おもろさうし/第七

首里天ぎやすへあんじおそいがなし はひのおもろ御さうし 天啓三年癸亥三月七日 巻七

むかしはぢめからの節

7-345（1）

一聞得大君ぎや／首里杜　初めに／てだが御差し　按司添い／てるかはと　相手為て　ちよわれ／又鳴響む精高子が／真玉杜　初めに／一郎御差し　貴み人／又国直す按司添い／寄り満ちへは　げらへて／君々は　手摩て／又島直す按司添い／せぢ寄せは　げらへて／主々は　手摩て／又てるかはが　国鳴響む／せぢ新み御内　世添へて／肝　栄へて　降れわちへ／又てるしのが　国鳴響む／京の御内　世添へて／肝　栄へて　降りわちへ／又厳子　祈られて／君に　守られて／世の想ぜ　勝て／〔又〕御島　拝まれて／主に　守られて／御肝せぢ　勝れ／又てるかはが　照り居る下／肝　一つ　揃いて／掛け添たる　清らさ

一きこゑおおきみきや／しよりもり　はちめに／てたかおさし　あちおそい／てるかはと　あいちへなて　ちよわれ／又とよむせたかこか／またまもり　はちめに／いちろおさし　たたみきよ／又くになおすあとおそい／よりみちへは　けらへて／きみ〳〵は　てづて／又しまなおすあんしおそい／せちよせは　けらへて／ぬし〳〵は　てつて／又てるかはか　くにとよむ／せちあらみおうち　よそへて／きも　はへて　おれわちへ／又てるしのか　くにとよむ／けよのみうち　よそへて／あよ　はへて　おれわちへ／又いつこ　祈られて／きみに　まふられて／よのさうせ　まされ／〔又〕みしま　おかまれて／ぬしに　まふられて／おきもせち　まされ／又てるかはか　てりよるした／あよ　ふてつ　そろいて／かけおそたる　きよらさ

やゝのきくたけが節

7-346（2）

一聞得大君ぎや／知念杜ぐすく／掛けて　栄よわちへ／神座　在つる／雲子石　手摩て／おぎやか思いに　みおやせ／又鳴響む精高子が／又聞ゑ按司添いぎや／知念杜　清らや／杜ぐすく　添い頂に　ちよわちへ／又鳴響む按司添いぎや／大国杜　清らや／杜ぐすく精頂に　ちよわちへ／又聞得大君ぎや／あさ川に　ちよわちへ／孵で水は　召しよわちへ／京の内に　在つる／百口の手持ちへ／又聞へ按司添いぎや／あさ川に　ちよわちへ／孵で水は　召しよわちへ／又奇せ清らの大のろ／もちろ内の　もちよろ

一きこゑおおきみきや／ちゑねんもりくすく／かけて　ふさよわちへ／かくら　あつる／くもこいし　てつて／おきやかもいに　みおやせ／又とよむせたかこか／又きこゑあんしおそいきや／ちへねんもり　きよらや／もりくすく　そいつきに　ちよわちへ／又とよむあんしおそいきや／ちやくにもり　きよらや／もりくすく　すへつきに　ちよわちへ／又きこゑおおきみきや／あさかわに　ちよわちへ／すてみつは　めしよわちへ／けおのうちに　あつる／もゝくちのてもちへ／又きこへあんしおそいきや／あさかわに　ちよわちへ／すてみつは　めしよわちへ／又くせきよらのおおのろ／もちろうちの　もちよろ

きみしあんじおそいがちやうはち花の節

7-347（3）

一聞得大君ぎや／やゝのきく嶽に／上て　おわちへ　さりよく／てだ　てるかはと／十声　遣り交わちへ／首里杜　ちよわる／吾が貴み加那志／守て　守りよわれ／又鳴響む精高子が

一きこゑおおきみきや／やゝのきくたけに／のほて　おわちへ　さりよく／てた　てるかはと／とこへ　やりかわちへ／しよりもり　ちよわる／あかたゝみかなし／まふて　まふりよわれ／又とよむせたかこか

やゝのきくたけが節

7-348（4）

一聞得大君ぎや／おぼつ嶽　在つる／孵でる上水よ／袖ぎや肝やてや／厳子島　降ろちへ／掻い撫で水　しめまし／又鳴響む精高子が

一きこゑおおきみきや／おほつたけ　あつる／すてるてうみつよ／かみきやきもやてや／いつこしま　おろちへ／かいなでみつ　しめまし／又とよむせたかこか

ひやくなうらしろが節

7-349（5）

一聞得大君ぎや／おれづむが　立てば／斎場下走り／押し開けれよ　門の主／玉簾／巻き上げれよ　孵で者／又鳴響む精高子が／若夏が　立てば／又聞得大君ぎや／初北風が　押し出ぢへば／斎場下走り／押し満ちへれ　門の主／又鳴響む精高子が／しら北風が　押し出ぢへば／又聞得大君ぎや／おれづむが　立てば／白衣御衣　みおやせれ／又鳴響む精高子が／初北風ぎや立てば

一きこゑおおきみきや／おれつむか　たては／さやはしもはしり／おしあけれよ　ちやうのしゆ／たますたり／まきあけれよ　すてもの／又とよむせたかこか／わかなつか　たては／又きこゑおおきみきや／はつにしか　おしいちへは／さやはしもはしり／おしみちへれ　ちやうのしゆ／又とよむせたかこか／しらにしやか　おしいちへは／又きこゑおおきみきや／おれつむが　たては／しらしよみしゆ　みおやせれ／又とよむせたかこか／はつにしきやたては

