ყილო- ჯელია
ყილო- ჯელია, დაჩხირ ბარჩხალა,
სერსერით ტყასჷ მითოღირინუნქჷ,
ნამ უღურ ხექ დო ვარა თოლქი რე
სქან სიმეტრია, თეცალ ქიმინუნ?!
ნამ ტომბა ცა დო თუდო დიხას,
იწაფჷ სკან თოლიშჷ სინთექ,
მის შეალებე გერკინას ფსუათჷ,
ვარა, სკან დაჩხირჷ მუს აშკირიტე?
მუქ მერჩ თეცალი, შეროზი ნძალა;
ნამ ხელუანქჷ ენორდგუ შური,
ფეტელა ბორკ დო ოღურუ ჯღალი,
ჯერღვამ მანგარი დო უშულად გური?
ნამ ოჭკადურეს, ჭკადუთ დო უროთ,
სკან ორან* გაღა* მიქ მოიჭკადუ,
სი მაჸვილარ ბირცხაშჷ მენდულ,
მაჩარგაზალო, აშ მიქ რე გოიტუ?!
მუ ბორჯის მურიცხ სინთეს დიხაშა,
ჭვემათ ქუდაშქვანს მუშ ჩილამურს;
ღორონთ გუძიცანს მუშ გუნარჩქინას,
ბჯერს, ჟინოშ ვარექ, მიქ შურ უდგჷ შხურსჷ!!!
ყილო, სი დაჩხირ სინთე ბარჩხალა,
სერსერით ტყასჷ მითოღირინუნქჷ,
ნამ უღურ ხექ დო ვარა თოლქჷ რე
სქან სიმეტრია თეცალ ქიმინუნ?!
ოქტომბერი, 2018. ვაშინგტონი.