ჩარირამა

ჩარი, ჩარი, ჩარირამა,
ჩარირამა ბებია,
გიხაჩქუდკო, გიბარგუდკო,
გიჭკომუდკო ლებია.
ჩარი, ჩარი, ჩარირამა,
ჩარირამა ბებია,
ვართ მახაჩქე, ვართ მაბარგე,
ვართ მაჭკომე ლებია.
ჩარი, ჩარი, ჩარირამა,
მუ ბქიმინა, ბაბაგე,
ნამ ბხაჩქი დო ნამ ბაბრგინი,
კუჩხშა ქათიბტაბაკე.
ჩარი, ჩარი, ჩარირამა,
ჩარირამა ბეგოშ ბიგა,
სქან ვამოკო, ჩქიმს ვემერჩა,
მიდამღანქუნ - გეგოდირგა.
ჩარი, ჩარი, ჩარირამა,
ჩარირამა ბეგოშ ბიგა,
დრო თეში რე მუკორთელი
ართის იბხირქ, ხუთის იბგა

მარაგადე ს. აფაქია-კვირტია