შამანეფიშ ზუკოლუეფი თინეფშო, მისით ეღბალი დო ბედინერობა ოზალუნ

1. შოშეს მუდგა ბორჯის იჸინ, დოჸოთამილ ბურდღა ქოგილახვილეთ-და, ველულუათ. შილებე, თე მუთა მეკონქ თქვან რინაშ არძოშე უთარაშ თილისმათ გინირთასინ. გეჭოფით ბურდღა, ქოგიდვით თქვანო თოლშა მალაფარ აკანშა ვარა ქალეჩვეთ ლუბაშა. ირო თქვანწკუმა გიღუდან დო მუთუნ ღურათ ვა მეჩათ შხვას. შოშეს გილნახვილეფი ბურდღა შამანეფშო საუჯგუშო თილისმა რე.
2. წყარმალ პიჯის აკნაშაყარა ქუალეფს დო კალეფს გიშაკერზაფილ ენერგია უღუნა. შამანეფშო თინეფი თელარაწკჷმა, ლიმაშ ანჯაწკჷმა დო კაჭულობაშ გერჯგინაწკჷმა რენა მერსხილეფი. შამანეფს წანა, ნამდა წყარმალიშ კალეფს ადამიერეფშო გიშაკერზაფილ წიმოძინა მოუღუნან.
3. ირო ქომეხვარით კათას თქვან მუკი-მუკი, მუჭოთ შეგალებენან თეშ. თქვანდე გოჩამილი პოზიტიური ენერგია ვითმანგო დუგართუნა აშო. ქოგოკონა, ორდათ ბედინერი დო ეღბალამი-და, დღას ვედეშურათ შხვაშ მოხვარა.
4. რშუდანი, ნამდა მორჩილ დო ქვერსემ პრობლემა ხოლო ფორმალობა რე. ვა რე ლექინი პრობლემეფს ალულუათ დო იფიქრათ თიშე, ნამდა ირფელი ჯგირო რენ, მარა შამანეფს წანა, ადამიერი უკაჭულო ქომიოჯინე პრობლემეფს-და, თიშ გინოჭკირუა ბრელო უმოს ლექინო გინირთუნ. ქომიაჸუნით შამანეფიშ ზუკოლ-ალაჩამეფს დო გინაშქვით თქვან რინა უმოს ლექინო.
5. ნარტიშ ეჸონაფა დო ნარკვანი ღანკიშა მეჭირინაფა შხირას აკოკვაჭილი რე, მორო რე შვანეფი, მუჟამცჷთ თქვან ნარკვანშა გვალო მუდგა რენ ართ ნობიჯგუ რე გინადგუმალინ, მარა თქვა ირფელს საკაჭოთ გინმაშქვანთ.
6. არძო ადამიერიშ უთარაშ პრინციპი თინა ოკო რდას, ნამდა შხვა კათას დღას გავალი ვა მიორინუასინ. ქომიკიწონით დო ირიათო უმაჟირეთ თქვან დუდს, ნამდა თქვა დღას, მუთუნიშ მანგიორშა ვა მოუღანთ შხვას ფურსუნ.
7. ჸოროფა ირ კოჩის ვა შეულებჷ, მარა თენა უდიდაშ გინაფა რე, ნამუთ უღურალეთ ოკო ქიწისუათ. გიჸორდან არძო, ტერი დო მოჯგირე. მოჯგირეშ ჸოროფა საკაჭო ვა რე, საკაჭო თინა რე, ტერეფი ქიჸოროფუათინ. შამანეფს წანა, ნამდა თიმწკუმა ორე ადამიერი ნძალიერი, მუჟამცჷთ მუშ ტერს ქიჸოროფუანს თეშ, მუჭოთ მოჯგირესინ.
8. კანკალეშა ხვალახობა არძაშე უჰამაშ ღიაბი რე. ქო, ხვალახობა კათაშო ნეგატიურ გინაფეფწკუმა რე მერსხილი, მარა შამანეფს წანა, თენა ირფელი ტყურა რენ. ხვალახალა თიშე უმოს მორგე რე, ვინდარო კათაშ ოშქაბანეთ რინა. მუშო ოკო რაგადი, კონიერობა თაქ ხოლო ოხვილური რე. ქოდოსქიდით თქვან დუდწკჷმა ხვალე, მარა ბრელ ხანს ვეჸუათ თაშ.
9. ვა გინიშქვათ ულირბორჯი იდეალო დო ვა მირჩქინათ, ნამდა თქვან შურდგუმაშ საუჯგუშო ფარანქ ულირ ბორჯეფს ქენაჸუნუნ. იფირქით თიშე, მუნერ ჰამო რე თე რინან. ქომიკაჯინით თქვან ასეიან რინას, თიშენ ნამდა თინა მუდგა იჸინ ბორჯის, ულირო გინირთუ.
10. ოქიანუშ თირუა თქვან დორხველ დუდიშ თირუათ ქოდიჭყით. რშუდანი, ნამდა ოქიანუშ თირუა ფანტაზია დო უმოღე მენდეფი რე ხვალე. თარი თინა რე, ნამდა ოქიანუშა მენწყუაფა ქოშილებუათინ. შამანეფს მიოჩქუნა, ნამდა თენა რე ნიჭი, ნამუთ რინას უმოს ლექინს გიჸოფირენა დო უმოს ბედინერო გინგოშქვანან.

