარდაიცვალა	ვახტანგ
1293	ფიგ	მეფე ნარინ დავით მიიცვალა
1294	ფიდ	დიმიტრი თავდადებულის ძე დავით მეფე იქმნა	დავით
1301	ფკა	ვახტანგ დიმიტრი თავდადებულის ძე მეფედ იქმნა და ძმა დავით მეფისა	ვახტანგ
1308	ფკჱ	დავით მეფის ძე გიორგი მეფედ ყვეს. რომელსა ეწოდა მცირე გიორგი	გიორგი
1310	ფლ	მოკუდა დავით მეფე დიმიტრი თავდადებულის ძე
1318	ვ	დაჯდა დიმიტრი თავდადებულის ძე გიორგი მეფედ, და იწყო მთიებმან აღმობრწყინება, და დაიპყრა ქართლი, სომხითი ჱერ-კახნი და მესხნი.	გიორგი
1323	ია	მოკუდა გიორგი დადიანი, და დაჯდა ძე მისი მამია დადიანად
1327	იე	მოკუდა ძე ნარინ დავითისა მეფე კოსტანტინე და გამეფდა ძმა მისი მიქელ იმერეთს.
1329	იზ	მოკუდა მეფე იმერთა მიქელ, და დაუტევა ძე მცირე ბაგრატ
1330	იჱ	ბრწყინვალემ გიორგი მეფემან იმერეთი დაიჭირა, ქუთათისი აღიღო. ბაგრატ გამოიყვანა
1334	კბ	მოკუდა ათაბაგი სარგის, დასვა გიორგი მეფემან ათაბაგად ძე მისი ყვარყვარე
1345	ლგ	მოკუდა დადიანი მამია, დასვა მეფემან გიორგიმ ძე მისი გიორგი დადიანად
1346	ლდ	გარდაიცვალა ბრწყინვალე მეფე გიორგი, და დაჯდა მეფედ ძე მისი დავით. ხოლო რუსუდანის გამეფებიდამ ამ გიორგის გარდაცვალებამდე, გარდახდენ წელნი რლე [135]. გარდაცვალებიდამ ამის გამეფებამდე წელნი პა [201].	დავით
1354	მბ	ჩვენ მეფემან დავით და დედოფალმან სინდუხტარ გიწყალობეთ. ამ ქორონიკონზედ ლევანცა სწერია მეფედ, რომელსა ვგონებ ერთს ყოფად.
1355	მგ	ჩვენ მეფემან დავით ყოვლისა საქართველოსამან გიწყალობეთ.
1357	მე	მზე დაბნელდა
1358	მვ	მეფის მიქელის ძემ ბაგრატ, ყვარყვარე ათაბაგის ქალი შეირთო.
1360	მჱ	გარდაიცვალა დავით მეფე, და დაჯდა ძე მისი ბაგრატ მეფედ. მოწმობს გუჯარი ბარათიანთა, რომ ეს დიდი ბაგრატ არს ძე ამ დავით მეფისა.	ბაგრატ
1361	მთ	მზე დაბნელდა. და სვანთ ქუთათისი დასწვეს, დიდმან ბაგრატ მეფემან მოსწყვიტნა და დაიპყრნა. და თურქთ სამცხე მოარბივეს, დიდმან ბაგრატ მეფემან მოსწყვიტნა. კუალად მოკუდა ათაბაგი ყვარყვარე, ბაგრატ მეფემან დასვა ძე მისი ბექა.
1366	ნდ	დიდი სიკუდილი იყო. და მოკუდა დედოფალი ელენე, ცოლი ბაგრატ მეფისა.
1372	ჲ	მზე დაბნელდა. და მოკუდა მიქელ მეფის ძე ბაგრატ, და დაუტევა ალექსანდრე ძე თვისი.
1375	ჲგ	გამოჩნდა თემურლანგ, და დაიპყრა აღმოსავლეთი.
1384	ობ	მოკუდა გიორგი დადიანი, და მეფემან ბაგრატ დასვა ძმა მისი ვამიყ დადიანად.
1387	ოე	ლანგთემურ სამარყანდელმან ტფილისი აღიღო. წარტყვევნა, მეფე ბაგრატ და დედოფალი ანნა გამოიყვანა ციხიდამ და ტყვე ყვნა. და ალექსანდრე იმერეთს გამეფედა, ძე ბაგრატისა.
1389	ოზ	მოკუდა ალექსანდრე მეფე და ძმა მისი გიორგი გამეფდა იმერთა [ზედა]
1390	ოჱ	აფხაზთა კათალიკოზად დასვეს არსენ.
1391	ოთ	მოკუდა ათაბაგი ბექა. და დაჯდა ნებითა გიორგისათა ათაბაგად ძე მისი იოვანე.
1392	პ	მოკლეს მეფე გიორგი მეგრელთა. და იმერეთი გიორგიმ დაიჭირა, ბაგრატის ძემ.
1393	პა	დიდმან ბაგრატ მეფემ თემურის სპანი მოსწყვიტნა, და ტფილისი აღიღო.
1394	პბ	დიდი ბაგრატ მეფე და თემურ შეიბნენ, თემურსა გაემარჯვა და ტფილისი აღიღო. ქართლი წარტყვევნა, და შემუსრნა ყოველნი ეკლესიანი, ციხენი და შენებულებანი.
1395	პგ	დიდი ბაგრატ მეფე გარდაიცუალა. ძე მისი გიორგი გამეფედა.	გიორგი
1396	პდ	თემურ და გიორგი მეფე შეიბნენ, თემურს გაემარჯვა, და მოკუდა დადიანი ვამიყ, და დაჯდა ძე მისი მამია. კუალად გიორგი მეფის ძმა კოსტანტინე იმერეთს გამეფდა.
1401	პთ	მეფე კოსტანტინე მოკლეს ჩალაღანს ანუ ჩალიანში.
1407	ჟე	დიდი ომი იყო, მეფე გიორგი მოკლეს თურქთა, სრულიად ლაშქარნი მოსწყვიტნეს, და ძმა მისი კოსტანტინე მეფედ დაჯდა.	კოსტანტინე
1414	რბ	მეფე კოსტანტინე მოკლეს თურქთა, და დაჯდა მეფედ ალექსანდრე ძე გიორგი მეფისა. კუალად მოკლეს აფხაზთა დადიანი მამია, და დასვა ალექსანდრე მეფემან ძე მისი ლიპარიტი დადიანად.	ალექსანდრე
1415	რგ	მეფე ალექსანდრე და ათაბაგი ივანე კოხტისთავს შეიბნენ, მეფეს გაემარჯვა. ათაბაგი შეიპყრა, შეწყალებული გაუშვა.
1429	რიზ
1430	რიჱ	შარუხ გამოჩნდა. და სარკინოზობა იყო, და ლორე აღიღეს.
1431	რით	მეფე ალექსანდრე ამბერდს მოვიდა.
1432	რკ	ალექსანდრე მეფემ ლორე აღიღო. ბარათიანთ გუჯარში სწერს, რომელი ბეთენიას არს, მეფემან ალექსანდრემ, ძემან მეფის გიორგისამან განჰყარნა სამნი ძმანი აბაში, გუგუნა და დავით.
1435	რკგ	შარუხ მოვიდა, მეფემ ალექსანდრემ, ძე თჳსი დიმიტრი წარუვლინა ძღვნით. შეწყალებული გამოუშვა.
1437	რკე	ალექსანდრე მეფე ყარაბაღს მოვიდა.
1440	რკჱ	მოკუდა შარუხ და დაჯდა ჯანშა ყეენად.
1442	რლ	გარდაიცვალა მეფე ალექსანდრე. და დაჯდა ძე მისი ვახტანგ მეფედ.	ვახტანგ
1444	რლბ	ჯაანშა ყეენი ახალციხეს მოადგა. მეფემან ვახტანგ ბრძო, უკუნიქცა ყეენი. და მოკუდა იოვანე ათაბაგი. დასვა მეფემან ვახტანგ ძე მისი აღბუღა ათაბაგად. კუალად მოკუდა ფანასკერტელის ქალი დედოფალი სითიხათუნ ვახტანგ მეფის ცოლი.
1445	რლგ	მიიცვალა მეფე ვახტანგ. და დაჯდა ძმა მისი გიორგი მეფედ.	გიორგი
1447	რლე	აღბუღა ათაბაგი და ყვარყვარე შეიბნენ, ყვარყვარეს გაემარჯვა.
1449	რლზ	ჩვენ მეფემან გიორგიმ, ძმამ მეფის ვახტანგისმან გიწყალობეთ, ინდიკტიონსა ე.
1451	რლთ	მურადბეგის ორმოცდაათმან კატარღამან აფხაზეთი ცხომი და ზღვისპირნი მოაოჴრნეს. და მოკუდა აღბუღა ათაბაგი. დასვა გიორგი მეფემან ბიძა მისი ყვარყვარე ათაბაგად.
1452	რმ	მეფის ალექსანდრეს ძე დიმიტრი ცხენმან მოკლა.
1453	რმა	კოსტანტინეპოლი აღიღეს თათართ.
1454	რმბ	ჩვენ მეფემან გიორგიმ ყოვლისა საქართველოსამან, რანისა, შარვანისა და შაანშისამან გიწყალობეთ, ინდიკტიონსა, იე.
1455	რმგ	მოკუდა იმერთ ერისთავი დიმიტრი ძე ალექსანდრე მეფისა. დაჯდა ძე მისი ბაგრატ.
1462	რნ	მეფე გიორგი და ბაგრატ შეიბნენ ჩიხორს. ბაგრატს გაემარჯვა. და განდგა ათაბაგიცა.
1463	რნა	თავრიჟ გილაქ და თემურ მეფე გიორგის სძლეს, ქართლი სომხითი და საგანძური მეფისა მოაოჴრეს. და ყვარყვარე ათაბაგმან საათაბაგო დაიჭირა.
