ჸილოშტყებამი
1.ღურუ მუთუნს ვააჭოფე,
ინწრო შარა, კირდე სკვილსუ,
ინა არძას გაასწორენს,
დიდგურამს დო იმენდჭვილსუ.
ბოლოს დიხა მოშაყარანს,
დიდის, ჭიჭეს, სქილშა სქილსუ,
სახელუან ღურა უჯგუ,
ონჯღორიან შინელ რინსუ.
2.ღურუს მუთუნ ვეკუდირთუ, მითგას მუჭო ონაღუდე,
მორთხორანსი ირფელამო, მონა ორდე, გებენს გუდე,
დიშაყარუ ბოლოს არძო, ქუმურჩქინდუ ართი ყუდე
გენაძიცა რინსი უჯგუ, დიხას კოჩო დინოძუდე…
3.მაფა მუს ირგუ ღინწკიპე, სიწკუნწკე კოჩიშ კილიე,
კოჩურ კოჩს არძო უხუჯანს, შხვაშ თურიე თუ მინიე.
შუმა-ჭკომუა კოჩიშოთ გვალა გუმოჭკირილიე,
მუსით შხვას მეჩანქ სკანიე, მუსით ვარ – დინაფილიე