ცა- ლენიშფერჲ
ცა- ლენიშფერჲ,დიხაუჩა-ჭკუჯი,
რინაშოთჷ ვამიღ შურო ჭყანა,
ასე შხვადო სირჩქალა რე მუნჯი,
ასე შხვადო ჩქიმდე რაგადანა.
ჸათე ნარტი შხვა პლანეტას თხოზუ,
რინაშჲ ბოლო ღურუ ორე ნწალე,
პოეზიას უქვინჯობა გოძუ
დო გური რე პოეზია ხვალე.
შურუქალჷ სერჲ ჩქიმოთჷ კირუ,
ჸათე ნარტი ვათირელე ხოლო,
ხიოლიში მერქაქ ქომიძირუ,
თე ნარღი დო წამებაში ბოლოს.
ოფურუანც დღა შურიში ნართის,
მუთ ქორდჷნი, თიქ ირფელქჷ მიდართ,
ასე მოკო მუვოჩირთე ქართის,
სო ივდა დო მუ ვქიმინა, ცირა.
ცა- ლენიშფერჲ, დიხაუჩა-ჭკუჯი,
რინაშოთჷ ვამიღ შურო ჭყანა,
ასე შხვადო სირჩქალა რე მუნჯი,
ასე შხვადო ჩქიმდე რაგადანა.
2014 წანა, ღურთუთა.