1465	რნგ	ფანავარზედ ყვარყვარე ათაბაგმან მეფე გიორგი დაიჭირა
1466	რნდ	მოკუდა ყვარყვარე ათაბაგი. დაჯდა ბაადურ ძე მისი, და ბაგრატ იმერთ მეფემ ქართლი დაიჭირა. კუალად განდგა დავით და ჱერ-კახნი დაიჭირა. მერე გიორგი მეფემ ქართლი დაიჭირა და ჱერ-კახნი. ბაგრატ იმერეთს წარვიდა, დავით დიდოეთს.
1468	რნე	დაჯდა ყეენად უზუნ ასან.
1469	რნზ	გარდაიცვალა გიორგი მეფე. და დაჯდა ძე მისი კოსტანტინე მეფედ. და ჱერ-კახთა ჩამოიყვანეს დავით, მეფე ყვეს.	კოსტანტინე
1470	რნჱ	მოკუდა დადიანი ლიპარიტ და დაჯდა ძე მისი შამანდავლე.
1471	რნთ	მოკუდა დავით კახთ მეფე. დაჯდა ძე მისი გიორგი. და მეფემ ბაგრატ ქართლი დაიჭირა.
1472	რჲ	უზუნასან ყეენი შევიდა საბერძნეთს და მოაოჴრნა.
1474	რჲბ	მოკუდა შამანდავლე დადიანი, დაჯდა ბიძა მისი ვამიყ დადიანად.
1475	რჲგ	მოკუდა ბაადურ ათაბაგი. დაჯდა მანუჩარ ძმა მისი.
1477	რჲე	ბაგრატ მეფეს დადიანი ვამიყ უკუუდგა. უკუნიქცა ქართლიდამ ბაგრატ და შეიბნენ. ბაგრატს გაემარჯვა, და კუალად მოვიდა ქართლს უძლიერესად.
1478	რჲვ	უზუნასან ყეენი მოვიდა, ქართლი და ერწო-თიანეთი მოსწყვიტა. კოსტანტინე ბარათიანით მივიდა მის თანა, ტფილისი მისცა. და ბაგრატ მეფე წარვიდა რაჭას. მუნ მოკუდა. დაჯდა ძე მისი ალექსანდრე.
1479	რჲზ	კოსტანტინე მეფემ ტფილისი, გორი და ქართლი დაიჭირა. კუალად იმერეთი დაიჭირა.
1481	რჲთ	მეფე კოსტანტინე ჯავახეთს მიუხდა, დადიანი თან ახლდა, მანუჩარ ათაბაგზე გაემარჯვა.
1482	რო	მოკუდა ვამიყ დადიანი. დაჯდა ძე შამანდავლესი ლიპარიტ.
1483	როა	მეფე კოსტანტინე და ყვარყვარე შეიბნენ, ყვარყვარეს გაემარჯვა. და მოკუდა გურიელი კახაბერ, დაჯდა გიორგი ძე მისი.
1484	რობ	ალექსანდრემ ძემან ბაგრატ მეფისამან ქუთათისი აღიღო მეფედ დაჯდა.
1486	როდ	იაყუბ ყეენი მოვიდა ახალციხეს და აწყვერი აღიღო. ტყვე ყო და მოსწყვიტნა, აწყვრიდამ გაუსია სპანი ქართლს, და დბანის ჴევში ბარათიანთ მოსწყვიტნეს. აწყვრის ღმრთის მშობელი მანუჩარ ათაბაგმან დაიჴსნა ვერცხლით, სეკდემბერს კე.
1487	როე	კოსტანტინე მეფემან იმერეთი დაიჭირა. და მოკუდა ათაბაგი მანუჩარ. დაჯდა ყვარყვარე ძე აღბუღასი.
1488	როვ	იაყუფ ყეენმან წარმოავლინა სპანი, მოვიდნენ იწყეს შენება აღჯაყალისა და ქაოზიანისა.
1489	როზ	ალექსანდრე მეფემ იმერეთი დაიჭირა ქუთათისი აღიღო.
1490	როჱ	წარმოავლინა კუალად ყეენმან სპანი და მოადგნენ ტფილისს, ბარათიანთ მოსწყვიდნენ.
1491	როთ	მოკუდა სამცხეს დედის იმედი, წლისა ნდ, დეკემბერს იჱ.
1492	რპ	მოკუდა კახთ მეფე გიორგი, და დაჯდა ალექსანდრე ძე მისი.
1494	რპბ	ათაბაგმან ყვარყვარემ შურაგო შაქს, და ცეცხლის ჯვარზედ ქართველთა სძლო.
1495	რპგ	ალექსანდრე მეფეს უშვა თამარ დედოფალმან ძე ბაგრატ. და შემდგომად დავით.
1496	რპდ	გამოჩნდა შაისმაილ ძე შიხისა, და იწყო პყრობად ქუეყანისა.	თათრულსა შა
1499	რპზ	განძლიერდა შაისმაილ	თათრულს შე
1500	რპჱ	შაისმაილ ადრიბეჟანი დაიჭირა შირვანს მოვიდა. ალექსანდრემ კახთ მეფემ ძე თჳსი დიმიტრი მიაგება ძღვნითა. შეწყალებული გამოუშვა. და მოკუდა ყვარყვარე ათაბაგი. დაჯდა ძე მისი ქაიხოსრო.	თათრულს შზ
1502	რჟ	მოკუდა ქაიხოსრო ათაბაგი წლისა ნგ. მაისს ვ. დაჯდა ძე მისი მზეჭაბუკ.
1505	რჟგ	გარდაიცვალა მეფე კოსტანტინე. და დაჯდა ძე მისი დავით მეფედ.	დავით
1509	რჟზ	ალექსანდრე მეფემ ძემან ბაგრატისამან გორი დაიჭირა. და ჩიხთ იმერეთი მოარბივეს. უკუნიქცა ალექსანდრე იმერეთს. და შემდგომად დავით მეფემ დაიპყრა გორი.
1510	რჟჱ	მოკუდა მეფე ალექსანდრე და დედოფალი თამარი, და დაჯდა მეფედ ძე მათი ბაგრატ.
1511	რჟთ	ავგიორგიმ მამა თჳსი მეფე ალექსანდრე მოკლა. და ძმას დიმიტრის თვალნი დასწვნა. თჳთ გამეფდა.
1512	ს	მოვიდა სარასკირი, მზეჭაბუკ ათაბაგი მიეგება, იმერეთს ჩავიდნენ, თათართ ქუთაისი და გელათი დასწვეს. და ბაგრატს ვახტანგ ზედ გაემარჯვა მოხისს. კუალად მოკუდა გურიელი გიორგი და დაჯდა ძე მისი მამია. კუალად მოკუდა დადიანი ლიპარიტ, დაჯდა მამია.
1513	სა	ავგიორგი შეიპყრა ძალისს ბაგრატ მეფის ძემ. ტყვე ყო, და ტყვეობაში მოკუდა ამავ წელს. და კახეთი დავით მეფემ დაიჭირა. სხვაში ეწერა, რომ ავგიორგ დავით მეფე შეიბნენ, დავითს გაემარჯვ(?), ავგიორგი დაიჭირა.
1516	სდ	ათაბაგი დიდ მზეჭაბუკ მოკუდა. დაჯდა ძე მისი ყვარყვარე.
1518	სე	ყეენი წარმოვიდა ქართლის ოჴრებად. დავით მეფემ ძე თჳსი რამაზ მიაგება, და დაიჴსნა ქართლი და საქრისტიანო ტყვეობა ოჴრებისაგან. და ავგიორგის ძემ ლევან კახეთი დაიჭირა.
1519	სზ	გელათი საეპისკოპოზოდ ყვეს, საყვარელიძე მელქისადეკ დასვეს. და დავით მეფე ლევანს მოადგა მაღრანის ციხეში მყოფს.
1520	სჱ	გამოვლეს ოსმალთ სამცხე, ქართლს ჩავიდნენ და დავით მეფემ მოსწყვიტნა. და მაღაროს ლევანისაგან იძლია დავით მეფე. კუალად შეიბნენ დავით მეფე და გურიელი მამია მოხის, და იძლია დავით მეფე.
1522	სი	მოვიდა დევალ, სძლო დავით მეფესა. და მოსწყვიტნა ქართლი და სამცხე.
1523	სია	ზეადიდნეს ღმერთმან მეფე დავით, ერგო გუგუნას და გერმანოზს. კუალად მოკუდა შაისმაილ. დაჯდა შასთამაზ ძე მისი ყეენად.	თათრულს შლ
1524	სიბ	დავით მ=ფე მონაზონ იქმნა. დაჯდა ძმა მისი გიორგი. მეორეს წელს მოკუდა დავით მეფე მონაზონი.	გიორგი
1527	სიე	ლევანს კახთ მეფეს თინათინ, გურიელის ქალმან, უშვა ძე ალექსანდრე.
1529	სიზ	სულტან სულეიმან ხონთქარი ერევანზედ მოვიდა
1532	სკ	მამია დადიანი და მამია გურიელი ჯიქეთს ჩაუხდენ, დადიანი მოკლეს, გურიელი დაიჭირეს. გურიელი მისმან ძემ როსტომ დაიხსნა. და დადიანად დაჯდა ლევან.
1534	სკბ	მოკუდა გურიელი მამია დაჯდა ძე მისი როსტომ. კუალად გიორგი მეფე მონაზონ იქმნა. დაჯდა ლუარსაბ ძე დავითისა	ლუარსაბ
1535	სკგ	მეფემან იმერთამან მოიხსენა შური ათაბაგის მზეჭაბუკისა და მივიდა სამცხეს. და მურჯახეთს შეიბნენ მეფე ბაგრატ და ყვარყვარე ათაბაგი, ბაგრატს გაემარჯვა. ათაბაგი შეიპყრა, გელათს ტყვედ მოკუდა და სამცხე ბაგრატ დაიპყრა. ქაიხოსრო ყვარყვარეს ძე სტამბოლს წავიდა.
