ღურჭულანა მაჭირხოლეფი

ღურჭულანა მაჭირხოლეფი
by ზურაბ ცხონდია
163078ღურჭულანა მაჭირხოლეფიზურაბ ცხონდია

ღურჭულანა მაჭირხოლეფ,
ჯაშე მორჩე პირეფ ცენცჷ.
სქანი სისქვამეთ ნაჭვი ვორექ,
ულირ ჭეჭეთობა სერცჷ.
ბაბუ თოლცჷ უფაფუანც,
ორჩხეთ აფუ ლაგვან რჩხილი,
ნირსის ქჷმაჭვემაფუანცჷ,
სქანი თოლეფიშ ნაკვარჩხირი.
თოლემქ ხოლო თექ ქიმერთჷ,
სოთ გაძინედ ბირგულეფი.
ირფელქ ხეშე გეგწჷმენტჷ,
მუთ იბკითხ დო იბგურენი.
ჸოროფილიშ კერძ-მოჯგირემქ,
ველუქ, გვალო გობობრცხანი.
ვავორექჷ, ქუმომრჩქილეთ,
ტერემც მიოკოროცხალი.
მის აჭარუ თეცალ რინა,
ქიფჩიე ჭე კვარჩხასჷნი,
სქანი ელნაღვარქალინა,
ოჰამ ტომბას, მარჩხასჷნი.
ჩქიმ ჸოროფა,მუდგა ფორენ,
მიჩქ,მიშ გჷნაზაკვა რენი.
ქოიას რთხინქ, ვამაღორენ,
ვარია ვათმოსაქვარენი.