ლექსიკონი:

1. ზუკოლი - რჩევა.
2. ზალამი (ოზალჷ) - სურვილი (სურს).
3. შოშე - ქუჩა.
4. ბორჯი - დრო.
5. ბურდღა - ბუმბული, ბურტყლი.
6. მუთა - დიდი ვერაფერი, უმნიშვნელო.
7. მეკონი - საგანი.
8. რინა - სიცოცხლე, ყოფნა.
9. უთარაშ - უმთავრესი.
10. აკანი - ადგილი.
11. ლუბა - უბე.
12. კალი - კენჭი.
13. გიშაკერზაფილ - განსაკუთრებული.
14. თელარა - სიცოცხლე.
15. ლიმა - ბრძოლა, ომი.
16. ანჯა - უნარი, შესაძლებლობა, ძალა.
17. კაჭულობა - სირთულე, სიძნელე. (კაჭული - რთული, ძნელი) .
18. გერჯგინა - ჯობნა, მორევა, გადალახვა.
19. მერსხილი - დაკავშირებული.
20. წიმოძნა - წარმაება.
21. მუკი-მუკი - ირგვლივ.
22. გოჩამილი - გაცემული.
23. მორჩილი - მცირე, მომცრო.
24. ქვერსემ - დიდი, უზარმაზარი.
25. ლექინი - მსუბუქი, ადვილი, მარტივი.
26. უკაჭულო - მარტივად.
27. ზუკოლ-ალაჩამა - რჩევა-დარიგება.
28. ნარტი - ნატვრა, ოცნება.
29. ეჸონაფა - ახდენა.
30. ნარკვანი - ნანანტრი, ნათხოვარი, სასურველი.
31. ღანკი - მიზანი.
32. აკოკვაჭილი - ჩახლართლი, ძნელი, რთული.
33. მორო - თუმცა
34. შვანი - დრო, აქ. შემთხვევა.
35. ნობიჯგუ - ნაბიჯი
36. საკაჭო - ძნელი, რთული.
37. გავალი - ზარალი, ზიანი. გავალიშ მერინაფა - ზიანის მიყენება.
38. ქომიკიწონით - დაიმახსოვრეთ.
39. უმაჟირეთ - გაუმეორეთ.
40. ფური - ცუდი, ავი.
41. გინაფა - განცდა, გრძნობა.
42. უღურალეთ - უსიკვდილოდ, აუცლებლად.
43. წისაფა - განცდა, გემება, ჭაშნიკი.
44. მოჯგირე - მოკეთე, მოყვასი.
45. ხვალახობა (ხვალახალა) - მარტოობა, სიმარტოვე.
46. უჰამაში - უამესი.
47. ღიაბი - გრძნობა.
48. მორგე - სასარგებლო.
49. ვინდარო - ვიდრე.
50. ოშქაბანეთ - შუაში, შუა ადგილას, ცენტრში.
51. კონიერობა - ზომიერება.
52. ოხვილური - საჭირო.
53. ულირბორჯი - წარსული, წარსული დრო.
54. მერჩქინა - მიჩნევა.
55. შურდგუმა - სიცოცხლე, სულდგმა.
56. საუჯგუშო - საუკეთესო.
57. ფარანი - ხანი, დრო, პერიოდი.
58. ჰამო - საამო.
59. ოქიანუ - აქ. სამყარო.
60. დორხველი - საკუთარი.
61. რშუდანი - გახსოვდეთ.
62. უმოღე - ფუჭი, უსარგებლო, ამაო.
63. მენწყუაფა - შეწყობა (ხმისა); გასწორება (ხასიათისა), შეგუება, მორგება (რასმე).