1536	სკდ	მოვიდა შასთამაზ მოპარვით, ტფილოისს დაესხა და აღიღო, უკუნქცეული ყარაბაღს დადგა. მივიდა მასთან მეფე ბაგრატ, და წყალობით გამოუშვა. მუნავე ლევან კახთ მეფე, და პატივით გამოუშვა.
1539	სკზ	სომეხნი შეიშალნენ აღვსებისაგან.
1541	სკთ	ოსმალთა და ქაიხოსრო ათაბაგს შეება ბაგრატ მეფე. ბაგრატს გაემარჯვა.
1545	სლგ	ლუარსაბ და ბაგრატ მეფემანი, ბასიანს სოხოისტაზედ ორს ფაშას და ქაიხოსრო ათაბაგს შეებნენ. ქართველთ დაუმარცხდათ. ქაიხოსრომ სამცხე დაიჭირა.
1546	სლდ	ბაგრატ მეფე სამცხეს მოვიდა, ვეღარ დაიჭირა, და აწყვრისა ღვთის მშობელი ციხეჯვარს წაასვენა. კუალად დადიანი ლევან შეიპყრა ბაგრატ მეფემ, გელათს ტყვე-ყო.
1547	სლე	ლუარსაბ, ლევან მეფეთა და მესხთა უწყეს სპარსთა რბევა და ოჴრება.
1548	სლვ	შასთამაზ მოვიდა ყარაბაღს, მივიდა მასთან ლევან მეფე, შევიდნენ შირვანს, გულისტანი აღიღო, შირვანი დაიპყრა. მერე მოვიდა, ტფილისი აღიღო, ეზრახა ათაბაგს, ქალი ცოლად გამოართვა და წარვიდა. კუალად მოკუდა მეფე ბაგრატ. და დაჯდა ძე მისი გიორგი მეფედ იმერთა.	თათრულსა შნე
1549	სლზ	სულტან სულეიმან მოვიდა ადრიბეჟანზედ.
1550	სლჱ	ოსმალთ ტაოს ქვეყანა დაიჭირეს და მანუჩარ დაიბადა.
1551	სლთ	ოსმალთ დაიჭირეს არტანუჯი შასთამაზ
1552	სმ	შაქის ციხე დაიჭირა არსიანამდე, ფანაკარი აღაშენეს, არტანიც დაიჭირეს სამცხეს ვერ გარდმოვიდნენ.
1553	სმა	შასთამაზ ქართლი შემოვლო, ათაბაგი ქაიხოსრო მიეგება, ვარძია, თმოგვი, ვანისქვაბები, აწყვერი, ასპინძა და სრულიად სამცხის ციხენი აღიღო, ქაიხოსროს მოსცა აწყვრის ღმრთისმშობლითურთ, ყეენი სომხითს ჩავიდა, დახოცა იჯუ, შერმაზან და ვახუშტ დიასამიძე. და [ამოვან] თან წარიყვანა ტყვედ. და კუალად აწყურის ღმრთისმშობელი ტყვედ წარიყვანეს იმერეთს.
1556	სმდ	მოვიდა სულტან სულეიმან. კარი აღაშენა, და ბასიანს დადგა. ამას მოუჴდა შასთამაზ, არტანს დადგა. შასთამაზის ძემ ისმაილ კარი აღიღო დააქცივა. ხონთქარი წარვიდა. ყეენი ქართლს ჩავიდა, ააოჴრა, ციხენი აღიღო, ატენის ციხიდამ გამოიყვანა დედა და დაჲ ლუარსაბ მეფისა, ტყვე წარიყვანა, ლუარსაბ მეფე გიორგი მეფეს ეხიზნა. დედისიმედის ძმანი, არჩილ, აშოთან და ვახტანგ აწყვერს მორჩნენ.
1558	სმვ	გარისს ქართველთ გაემარჯვათ ყიზილბაშზედ, და მოკლეს მათ მეფე ლუარსაბ. გამეფედა ძე მისი სვიმონ. და ლევან მეფემ ძე თვისი იესე ყეენს წარუვლინა. კუალად მოკუდა გიორგი მეფისა ალექსანდრე.	სვიმონ
1559	სმზ	სვიმონ მეფემ ქორწილი ქნა, ლევან კახთ მეფის ქალს ნესტან-დარეჯანზედ.
1560	სმჱ	სპარსთა შეიპყრეს მეფის კოსტანტინეს ძის ძე არჩილ დედაწულით და წარიყვანეს ყაზმინს.
1561	სმთ	მეფე სვიმონ და ლევან მეფის ძე გიორგი, ძეგვს შავერდი სულთანს შეებნენ, შავერდის გაემარჯვა და მოკლეს გიორგი, ძე მეფის ლევანისა. და აშოთან მეფის კოსტანტინეს ძის ძე ფხოველთ მოკლეს. კუალად დაიბადა მეფის ბაგრატის ძის ძე, ბატონის კოსტანტინეს ძე როსტომ.
1562	სნ	იმერთ მეფემ გიორგიმ და ათაბაგმან ზავ-ყვეს. აწყვრისა ღმრთისმშობელი მოსცა ათაბაგსა.
1563	სნა	გიორგი მეფემ მოიყვანა ყაბართოდამ ჩერქეზის ბატონის ქალი რუსუდან ცოლად.
1564	სნბ	წარვიდა მეფის სვიმონის ძმა დავით შასთამაზთან გაპარვით. კუალად მოკუდა გურიელი როსტომ, დასვა გიორგი მეფემ ძე მისი გიორგი. და ყვარყვარემ ქორწილი ქმნა, მარეხ დადიანის ქალზედ.
1565	სნგ	ყვარყვარემ მოიყვანა მარეხ სამცხეს. და დაიბადა გიორგი მეფის ძე ბაგრატ.
1566	სნდ	მოკლეს ხომთქარი ფრანგთა, და დაჯდა სელიმ.
1567	სნე	დიღვამს შეიბნენ სვიმონ მეფე და დაუთხან, სვიმონ მეფეს გაემარჯვა.	დაუთხან
1568	სნვ	სამადლოზე შეიბნენ სვიმონ მეფე და დაუთხან, სვიმონ მეფეს გაემარჯვა. კუალად გიორგი მეფეს უღალატა ვახტანგის ძის ძემ ხოსრომ, იანეთს. დაესხნენ, ჭილაძე ვარაზა, ლიპარიტიანი და დადიანი ოდიშარით თან ახლდენ, ვერრა ავნეს.
1569	სნზ	სომხითს ფარცხის შეიპყრეს სპარსთა სვიმონ მეფე, და ალამუტს ტყვედ ყვეს.
1570	სნჱ	ქაიხოსრო ათაბაგი წარვიდა ყაზმინს შასთამაზთან.
1571	სნთ	მზეჭაბუკ ქაიხოსრო ათაბაგის ძემ ქორწილი ქნა გურიელის ქალს როდამზედ.
1572	სჲ	არჩილის ძმის ვახტანგის ძე ბაგრატ დაიბადა. და ნადირობაში ცხენმან მოკლა ლევან დადიანი. და დაჯდა ძე მისი გიორგი. კუალად მოკუდა ქაიხოსრო ათაბაგის ძე მზეჭაბუკ.
1573	სჲა	მოკუდა ქაიხოსრო ათაბაგი ყაზმინს. და აქ დაჯდა ძე მისი ყვარყვარე ათაბაგად. კუალად იშვა ძე გიორგი მეფისა ლევან. კუალად წარგზავნეს ყაზმინიდამ შირაზს არჩილ. კუალად მეფის გიორგის ძემ ბაგრატ ქორწილი ქნა ლევან დადიანის ქალზედ.
1574	სჲბ	მოკუდა ლევან კახთ მეფე, დაჯდა ძე მისი ალექსანდრე. კუალად მოკუდა ხონთქარი სულტან მურად. კუალად ყიზილბაშთ სამცხე და უმეტესად ოცხე მოსწყვიტნეს.
1576	სჲდ	მოკუდა შასთამაზ. დაჯდა ისმაილ ძე მისი ყეენად. ამან მოიყვანა სვიმონ მეფე ალამუტიდამ. და არჩილ ცოლშვილით და ტყვით შირაზიდამ.	თათრულს შპდ
1577	სჲე	შაისმაილ მოკუდა ოკდონბერში. დაჯდა ძმა მისი ხუდაბანდა. და დაიბადა გიორგი დადიანის ძე ლევან.	თათრულს შპე
1578	სჲვ	გამოჩნდა კუდიანი ვარსკვლავი. და გამოვიდა ლალაფაშა, აგვისტოს ზ. მესხთ ციხენი მისცნეს. და მანუჩარც მივიდა. ციხენი შესძღვნა. ტფილის ჩავიდა, დაუთხან თფილისი მოსწვა, გაეცალა. ლალაფაშასთან მოვიდა ვახტანგ მუხრანბატონი და მოიყვანა ამილახვარი ბარძიმ, და ქსნის ერისთავი ელიზბარ, და დაიხსნა ქართლი ტყვეობა-ოჴრებისაგან. ფაშამ თვისნი მამულნი მისცა და მეოთხე დღეს გაუტევა. კუალად წარავლინა სპანი ლალა ფაშამ იმერეთს, დახვდენ იმერნი მთაზედ, მოსწყვიტნეს და აოტნეს. აქ დაესწრა არჩილის ძე ერეკლე. მრავალი ოსმალნი მოსწყვიტნა. ია ჴმალი და მ ისარი მოხვდა ერეკლეს ჯაჭვ-მუზარადი ვერ გაუტეხეს, და აზნაურნი მოსწყვიტეს. წარვიდა ლალა-ფაშა შირვანს. ალექსანდრე კახთ მეფე მოეგება და თან წაჰყვა. ოკდონბერში სვიმონ მეფე მოვიდა, არჩილ თან მოიყვანა და მრავალნი ტყვენი. დაუთხან სტამბოლს წავიდა. კუალად მოკუდა კათალიკოზი აფხაზთა ევდემოზ. და დედოფალი რუსუდან და ძე მისი ბაგრატ. კუალად სვიმონ მეფემ არჩილის ძმა ვახტანგ შეიპყრა და კეხვის ციხეში ტყვე ყო. კუალად წარმოავლინა მირმარი ლალაფაშამ მანუჩართან. და ქართლს გაუსია. ქართლს ვერ ჩავიდენ. სადგერი დაარბივეს, ეკლესიის განძი წარხდა. კუალად წარმოავლინა სანჯახი, ჩაუხდენ, ქართლი მოარბივეს.	სვიმონივე
1579	სჲზ	მანუჩარ ათაბაგი აზრუმს წაიყვანეს.
