შ
შარა -- ნაშარსჷ, წყარი -- ნაწყარსჷ.
შერს შერი უჩქუ ირი კოჩი.
შიში ქუმოძირი დო რტინას გოძირანქია.
შონქ თქუა: ირკოჩქ ოშქაბანეთ ქიდიიბნჯირათია.
შორიში მოჯგჷერეს ხოლოში ნტერი უჯგუნია.
შუმილს ზღვა ბირგულიშა მაანჭ.
შუმილს ეკოჯიკაფა ვააკო.
შქვითიშა საარიკო რენია.
შქირენა წანას ჩხვერიშჷ ღუმუ დო ჸვალი ხოლო იჭკომენია.
შქირენს ელაჭკუმაფუ ვააკო, ლურს -- ორთუმელი.
შხვაშჷ წიწილენს ყვარილს მეუხუნუანა დო ვართი მუმულსია.
შხვაში იმენდით შქირენული ქოდოსქიდუქი.
შხვაში ლაკვატა ეფი ოჸოთამალიენია.
შხვაში მაჯინეს მუში უდინუნია.
შხვაში ორქოსი სქანი ლინჯი უჯგუ.
შხვაში ოსურიში იმენდითი ლოგინი ოკო ვემკიიდგე.
შხვაში ოღალე ეფი ეიოჭიფალი რენია.
შხვაშის ქექეთ ნჷმ რაგადა, სქანი გაჸუაფუ მონკა.
შხვაში ფითქის ნჷმ მიშურქე კითის.
შხვაში ღალატით დუსუ ღალატენქია.
შხვაში ღურელი მეზობელს ლურენჯო მიორჩქუდუა.
შხვაში ჭკუა შხვას ვააჭუ.
შხური ეფას ქიჸიდესჸნი, ჯოღორი ვარდასია -- ათმაჯინედეს.
შხურიში მეჯინათ შხურენქ მეციუა.
შხურიში სქუა ჯოღორი დღას ვაჸოფე.
შხურიში ქვათილას ტურაქ ქედაკინ.
შხური შხური რენია, გეიოლ-და, ფური რენია.
შხურქ არძაშ წოხოლე მიოპეტელუა დო არძაშ ბოლოს გუტესია.
შხუ ჯას დიდი ნახაფული მუკოცენსია.