ჭუკი, გორდი დო ქირი
ჭუკიქ, უბედურ ბედის გორჩქინელქ, დეჯიმაკოჩჷ გორდის. ართ დღას, გორდიქ გლახა გარძახებათ ჭუკიშ კუჩხ ქიმკისკუ მუშ ბორკიშა დო ათაშ ართიანს გინოსკვილო, ქიგიოდირთეს შარას. გორდიქ მუშ ჯიმაკოჩჷ მიდეჸონ დღვაბაშა, სოდგა მუ ცხოვრენდუნ. მუჟამს ქიმიანჭეს დღვაბაშ პიჯისინ, გორდიქ უცბას გეგნოსხაპჷ წყარშა დო მუშ ჯიმაკოჩი ხოლო მიდეჸუნუ. გორდის მანგარო მოწონდჷ წყარს გილანჩურუა დო გობიძღინაფილო ყაყალანდჷ ითამ მანგარ საქმე აკეთუკონ თეშ. უბედურ ჭუკიქ მალას დიშკვიდჷ. გაჭირებულიშ რსხული მინიფაფუდჷ წყარს, გორდიშ კუჩხიშა მესკვილი. ქირქ ქოძირჷ ღურელინ, ქიგიოფურინ თის დო ჰეერშა ქიტატუ ღურელ ჭუკი. ჭუკის გორდიქ ხოლო ქიმიაჸუნჷ, თიშენ ნამუდა თიშა რდუ მესეკვილინ. ქირქ ჟირხოლო მუშ ბუდეშა ქიმიოფურინუ დო ჟირხოლო, ღურელ ჭუკი დო შურდგუმილი გორდით, ოჭკუმჷ იშო.
გლახაშ ქიმინუა დო გლახაშ დუდიშა გენჭაფა ართი რე.