1580	სჲჱ	მოვიდა კბ წლის ტყვე ლევან მეფის ძე იესე ყეენიდამ. და დაესხა დიღვამს სვიმონ მეფეს ალექსანდრე მეფე კახთა. კუალად წარიყვანეს ყვარყვარე სტამბოლს, ხონთქარს ფალავანი შეეჭიდა, ყვარყვარეს დაეცა. ქრისტეანობით ათაბაგობა მოეცა და მოვიდა. კუალად მოკვდა ძე ბაგრატისა და ძმა არჩილისა ვახტანგ. კუალად ოკდომბერს იე ყვარყვარე და ბექა ლორეს მოუხდენ და მოარბივეს.
1581	სჲთ	ჩაუხდა მეფე გიორგი ქართლს, დადიან-გურიელი თან ახლდენ, გაღმა გამოღმართი სრულ დაწვეს. სვიმონ მეფეს ფაშაზედ გაემარჯვა.
1582	სო	სვიმონ მეფე ლორეს მიუხდა. ქვაბები აიღო. კუალად მოკუდა ყვარყვარე, მანუჩარ გა[ა]თაბაგდა. და მანუჩარ ათაბაგს ოსმალთ უღალატეს, მანუჩარს გაემარჯვა. და მოვიდა სვიმონ მეფესთან, სვიმონ ასული თჳსი ელენე მისცა და აქორწინა. კუალად მოკუდა გიორგი დადიანი, დაჯდა ძმა მისი მამია.
1583	სოა	ტფილისი აღიღო ოსმალთაგან სვიმონ მეფემ. კუალად გურიას დასვეს ვახტანგ გურიელად, გიორგი განაძეს. და გიორგი მეფემ დაიჭირა ძმა თჳსი კონსტანტინე შვილით და პატიმარყო.
1584	სობ	მოიყვანა მანუჩარ ათაბაგმან ცოლი თჳსი, სვიმონ მეფის ასული, სამცხეს.
1585	სოგ	ოსმან ფაშა მოვიდა თავრისზედ. და მოკუდა მეფე გიორგი. დაჯდა ძე მისი ლევან მეფედ. და კოსტანტინემ მისმან ბიძამ არგვეთი დაიჭირა.	თათრულს შჟგ
1586	სოდ	სპარსთ შეიპყრეს შახუდაბანდა. შააბაზ დასვეს ჱ წლისა. ლევან მეფემ მოიყვანა ცოლი ლევან დადიანის ასული მარეხ, ქნა ქორწილი.	თათრულ შჟე
1587	სოე	შააბაზ განჯას მოვიდა. აღაშენა. ლევან მეფემ გაილაშკრა აღდგომას უკან, რიონს გაღმართი კოსტანტინეს ბიძას მისსა აქუნდა სკანდის ციხით, სულ წაართვა მას, საუფლისწულო მისცა. კუალად მოკუდა გურიელი ვახტანგ, გიორგივე გაგურიელდა.
1588	სოვ	სვიმონ მეფემ სამცხე დალაშკრა. კუალად შეიბნენ სვიმონ და ლევან მეფენი გოფანთოს, სვიმონს გაემარჯვა.
1590 რ-ში 1589	სოჱ	ლევან მეფე და დადიანი მამია შეიბნენ, დადიანმან მეფე დაიჭირა, შხეთის ციხეში დააბა და მუნ მოკუდა. მეფედ დასვეს როსტომი, კოსტანტინეს ძე. კუალად მოკუდა დადიანი მამია, დაჯდა მანუჩარ. ამან მოიყვანა ალექსანდრე კახთ მეფის ქალი და იქორწინა. კუალად გიორგი გურიელმან ქუთათისი აღიღო, მოიყვანა თეიმურაზის ძე ბაგრატ, ქუთაისი მისცა, თჳსი ძე მამია მოუყენა. კუალად მოიყვანა ურუმნი, ჩიჯავაძეს ციხე წართვა, სხვა ჩიჯავაძე დასვა. კუალად მოვიდა სვიმონ მეფე. ქუთაისი აღიღო, ბაგრატ ქართლს წაიყვანა, კუალად მოვიდა სვიმონ მეფე ოფიშკვითს დაუმარცხდა. და გამეფედა როსტომ. სვიმონ მეფემ ლორე აღიღო. ოსმალნი მოსწყვიტნა.
1591	სოთ	აფხაზნი მოუხდენ გურიას, გურიელის ძემ მამიამ მოსწყვიტნა. უშვა მანუჩარ დადიანს კახბატონის ასულმან ძე ლევან, და შობაზედ მოკუდა ქალი იგი.
1592	სპ	მანუჩარ დადიანმან იქორწინა ვახტანგ გურიელის ქვრივზედ.
1597	სპე	როსტომ მეფემ მოიყვანა ათაბაგის ქალი თინათინ დედოფლად და იქორწინა.
1599	სპზ	ცხრა თვეს გორს ადგა სვიმონ მეფე, აღიღო გორი და ოსმალნი უვნოდ განუტევა.
1600	სპჱ	სვიმონ მეფე შეიპყრეს ოსმალთა და წარიყვანეს. გამეფედა ძე მისი გიორგი. მოკუდა გიორგი გურიელი. დაჯდა ძე მისი მამია გურიელად.	გიორგი
1601	სპთ	გიორგი მეფემ აღიღო, თავისთჳს დაიჭირა.
1602	სჟ	გიორგი მეფე და ალექსანდრე მეფე კახთა, ერევანს მოდგომილს შააბაზთან მივიდნენ.	თათრულს ჩიბ
1603	სჟა	ალექსანდრე მეფის ძემ დავით გიორგი, ძმა თჳსი, დაიჭირა. და მამა პატიმარყო. თვით გაბატონდა. კუალად მოკუდა მეფე გიორგი, ძე მისი ლუარსაბ მეფე იქმნა.	ლუარსაბ
1604	სჟბ	მანუჩარ დადიანის ძე ლევან კახეთიდამ მიიყვანეს მამასთან ოდიშს.
1605	სჟგ	მოკუდა მეფე როსტომ. ძმა მისი გიორგი მეფე იქმნა. მოკლა ძემან მისმან კოსტანტინემ, მამა ალექსანდრე მეფე და ძმა თჳსი გიორგი. შემდგომად მოკლეს კახთა კოსტანტინეცა. ამავ წელს მოვიდა ბატონი თეიმურაზ კახეთს და გამეფდა.
1606	სჟდ	შააბაზ განჯა აღიღო, და შამახია დაიჭირა. და დაიბადა მამია გურიელის ძე სვიმონ.
1609	სჟზ	მეფეს ლუარსაბს თათარხანზედ გაემარჯვა, მოსწყვიტნა. და გურიელმან მამიამ აჭარა დაიჭირა, ოსმალნი მოსწყვიტნა.
1610	სჟჱ	მოკუდა დედოფალი თინათინ, როსტომ მეფის ცოლი. კუალად მოკუდა ბატონის თეიმურაზის ცოლი ანნა.
1611	სჟთ	ნადირობაში ცხენმან მოკლა დადიანი მანუჩარ. და დაჯდა ძე მისი ლევან დადიანად. და წარვიდა ყეენთან ბატონი თეიმურაზ მგლოვარე.
1612	ტ	ბატონმან თეიმურაზ ქორწილი ქნა ლუარსაბ მეფის დას ხვარაშანზედ
1614	ტბ	მოკუდა მანუჩარ ათაბაგი, დაჯდა ძე მისი მანუჩარვე ათაბაგად
1615	ტგ	შააბაზ განჯას მოვიდა, თეიმურაზ დედა და ძენი წარუვლინა, და ალიყულიხანის გაქცევას უკან შემოვიდა კახეთს და ქართლს. ლუარსაბ და თეიმურაზ იმერეთს წარვიდენ. მერე ლუარსაბ მეფე წარიყვანა.	თათრულს ჩკდ
1616	ტდ	თეიმურაზ კახეთი დაიჭირა, შააბაზ მოვიდა ტფილის. დაუთხანის ძე ბაგრატ მეფედ დასვა, გაბრუნდა. კახეთი აჰყარა. წარიყვანა სრულიად. თეიმურაზ იმერეთს წარვიდა.	ბაგრატ
1618	ტვ	გურიელის მამიას ქალზედ იქორწინა მეფის გიორგის ძემ ალექსანდრემ.
1619	ტზ	მოკუდა ბაგრატ, რომელი დაუტევა შააბაზ მეფედ. და ჩვენ ძემან მეფის ბაგრატისამ სვიმონ და დედამან ჩვენმან ანნამ გიწყალობეთ.
1620	ტჱ	ბატონი თეიმურაზ სტამბოლს წარვიდა, და შააბაზ ძენი მისნი გამოასაჭურისნა.
1621	ტთ	სვიმონ, მამია გურიელის ძემ, ქორწილი ქნა ლევან დადიანის დას მარიამზედ.
1622	ტი	შააბაზ მეფე ლუარსაბ მოაშთობინა მშვილდის საბლით გულაბყალაბს.
