წყარც ტანი მეუღ
წყარც ტანი მეუღ ნარაშე,
ქუაშე-ქუას გარტყაფუ.
ონჯუა გერე მუშ კუჩხის,
მარა ბორჯი რე მანთხაფუ.
წყარც ტანი მეუღ ნარაშე,
სოდგარენი რე მერჩხაფუ.
რინა ათაქუ ვეთებუ,
რინა ეთექუ ვეჭყაფუ.
გურც მოწაწელე ჸოროფა,
ვეგნოწიასუნ, გინმოფშუ.
სქან მურიცხელი თოლეფი
ღორონთიშ ხეთუ ინოფშუ.
ჭვემა მუდგარენც ფუცქინუნც,
ნწალე ბორია იროშუ.
სი გორჭყოლადუნ თინა რე,
მუდგათ მა ასე, ირო ფშუ.