შქვიდუ
ნოტე, მუს ფირქენც ჸვილუ ჸუდეშ
დორთა ბორჯის ხანდას მეშულადირი,
მუ შვანც ქომუკოდოხოდუ ჩილ დო სქუალეფწკჷმან?
გეშუნც ჩაის, ქუმუჭკომუანც მეგვანაფილ შხაშხის, ქოგიოჭუანც მარქვალც.
ქოკითხენანო ბაღანეფი მუმას,
მუჭო მიკიჸონჷ ამდღანერ დღა,
მუჭო მეურც საქვარეფი, ჯგიროვო დო ვარ ფურონ.
მორო ხოლოს ვემკულუანანო შურო პოლიტიკას, სპორტის,
ვასხუნუნანო კინოს, გაზეთეფც, ვეჩიებუნანო ამინდშენი?
ვარა თინა, ჩაიშ ათმაჸაშე ხეს მიდეღანსუნ,
ქოგიოჯინენანო თიშ ხეს.
ვარდა ქეჩიებუნო უკულაშ სქუა:
ბაბაია, ა თოკი, მორთი ქიბლაჸაფათ.
ცხენობაია, თინა ქოუწინცო გოძიცებულო.
,,ამდღა გოჯოგაფილ მაფ თე თოკეფი"!
ვარდა გეიარზამუნო სახე ჭეჭეთობაშ დაჩხირშორო დო
ქომიოღვარანცო:
,,ჸეხ, მუ რე იშენ თე მერქაოფუტე".
პირკალიშფერ თუთა გამნიჯინე თიშ ოსინთეშა
დო თიშ ჭიჭე დორულაფირ ცირას ჟიშე ქოგიოთუანც
მუშ ვარჩხილც, ცირაშ ჸუჯის, თუმაშ კარკულეფც.
ნოტე, ათე ბორჯის მუს ორთჷ შქვიდუ?
თის ალბეთ მუთუნ ვამკულოლუანც,
თეშ ჯინა თიშო ვარე კონწარი.
დო მა მიმოჩქ ნამდა შქვიდუშო
მუთუნ ვარე კონწარი.