1623	ტია	ყარჩიხან და მოურავი მოვიდენ, სვიმონ მეფედ დასვეს ტფილისს, მუხრანს კახნი მოსწყვიტნეს. მერმე მოურავმან ყარჩიხან მოკლა, სპანი სრულიად მოსწყვიტნა. და ბატონი თეიმურაზ კახეთ მოიყვანეს. კუალად გიორგი მეფე და ლევან დადიანი გოჭორაურზედ შეიბნენ და დადიანს გაემარჯვა.	სვიმონ
1624	ტიბ	ყორჩიბაში მოვიდა, მანუჩარ ათაბაგი ურუმთაგან ლტოლვილი ქართველთან მოვიდა, და მარაბდის ომი ქნა, ქართველთ დაუმარცხდათ. ყიზილბაშთ არშიდამ ქალ გამოიყვანეს და წარვიდა ყორჩიბაში. სვიმონ მეფედ დაუტევა ტფილისს. ბატონი თეიმურაზ კახეთს მოვიდა. ქეთევან დედოფალი აწამეს შირაზს.	თათრულს ჩლდ
1625	ტიგ	დაჯდა ათაბაგად საფარ ფაშა. და მოკლა მამია გურიელი ძემან თჳსმან სვიმონ და თჳთ გაგურიელდა.
1626	ტიდ	ბაზალეთს შეიბნენ თეიმურაზ და მოურავი, ბატონს თეიმურაზს გაემარჯვა.
1628	ტივ	მოკუდა შააბაზ. დაჯდა შასეფი ყეენად, შვილიშვილი შააბაზისა.	თათრულს ჩლჱ
1629	ტიზ	ზურაბ ერისთავმან სვიმონ მეფე გამოიტყუა, მოკლა, ბატონი თეიმურაზ მოიყვანა, ბატონმა თეიმურაზ ზურაბ ერისთავი მოკლა. დუშეთიდამ წამოიყვანა ასული თვისი და ალექსანდრეს, გიორგი მეფის ძეს, მისცა და აქორწინა ქინძარას მცირე ეკლესიასა შინა.
1634	ტკბ	მოვიდა როსტომ მეფე ტფილის, თეიმურაზ იმერეთს წავიდა. და ყიზილბაშთ გორის ციხე აღაშენეს.	როსტომ
1635	ტკგ	მოკლა როსტომ მეფემ ერისთავი დათუნა, დუშეთს შეუხდა და დაუმარცხდა. კუალად მოკუდა საფარ ფაშა. დაჯდა ძე მისი უსუფ ათაბაგად.
1636	ტკდ	ერევანი აღიღო მურად ხონთქარმან. და ბატონი თეიმურაზ მოვიდა დუშეთს ზაალ ერისთავთან.
1638	ტკვ	როსტომ მეფემ მოიყვანა ლევან დადიანის და მარიამ და ქმნა ქორწილი. და ლევან დადიანმან გიორგი მეფე დაიჭირა და ტყვედ წარიყვანა, და მისმან ძემ ალექსანდრემ დაიჴსნა.
1639	ტკზ	ბატონმა თეიმურაზ ჯახეთი დაიჭირა. კუალად მოკუდა გიორგი მეფე. ალექსანდრე, ძე მისი, გამეფედა იმერეთს.
1640	ტკჱ	ბატონს თეიმურაზს დიდოეთს დაუნარცხდა.
1642	ტლ	მოკუდა შასეფი. დაჯდა ძე მისი შააბაზ.	თათრულს ჩნბ
1643	ტლა	როსტომ მეფეს მაღაროს ბატონმა თეიმურაზ დაუმარცხა.
1647	ტლე	მოკუდა უსუფ ფაშა. დაჯდა ძე მისი როსტომ ათაბაგად.
1648	ტლვ	ბატონს თეიმურაზს უღლისს დაუმარცხდა. და მაღაროს ძე მისი დათუნა მოკლეს.	თათრულს ჩნჱ
1650	ტლჱ	ალექსანდრე მეფესთან რუსთ ჴელმწიფის ელჩნი მოვიდნენ ქუთათისს. ბატონი თეიმურაზ იქ იყო.
1653	ტმა	ვახტანგ მუხრანის ბატონის ძე თეიმურაზისა ქართლის გამგე იქმნა.
1654	ტმბ	ბატონისშვილი მამუკა ალექსანდრე მეფის ძმა მოკუდა ოდიშს თვალ დამწვარი.
1656	ტმდ	ბატონი თეიმურაზ რუსეთს წარვიდა. კუალად მცხეთის გუნბათი ჩამოვარდა. როსტომ მეფემ აღაშენა.
1657	ტმე	მოკუდა ლევან დადიანი. დაჯდა ლიპარიტ. და ალექსანდრე მეფე ჩაუხდა. ოდიში მოსტყვევნა, ლიპარიტ განაძო, ვამიყ ლიპარტიანი დადიანად დასვა. უნაგირას აქეთი თჳთან დაიჭირა.
1658	ტმვ	ბანძას ალექსანდრე მეფეს შეებნენ დადიან-გურიელი, ფარად ფაშა, ქართველნი საციციანო ბარათიანნი. მეფეს ალექსანდრეს გაემარჯვა, ვამიყ დადიანად დასვა. დემეტრე გურიელად. ლიპარიტ დადიანი და ქაიხოსრო გურიელი სტამბოლს წავიდნენ. კუალად მოკუდა როსტომ მეფე, დაჯდა ვახტანგ მეფედ ქართლისად.	ვახტანგ
1659	ტმზ	კახეთს დასვეს სალიმხან, და ზაალ ერისთავმან კახეთს ელნი მოსწყვიტნა. კუალად მოკუდა როსტომ ფაშა, დაჯდა ძე მისი სალიმ ათაბაგად. კუალად მოვიდა ბატონი თეიმურაზ რუსეთიდამ იმერეთს.
1660	ტმჱ	მოკუდა ალექსანდრე მეფე, დაჯდა ძე მისი ბაგრატ. დედინაცვალმან მისმან დარეჯან ძმის წული თჳსი ცოლად შეირთო. და ვ თვის უკან თვალნი დასწვა ბაგრატს. მან ვახტანგ შეირთო და გამეფდა. მერე ასლან ფაშა ჩამოვიდა, დარეჯან და ვახტანგ წარიყვანა, ბაგრატ დასვა. კუალად მოკლეს ზაალ ერისთავი მაის იგ კვირას. კუალად მოკუდა კათალიკოზი ქრისტეფორე. დაჯდა დომენტი, ძე ქაიხოსროსი.	.:
1661	ტმთ	შანაოზ მეფემ იმერეთი დაიჭირა, ოდიში მოსტყვევნა, დადიანად ლევან დასვა, ქუთაის ძე თვისი არჩილ აკურთხა, მეფედ დასვა. ბატონი თეიმურაზ ტფილის წარმოგზავნა და იმერეთიდამ მოსულმან ყეენთან წარავლინა.
1662	ტნ	მოვიდა ძის ძე ბატონის თეიმურაზისა რუსეთიდამ ერეკლე თუშეთს, და კახეთს ეკირთებოდა.
1663	ტნა	ვახტანგ მეფემ ძე თჳსი არჩილ იმერეთიდამ წარიყვანა. და იმერეთს ბაგრატ წარგზავნა და მეფედ ყვეს. ერეკლე თუშეთს განაძო, კახეთი თჳთ დაიპყრა. კუალად მოკუდა ბატონი თეიმურაზ ასტარაბათს. კუალად შეიბნენ ბაგრატ და ლევან დადიანი, მეფეს გაემარჯვა. დადიანი დაიჭირა, ცოლი წაართვა, თჳთ შეირთო. დაჲ თვისი გოშაძის ნაცოლარი მას შერთო ცოლად.
1664	ტნბ	შანაოზ მეფე თორღას მოადგა. კუალად არჩილ კახეთს მოვიდა მეფედ. კუალად ბატონი თეიმურაზ ალავერდს დაფლეს.
1666	ტნდ	მოკუდა ჩხეიძე კათალიკოზი სვიმონ, დაჯდა საყვარელიძე ევდემოზ აფხაზთა. კუალად სეხნია ჩხეიძემ ქუთაის ციხე აღიღო, ოსმალთ მისცა.
1667	ტნე	მოკუდა შააბაზ. დაჯდა ძე მისი შასულეიმან. კუალად არჩილ მოიყვანა სამცხიდამ ბატონი თეიმურაზის ძის დავითის ასული ქეთევან და იქორწინა ტფილისს. კუალად ბეჟან ლორთქიფანიძემ ქუთაისის ციხე აღიღო, ოსმალნი მოსწყვიტნა.
1668	ტნვ	დარეჯან დედოფალმან ოსმალნი ჩამოიყვანა, მრავალი სულნი მოსწყვიდნეს, ხატნი და ჯვარნი შემუსრნეს, დადიან-გურიელი თან ახლდნენ, დარეჯან მეფედ დასვეს, თჳთ წარვიდენ. ბაგრატ მეფე ქართლს წარვიდა. მერე მოკლეს იმერთა დარეჯან და ვახტანგ. გურიელი დემეტრე მეფედ ყვეს. კუალად შეიპყრეს გურიელი, თვალნი დასწვეს. და გურიას დაჯდა გიორგი.
1669	ტნზ	სთხოეს შანაოზ მეფეს იმერთ ბაგრატ მეფე და მეფედ ყვეს. მერე სახლთხუცესი ჩხეიძე სეხნია, სრულიად იმერელნი დადიანითურთ მეფეს შეებნენ. მეფეს რაჭა-ლეჩხუმელით გაემარჯვა.
1671	ტნთ	ქუთაის სრულიად იმერნი დადიანითურთ მეფეს დაესხნენ. მეფე რაჭას გაეცალა, ისინი გეგუთს დადგნენ, იმერეთს არბევდენ. მეფე რაჭა-ლეჩხუმით ჩამოვიდა, ქუთაის შეიბნენ, მეფეს გაემარჯვა, დადიანი დაიჭირა, შეწყალებული გაუშვა.
1672	ტჲ	ფაშა და ბაგრატ მეფე ქუთაის შეიბნენ. ფაშას გაემარჯვა, ბაგრატ მეფე შეიპყრა.
