ჭინჭაში ლექსი
| ჭინჭაში ლექსი by |
| იოსებ ყიფშიძე "რჩეული თხზულებანი" თბ.1994წ. ხ.331-332 |
შიო! ჭინჭა, სი ოხერი!
გურით გითმოჯინექჷ ნი,
მა მუ რღოლი სი ეფერი?
ჭინჭას თოფი ქჷვოჸოთი,
ზაბარზანიზჷმა გოლჷ:
დარჯაკიში ნასოფაქჷ
ჟირი ვერსის გინი ქოლჷ;
ჭინჭაქ ჯაშე ქჷგთაანთხჷ,
თუდო გჷთოხუ ემერი;
ჭინჭაში ზჷსხჷრქ გაგთოსოფუ,
ხარხი მოსოფუ ემერი.
ჭინჭას ფსუა მებჭკაჭკი დო
ჸუდე გებჭკადი ემერი;
ჭინჭაშ დუდი გოპუპტონი
ბუმბული დობჭეე ემერი;
ჭინჭას კვინჭიხე გელამწყი დო
ინგჷრი გებობგი ემერი;
ჭინჭას დუდი მეფსოფი დო
ვეს წიმოხუ ემერი.
სი ეფერი მუ ბოში დი,
ის არაბას გედვანდი ნი?
ფერი ხოჯი სი სო რჸუნდუ,
ის ჸუდეშა გიღანდჷ ნი?