1674	ტჲბ	ბაგრატ მეფემ ქუთაის ციხე აღიღო. კუალად ყეენისაგან მოწოდებული ერეკლე ბატონის თეიმურაზის ძის ძე კახეთს მოვიდა.
1675	ტჲგ	წარვიდა არჩილ მეფე იმერეთის დასაჭერად. კუალად წარვიდა შანაოზ მეფე ყეენთან. და გარდაიცვალა ხოსკაროს. კუალად გარდაიცვალა კათალიკოზი ქართლისა დომენტი. კუალად წარვიდა ძე შანაოზ მეფისა გიორგი ყეენთან სამეფოდ.
1676	ტჲდ	მოვიდა გიორგი მეფედ ყეენიდამ ი იანვარს. დასვა კათალიკოზად ნიკოლაოზ. კუალად ბაგრატ მეფეს უშვა თამარ ძე გიორგი.	გიორგი
1677	ტჲე	ბეჟანხან კახბატონად მოვიდა. კუალად ბაგრატ მეფემ გიორგი გურიელს მისცა ასული თჳსი დარეჯან ცოლად.
1678	ტჲვ	არჩილ იმერეთი დაიჭირა, ბაგრატ გურიას წავიდა. მიიცვალა თუთა ბატონიშვილი, გურიელის ქალი, მეფის ძის ლევანის ცოლი.
1679	ტჲზ	აჯიალიხან თავრეზს მოვიდა. კუალად ჩამოვიდა აზრუმის ფაშა იმერეთს, არჩილ განაძო. ბაგრატვე დასვა. მერე მოკლა აზრუმის ფაშამ, ახალციხის ფაშა ასლან კვაკჭირს და წარვიდა.
1680	ტჲჱ	მოკუდა დადიანი ლევან. კუალად ათაბაგად დაჯდა ძე ასლანისა უსუფ. მეფის ძემ ლევან იქორწინა თინათინზედ.
1681	ტჲთ	ფაიქომიდამ მეფე არჩილ რუსეთს წარვიდა. კუალად მოკუდა ბაგრატ მეფე. და გამეფედა იმერეთს გიორგი გურიელი.
1682	ტო	მარიამ დედოფალი მიიცვალა. კუალად წარგზავნა ძე ბაგრატისა, ალექსანდრე, გიორგი მეფემან სამეფოდ ახალციხეს.
1683	ტოა	მიიცვალა თამარ დედოფალი, მეფის გიორგის ცოლი. და იმერეთს ალექსანდრე გამეფედა. კუალად მოკუდა იმერთ დედოფალი თამარ მუხრანბატონის ქალი. კუალად ბეჟან-ხან წარვიდა, სხვა ხანი მოვიდა კახბატონად.
1684	ტობ	როკითს ალექსანდრე მეფეს გაემარჯვა. მოკლეს გიორგი გურიელი. და გაგურიელდა მალაქია, ძმა გიორგისა.
1685	ტოგ	დაჯდა გურიელად ქაიხოსრო გიორგის ძე. მალაქია ახალციხეს წარვიდა.
1687	ტოე	გიორგი მეფემ კოჟორზედ ქორწილი ქნა მიქელაძის ქალს ხვარაშანზედ. კუალად ალექსანდრე მეფემ რაჭა დალაშკრა.
1688	ტოვ	კახბატონად მოვიდა აბაზყულიხან. გიორგი მეფემ ძე თჳსი ბაგრატ და ძმა ლევან ყეენთან წარგზავნა. და გაზაფხულს შეუხდა დუშეთს, დაუმარცხდა. ამას ზაფხულსვე მოვიდა ერეკლე ტფილის მეფედ. გიორგი მეფე რაჭას წარვიდა. კუალად ამავ შემოდგომას მოვიდა რაჭას არჩილ მეფე რუსეთიდამ.	ერეკლე
1689	ტოზ	ოსმალთ მოკლეს ქაიხოსრო გურიელი. მალაქია გააგურიელეს, მერე მამია ძე გიორგისა.
1690	ტოჱ	მოკუდა უსუფ ფაშა, დაჯდა ძმა მისი სალიმ ათაბაგად. და კუალად არჩილ იმერეთს გამეფდა. კუალად გოდოგნის ომი იქნა. არჩილს გაემარჯვა. ალექსანდრე ქართლს წავიდა.
1691	ტოთ	გიორგი მეფემ ახალციხიდამ გამოლტოლვილმან ქართლი დაიჭირა. ერეკლე მეფე ტფილის ციხეში შევიდა. კუალად ფაშამ ალექსანდრე ჩაიყვანა იმერეთს, გაამეფა. არჩილ რაჭიდამ ქართლს ჩავიდა, და ქუთაის ეკლესია ყოვლად წმინდა შემუსრეს ოსმალთ. კუალად ალექსანდრე მეფემ გიორგი აბაშიძის ქალი თამარ შეირთო ცოლად. კუალად ქართველთ დაუმარცხდათ ნინოწმიდას, მოკლეს ბარძიმ მდივანბეგი.	გიორგივე
1692	ტპ	მოკუდა შასულეიმან, დაჯდა ძე მისი შასულთან უსეინ. კუალად შეიპყრეს არჩილ მეფე ჩერქეზთა.
1694	ტპბ	გიორგი მეფე მცხეთას დადგა, ერეკლე მეფე ჯვარს, ერეკლეს მოეშველა აბაზყულიხან, და ბრძოდენ ერთმანეთს. კუალად მოკუდა თამარ, მეფის ქალი, გივი ამილახორის ცოლი.
1695	ტპგ	ხვარაშან დედოფალი გიორგი მეფის ცოლი მიიცვალა. კუალად მისცა ყეენმან ქალბალიხანს კახეთი და სარდლობა. მოვიდა ივლისში ერეკლე მეფითურთ, და დადგა თრიალეთს. და გიორგი მეფე კლდეკარზედ. იმერთ შეიპყრეს ალექსანდრე მეფე, მოსცეს გიორგი მეფეს. მოაშთვეს რუისს და დაფლეს მუნვე. და არჩილ იმერეთს გამეფედა. ოკდონბერში გიორგი მეფეს კლდეკარს დაუმარცხდა, იმერეთს წარვიდა. ერეკლე მეფემ ქართლი დაიჭირა. კუალად ამავ ზამთარს შეუხდენ კახნი ჭარს, დაუმარცხდათ და მოსწყვიდნეს ლეკთა მრავალნი.
1696	ტპდ	წარვიდა გიორგი მეფე იმერეთიდამ ყეენთან ისპაანს. შემდგომად არჩილ განაძეს იმერთ. გიორგი დასვეს მეფედ, გოჩიად წოდებული. კუალად მოკუდა რაჭის ერისთავი პაპუნა, დაჯდა ძე მისი შოშიტა ერისთვად.	ერეკლევე
1698	ტპე	ჩამოიყვანეს ოსეთიდამ არჩილ იმერეთს მეფედ ყვეს, გოჩია განაძეს. შემოდგომაზედ ფაშამ ჩამოიყვანა ძე ალექსანდრე მეფისა სვიმონ. მეფედ დასვა. და არჩილ მეფე დვალეთს წარვიდა.
1700	ტპჱ	არჩილ მეფე რუსეთს წარვიდა დვალეთიდამ. კუალად მოკუდა კათალიკოზი იოვანე დიასამიძე. დასვა ერეკლე მეფემ ძმის წული მისი ევდემოზ კათალიკოზად.
1701	ტპთ	იმერთ მოკლეს სვიმონ მეფე. მამია გურიელი გამეფეს. კუალად მისცეს ვახტანგ ბატონიშვილს საუფლისწულო, და მოვიდა შემოდგომაზედ, სურამს დადგა. კუალად წარვიდა გურიელი გურიას, და აბაშიძე გიორგი განაგებდა იმერეთს. კუალად მოკუდა სალიმ ფაშა, და დაჯდა ძე უსუფ ფაშისა ისაყ ათაბაგად.
1703	ტჟა	მისცეს გიორგი მეფეს ქართლი, და მოვიდა ძმა მისი ლევან ივლისში, ერეკლე მეფეს ყულარაღასობა და კახეთი მისცეს, მაისში ისპაანს წარვიდა. კუალად მოვიდა იმანყულიხან ძე ერეკლე მეფისა კახბატონად. კუალად ჩამოვიდა მარიამობის თვეში სარასკარი იმერეთს. დაუტევა მეფედ ძე ალექსანდრე მეფის გიორგი, და წარვიდა.	გიორგივე
1704	ტჟბ	ლევან წარვიდა ისპაანს სეკდემბერს. ვახტანგ ძე თჳსი გამგედ დაუტევა და იესე ძე თვისი თან წარიყვანა.
1705	ტჟგ	დომენტი ძე ლევანისა და ძმა ვახტანგისა ქართლის კათალიკოზად დასვეს. კუალად გარდაადგინეს ისაყფაშა და დასვეს ასლან ძე სალიმ ფაშისა ათაბაგად.
1706	ტჟდ	იმანყულიხან შეუხდა ჭარს. დაუმარცხდა. მრავალნი კახნი მოსწყვიტეს ლეკთა.
1707	ტჟე	კათალიკოზი დომეტი ისპაანს წარვიდა ყეენთან. უკუდგნენ იმერნი აბაშიძისაგან, გიორგი ძე ალექსანდრესი გაამეფეს.
1708	ტჟვ	კათალიკოზი დომეტი მოვიდა ისპაანიდამ. კუალად გარდაადგინეს ასლან ფაშა. დასვეს ისაყვე ათაბაგად.
1709	ტჟზ	მოკლეს გიორგი მეფე ყანდაარს. მისცეს ქართლი და სპასალარობა ქაიხოსროს ძესა ლევანისასა. კუალად მოკუდა მაისში ლევან ისპაანს. კუალად გაემარჯვა გიორგი მეფეს ფარცხანაყანევს, კაცხისა და ნავარძეთის ციხე აღიღო, მერე რაჭა დალაშქრა.	ქაიხოსრო
1710	ტჟჱ	მოკუდა ერეკლე მეფე ისპაანს. კუალად მოკუდა თეიმურაზ ბატონიშვილი ძმა ვახტანგისა დეკემბერს ზ. კუალად მოკუდა ალექსანდრე ძე არჩილ მეფისა რიგას.
1711	ტჟთ	იმანყულიხან იანვარში წარვიდა ისპაანს. ვახტანგ ოსეთი დალაშკრა აგვისტოში. და გიორგი მეფემ აგვისტოში რაჭა დალაშკრა. ოკდომბერს განაძეს გიორგი ქართლში, და გურიელი მამია დასვეს მეფედ. კუალად მოკლეს მეფე ქაიხოსრო ოკდონბერს კვ ყანდაარს.
1712	უ	ვახტანგ მეფემ თებერვალში ქორწილი უყო თეიმურაზს, ერეკლე მეფის ძეს, თამარს თჳს ქალზე. და ვახუშტი აბაშიძეს ანუკაზედ. და თჳთ წარვიდა ისპაანს აპრილს კგ. კუალად მოკუდა არჩილ მეფე მოსკოვს. კუალად ჩხარის ომი იქმნა, მეფე გიორგის გაემარჯვა ივნისში, გურიელი რაჭას წავიდა. კუალად დაიბადა აგვისტოს ბ გიორგი, ძე ვახტანგ მეფისა, გორს.	ვახტანგ
1713	უა	დიდი მკლობა იყო და ჟამი მომსრველი. ნოემბერში შეიბნენ ქუთაის გიორგი მეფე და გურიელი მამია. გურიელს გაემარჯვა.
1714	უბ	იანვარს ე მოკუდა გურიელი მამია ღვანკითს. გურიას დასვეს ძე მისი გიორგი. მაისში გიორგი მეფემ იმერეთი დაიჭირა. სეკდენბერში მოვიდა მეფის ვახტანგის ძმა იესე ტფილის მეფედ.
1715	უგ	იმანყულიხან მოვიდა ისპაანიდამ კახეთს. კუალად ლეკთ მდევარნი კახნი მოსწყვიტნეს მთავარნი კგ. და შემოდგომაზედ ქორწილი ქნა იესე მეფემ მარტყოფს, ერეკლე მეფის ქალს ელენეზედ. კუალად გიორგი მეფემ დადიანი გიორგი გარდააგდო. დასვა დადიანად ძე მისი ბეჟან. კუალად შეიპყრა ბეჟან მამა თჳსი დადიანი გიორგი. კუალად წარავლინა იესე მეფემან სპასპეტი ლუარსაბ საბარათიანოს დროშით ლეკზედ. მაღაროს ბოლოს დაუნარცხდათ, და მრავალნი ქართველნი და კახნი მოსწყვიტესლეკთ ჭარელთა.	იესე
1716	უდ	მოკუდა დედოფალი ანნა, ცოლი ერეკლე მეფისა, გაზაფხულს. კუალად აგვისტოში მისცეს მეფე ვახტანგს ქართლი და სპასალრობა. სეკდენბერში მოვიდა ძე მეფის ვახტანგის ბაქარ მცხეთას, იესე კახეთს წავიდა. კუალად გარდაადგინეს ისაყ ფაშა, დასვეს ასლანვე ათაბაგად. ეს ჩაიყვანეს იმერთ, და შეიბნენ გიორგი მეფე და ასლან ფაშა სვიმონეთს. ფაშას გაემარჯვა, მეფე ქართლს წარვიდა.	ვახტანგ
1717	უე	გიორგი მეფე წარვიდა სტამბოლს. კუალად ივლისში ლეკთ ბოლნისები მოარბივეს, მოსტყვევნნეს, მიეწივნენ მდევრად მცირედნი ქართველნი ნაზარას სოფლის ბოლოს, ქართველთ დაუმარცხდათ.
1719	უზ	მოვიდა მეფე ვახტანგ აგვისტოში ტფილის. კუალად მოვიდა გიორგი მეფე სტანბოლიდამ, ჩამოიყვანა ოსმალნი და დაიჭირა იმერეთი. კდ დეკენბერში საფურცლეს მეფე ვახტანგ და იმანყულიხან შეიყარნენ.
1720	უჱ	წარავლინა მეფემ ვახტანგ სპანი ლეკზედ საშველად იმანყული ხანთან. კუალად მოკლეს იმერთ გიორგი მეფე თებერვალს კზ. და აღიღო ციხე კაცხისა ერისთავმან შოშიტამ და გამოიღო საგანძური მისი.
1721	უთ	მეფე ვახტანგ მივიდა მაღაროს დიდის ლაშკრით ლეკზე თებერვალში, მაისში მოკუდა იმანყულიხან კახბატონი. კუალად ფაშამ ჩაიყვანა ალექსანდრე გიორგი მეფის ძე მეფედ იმერეთს.
1722	უი	ყეენმან მამადყულიხანს მარტში მისცა კახეთი და მოვიდა ყაზახში. კუალად ავღანნი მოადგნენ ისპაანს აპრილში. მაისში წარვიდა მეფე ვახტანგ განჯას და განარინა ლეკთაგან. კუალად გამოვიდა რუსეთის ჴელმწიფე დიდი პეტრე დარუბანდს. აგვისტოში, დაიპყრა. კუალად მეორედ წარვიდა მეფე ვახტანგ განჯას სეკდემბერში. კუალად მოკუდა აბაშიძე გიორგი ტფილის ოკდონბერს იე. ამავ ოკდონბერში აღიღეს ავღანთ ისპაანი. და პატიმარყვეს შასულთან უსეინ.
1723	უია	მისცეს მამადყულიხანს ქართლი. მოვიდა იანვარში ავლაბარს. თაბორზე დაუმარცხდა აპრილს ივ. ლტოლვილი მივიდა ლეკში. მაის დ დაუმარცხდა მეფე ვახტანგს და აღიღეს ლეკთ ტფილისი. ივლისში მიეგებნენ ბაქარ და იესე სარასკარს, და ჩამოვიდა ოსმალი. ყურყუთას მიეგება მამადყულიხან სარასკარს. მისცა ციხე ტფილისისა. სარასკარმან ქართლი ბაქარს მისცა. მამადყულიხან შეიპყრა. სეკდენბერში ოსმალთ მარტყოფი მოსტყვევნეს. ოკდონბერს სარასკარი განჯას წარვიდა, უქმი მოიქცა.
1724	უიბ	მეფე ვახტანგ წარვიდა რუსეთს ივლის იე. ოკდონბერში მოიყვანეს ქართველთ მამადყულიხან კახთ სპითა, ზედაველაზედ ოსმალთ და იესე მეფეს შეებნენ. ოსმალთ გაემარჯვათ. მრავალნი სულნი ქართველნი და კახნი მოსწყვიტნეს. კუალად ამავ ივნისში რაჭის ერისთავი შოშიტა ალექსანდრე მეფეს მიუხდა, მეფე სკანდის ციხეში მორჩა.
1725	უიგ	ალექსანდრე მეფემ რაჭა დალაშკრა. ოსმალთ ქართლი აღწერეს, ხარკი დასდვეს.
1726	უიდ	მოკუდა გიორგი გურიელი. დაჯდა ძე მისი მამია. კუალად მოადგნენ მეფე ალექსანდრე და ბეჟან დადიანი შორაპანს, ლევან აბაშიძის ციხეს. აღიღეს. მისცეს ზურაბ აბაშიძეს. კუალად გამოვიდა მეფე ვახტანგ სეკდენბერში გილანს რუსეთიდამ.
1727	უიე	მოკუდა იესე მეფე ტფილისს ოსმალობაში.
1728	უივ	მოკლეს ბეჟან დადიანი ოსმალთა. ძე მისი ოტია გადადიანდა. კუალად მეფე ვახტანგ გილანიდამ მოსკოვს მივიდა.
1729	უიზ	მოკლეს მამადყულიხან ოსმალთა ბეჟანბაღს. კუალად სომეხნი შეიშალნენ აღვსებისაგან. და თეიმურაზ ფშავს წარვიდა.
1730	უიჱ	მოადგა მეფე შორაპანს. შეამჭირვა. მოიყვანა ზურაბ აბაშიძემ ოსმალნი და მისცა მათ შურითა ლევანისათა.
1731	უით	ჩამოიყვანეს თეიმურაზ კახთ ფშავიდამ, დაემორჩილნენ. მოკუდა შოშიტა ერისთავი. დაჯდა ძე მისი გრიგოლ.
1732	უკ	შეირთო მეფე ალექსანდრემ აბაშიძის ლევანის ქალი. და ასული თჳსი, დადიანის ქალის ნაშობი, მისცა გურიელს მამიას ცოლად.
1733	უკა	ფაშამ ალექსანდრე მეფე წარიყვანა იმერთ სპითა. გამოეპარა აფხაზეთიდამ და მოვიდა იმერეთს.
1734	უკბ	ჩიხორს მეფე ალექსანდრეს შეებნენ დადიანი ოტია, რაჭის ერისთავი გრიგოლ, აბაშიძე დავით. მეფეს გაემარჯვა და დადიანი დაიჭირა. კუალად მეფე ვახტანგ დარუბანდს გამოვიდა. კუალად მოვიდა თამაზხან, შამახია აღიღო, სულხავი შემუსრა. მერე განჯას მოადგა. მუნ მივიდა თეიმურაზ სრულიად კახით. შემდგომად ქართველნი. ორთავ ჯარი მოსცა. წარმოგზავნა. შეუძღვნენ კახნი ჭარში და შემუსრეს ჭარი. და ქართველნი და ყიზილბაშნი ბრძოდენ ტფილის მუნ მყოფს ფაშას.
1735	უკგ	თამაზხანს ერევანს სარასკარს ქოფრულზედ გაემარჯვა. მისცეს რუსთ დარუბანდი, და ოსმალთ ტფილისი, განჯა და ერევანი. კუალად მეფე ვახტანგ აშტარხანს გავიდა. კუალად ტფილისს მომავალს თამაზ ხანს გაეპარნენ თეიმურაზ და ქართველნი. თამაზხან ტფილისიდამ გაუსია ჯარი და აჰყარა ქართველნი მრავალი სული, წარავლინა ხორასანს. იმერელთ წარუვლინა დესპანი, გაჰპარსეს და გაჰყიდეს. მერმე ჩავლო კახეთი. აჰყარა მუნც სული მრავალი. მივიდა დარუბანდს. მერმე მუღანჩოლში დადგა.
1736	უკდ	თამაზხან გახელმწიფდა თ მარტს მუღანჩოლში. კუალად იწოდავე ნადირშა.
1737	უკე	გორს ყიზილბაშთ მიიტყუეს თეიმურაზ და ქართველნი, შეიპყრეს და წარავლინეს ისაანს შანადირის წინაშე. კუალად გარდაიცვალა მეფე ვახტანგ აშტარხანს მარტს კზ, კუალად გარდადგინდა ისაყფაშა. და დასვა ძე თჳსი უსუფ ფაშა ათაბაგად.
1738	უკვ	მოკლა ღალატით ალექსანდრე მეფემ დავით ძე ზურაბ აბაშიძისა და წერეთელი პაპუნა. და უკუდგნენ დადიანი, ერისთავი და ზურაბ. კუალად მოვიდა თეიმურაზ ყანდაარიდამ კახეთს. კუალად შანშე ერისთავს მოუხდა ხანი, განაძო, და წარვიდა იმერეთს დედაწულითურთ. მერე წარვიდა რუსეთს. კუალად ალექსანდრე მეფემ წარგზავნა დესპანად რუსეთს ქუთათელი ტიმოთე არმაღანითა.
1739	უკზ	სპასალარი შანადირის ძმა შეუხდა ადრიბეჟანისა და ქართველთ-კახთ სპითა ჭარს. შემუსრა და მოაოჴრა სრულიად. მერე მოკლეს ლეკთ სპასალარი და ივლტოდეს სრულიად სპანი. ლეკთ მოსწყვიტნეს მრავალნი სულნი. კუალად რუსეთიდამ მოსრულმან შანშე ერისთავმან მოიყვანა ლეკნი, მოადგა ანანურს, გამოიყვანა ბარძიმ ერისთავი და მოსწყვიდნა სრულიად სახლეულით მათით. და ზოგნი გამოსწვნა კოშკთა შინა. კუალად ალექსანდრე მეფემ შანშესაგან ჩაიყვანა ლეკნი იმერეთს, ჩავიდა ოდიშს და შემუსრნა ციხენი. კუალად შანადირის ძემ მოკლა შასთამაზ და ძე მისი და მოსწყდა თესლი შიხთა მათ.
1740	უკჱ	მოუხდა დადიანი ოტია ალექსანდრე მეფეს ოდიშარ-აფხაზითა. მეფე გაეცალა. მან მოსწვა ვარციხე და იმერეთი. კუალად მოკუდა სვიმონ ბატონიშვილი პეტრებუხს იანვარს კზ. კუალად მოკუდა დარეჯან ბატონიშვილი მოსკოვს სეკდენბერს კდ. კუალად მიიცვალა დედოფალი რუსუდან მოსკოვს სეკდენბერს ლ.
1741	უკთ	შანადირ მოვიდა ინდოეთიდამ. არდაველს მიეგება თეიმურაზ, წარმოავლინა სპითა და შეუხდენ ჭარს, შემუსრეს, მოსწვეს და მოსტყვევნეს. შანადირ მოადგა დაღისტანს ლეკთა. დარუბანდს მივიდნენ თეიმურაზ კახით და ქართველნი და კათალიკოზი დომეტი. კუალად იმერთ ჩაიყვანეს ოსმალნი, ალექსანდრე მეფე განაძეს ქართლს. გიორგი, ძმა მისი, მეფედ დასვეს. კუალად შანშე განაძეს და ოსმალთ პყრობილი მოსცეს შანშე შანადირს, ხოლო შაჰნადირმან ხორასანს წარგზავნა. კუალად შანადირის ბრძანებით ფაშამ ალექსანდრევე დასვა მეფედ. კუალად მიიცვალა კათალიკოზი დომეტი ტფილის. დასვეს კათალიკოზად ხერხეულიძე ნიკოლაოზ.
1742	ულ	ალექსანდრე მეფემ მოკლა დედინაცვალი თჳსი თამარ, გურიელის მამიას ქალი. და მოსწყვიტნა გიორგის მიმდგომნი, ზოგი დაჰყიდნა. კუალად უკუდგა გივი ამილახორი, და მეფე ბაქარ მოვიდა აშტარხანს. ხოლო სანადირ ადგა დაღისტანს ა წელს და წარვიდა სპარსეთად. კუალად დიდი ძვრა იყო, დაიქცა ალავერდის ეკლესია და ხოდაშნის ციხე. კუალად გივი აოჴრებდა ქვეყანას ლეკით. კუალად ბაქარ უკუნიქცა მოსკოვსვე. კუალად მოკუდა კათალიკოზი აფხაზთა გრიგოლ, დაჯდა გერმანე.
1743	ულა	ბეჟან არაგვის ერისთავი მოკლეს ყმათა და მიერთნენ თეიმურაზს. კუალად თეიმურაზ შეიპყრა ყეენის შვილად წოდებული და წარუვლინა შანადირს. ამისთჳს მოსცა არაგვის საერისთო და დაიპყრა მან. კუალად გეგუთს მოვიდნენ დადიანი და ერისთავი გრიგოლ ალექსანდრე მეფეზედ. მეფეს გაემარჯვა. მოკლეს გრიგოლ, რაჭის ერისთავი. დაჯდა ძმა მისი ვახტანგ ერისთავად.
1744	ულბ	ქართლს ჩამოვიდენ ოსმალნი. მივიდა გივი ამილახორი მათთან. თეიმურაზს ყიზილბაშ-ქართველთ, გორს მდგომთ, მოადგნენ. და არაგვზე ერეკლემ დაუმარცხათ ოსმალთ და ესენიც ივლტოდენ. გამოვიდენ გორიდამ და აღიღეს ალაფი მათი. გაქცეული უსუფ ფაშა მოკუდა აწყვერს. და მიიღო ათაბაგობა კუალად ისაყ ფაშამვე. ამისთჳს მოსცა შანადირ თეიმურაზს ქართლი და კახეთი ერეკლეს ძესა მისსა. მოკლა კათალიკოზი ნიკოლაოზ ხერხეულიძე თაზიშვილმან. და დასვეს კათალიკოზად ანტონი ძე იესე მეფისა.
1745	ულგ	მოადგა გივს ამილახორს თეიმურაზ ყიზილბაშ-ქართველით სურამს ციხეში მყოფს. გამოიყვანეს გივი და წარუგზავნეს შანადირს. კუალად მოუხდა ალექსანდრე მეფე ლევან აბაშიძეს და ბრძოდნენ.
1746	ულდ	მოკუდა დედოფალი თამარ მეფის ვახტანგის ქალი, და დაჲ მისი ანუკა. თეიმურაზ იე უკან შეირთო ქვრივი ქაიხოსრო ციციშვილისა, ბეჟან თაქალთოიანის ქალი. კუალად განაძეს მეფე ალექსანდრე და მივიდა დადიანს ოტიასთან.
1747	ულე	შეაგდო შანადირ ქართლს, კახეთს მ ათასი თუმანი. ამის სახვეწრად წარვიდა თეიმურაზ მისთან. არამედ მაისში მოკლეს შანადირ ყიზილბაშთა და დასვეს ძმის წული მისი ადილშა.
1748	ულვ	უკუდგნენ ერეკლესაგან ალავერდი და ბარათიანნი. მოიყვანეს ყიზილბაშნი. სალალაკზედ ერეკლეს გაემარჯვა. მერე აღიღო ციხე ტფილისისა, განაძო მუნიდამ ყიზილბაშნი და შემუსრა ზღუდე ციხე ტფილის შორისი.
1749	ულზ	მოკლეს შაადილ, და შემოდგომაზედ მოვიდა თეიმურაზ ტფილის. მეფემ ალექსანდრემ ოსმალი ჩამოიყვანა იმერეთს.
1750	ულჱ	მოკუდა მეფე ბაქარ მოსკოვს ა თებერვალს. მოვიდა გივი ამილახორი მრავლის საქონლით ქართლს.
1751	ულთ	თეიმურაზ-ერეკლეს ქართველთ და კახთ ჭარში მიმსვლელთ დაუმარცხდათ აჯიჩალაბისა და ჭარელთაგან კაკს. და მოსწყვიტეს მრავალი სული, და მოიშთო ალაზანში. კუალად გაემარჯვა ერეკლეს აზათხანზედ ერევანს.
1752	უმ	თეიმურაზს-ერეკლეს ქართველთ და კახთ დაუმარცხდათ განჯას აჯიჩალაბისაგან. და მოსწყდა მრავალი სული კუალად. განძარცვა ხახულის ღმრთის მშობელი და მის ძლით ამ დიდმარხვას მარტში მოკუდა ალექსანდრე მეფე. დაჯდა ძე მისი სოლომონ მეფედ. კუალად თეიმურაზ წარგზავნა დესპანად ტფილელი ამილახორის შვილი ათანასე რუსეთს არმაღამითა.
1753	უმა	მეფე სოლომონ განაძეს იმერთა. მან ფაშა ჩამოიყვანა და დაიპყრა კვალად იმერეთი.
1755	უმგ	შეუთქვეს კახთ ანტონის კათალიკოზს ფრანგობა მტერობით. და განაძეს. კუალად რომის ბერნი კაპუჩინნი ქართლიდან.

ცხორება ეგრისისა, აფხაზეთისა, ანუ იმერეთისა

ვახუშტი ბატონიშვილი - "აღწერა სამეფოსა საქართველოსა"
ავტორი: ვახუშტი ბატონიშვილი