やゝのきくたけが節

7-350（6）

一聞ゑせぢ新君／東方に　鳴響む／きくやなき嶽から／上がて　おわる　月しゆ／首里杜　ちよわる／吾が貴み加那志しゆ／真だに　やびきよわちへ／又鳴響むせぢ新君

一きこゑせちあらきみ／あかるいに　とよむ／きくやなきたけから／あかて　おわる　つきしゆ／しよりもり　ちよわる／あかたゝみかなしゆ／またに　やひきよわちへ／又とよむせちあらきみ

いべのいのりの節

7-351（7）

一大君は　崇べて／世誇りは　げらへて／天が下　縄　掛けて　ちよわれ／又国守りは　崇べて

一おおきみは　たかへて／よほこりは　けらへて／天かした　なわ　かけて　ちよわれ／又くにもりは　たかへて

きみのつんじの節

7-352（8）

一聞得大君ぎや／みちへづから　祈て／国守り　誇て／国　勝て　ちよわれ／又鳴響む精高子が

一きこゑおおきみきや／みちへつから　いのて／くにもり　ほこて／くに　まさて　ちよわれ／又とよむせたかこか

きこゑきみのつんじの節

7-353（9）

一聞ゑおわかさが／成さい人思い／此れど　だにの／京の内の／金花に　譬わる／又鳴響むおわかさが

一きこゑおわかさか／なさいきよもい／これと　たにの／けおのうちの／こかねはなに　たとわる／又とよむおわかさか

きこへおわかさが節

7-354（10）

一聞ゑ君の頂／京の内庭／手持ち金　孵ちへ／此れど　だにの／首里親国／又鳴響む君の頂

一きこゑきみのつんし／きやのうちみや／てもちかね　すたちへ／これと　たにの／しよりおやくに／又とよむきみのつんし

くろさよこたりが節

7-355（11）

一首里杜ぐすく／歓へ群れ舞へば／百浦　寄て来う／果報寄せぐすく／又真玉杜ぐすく／又揚がる望月や／又君の望月や

一しよりもりくすく／あまへふれまへは／もゝうら　よてこう／かほうよせくすく／又またまもりくすく／又あかるもちつきや／又きみのもちつきや

うちいではかなふくのもりの節

7-356（12）

一聞ゑおわもりや／京　鎌倉／交刺巴　南蛮ぎやめ／唐　宮古　揃えて／適わしよわれ 又鳴響むおわもりや

一きこゑおわもりや／きや　かまくら／かわら　なはんきやめ／たう　みやこ　そろへて／かなわしよわれ／又とよむおわもりや

やゝのきくたけが節

7-357（13）

一聞ゑ押笠が／みてづから　祈て／てだが御差し　誇て／按司添いしゆ／掛けて　栄よわれ／又鳴響む君の按司や／又首里杜ちよわる／世の主の按司添い／又真玉杜ちよわる／又見物金比屋武に／手摩て　降ろす　君や／てだが御差し　誇て／又てだが御差しやれば／もちよろ　愛しけや／てだが御差し　誇て／又島直し　降れわちへ／ころ〳〵よ　見守て／てだが御差し　誇て

一きこゑおしかさか／みてつから　いのて／てたかおさし　ほこて／あんしおそいしゆ／かけて　ふさよわれ／又とよむきみのあんしや／又しよりもりちよわる／よのぬしのあんしおそい／又またまもりちよわる／又みもんかなひやふに／てつて　おろす　きみや／てたかおさし　ほこて／又てたかおさしやれは／もちよろ　かなしけや／てたかおさし　ほこて／又しまなおし　おれわちへ／ころ〳〵よ　みまふて／てたかおさし　ほこて

きこゑきみのつんじが節

7-358（14）

一聞ゑ照る君ぎや／京の降れのきやすひ／成さい人が　御面影　立ちちへ／又鳴響む照る君ぎや／又ぐすく御殿　見揚げれば／又島討ち御殿　見揚げれば

一きこゑてるきみきや／けおのおれのきやすひ／なさいきよか　みおもかけ　たちちへ／又とよむてるきみきや／又くすくおとん　みやけれは／又しまうちおとん　みやけれは

きこゑきみのつんじの節

7-359（15）

一聞ゑ照る君ぎや／世持ち鷲　取りよわちへ／島討ち寄せ／按司添いに　みおやせ／又郡君　選び遣り／又さしふ　いせゑけり／又精軍　発つとゑば

一きこゑてるきみきや／よもちわし　とりよわちへ／しまうちくせ／あんしおそいに　みおやせ／又こおりきみ　ゑらひやり／又さしふ　いせゑけり／又せいくさ　たつとゑは

いべのいのりが節

7-360（16）

一聞得大君ぎや／京の内は　押し開けて／首里杜　降れわちへ／十百度の　世添うせぢ／按司添いに　みおやせ／又鳴響む精高子が／もちろ内は　つき明けて／真玉杜　降れわちへ／又成さい人思い按司添い／いけな君　いきよわ／又吾が掻い撫で按司添い／成り人君　いきよわ／又てるかはが／掻い撫でよわる按司添い／又てるしのが／守りよわる按司添い／又按司添いや　今からど／末　勝て　ちよわる

一きこゑおおきみきや／けよのうちは　おしあけて／しよりもり　おれわちへ／ともゝとの　よそうせち／あんしおそいに　みおやせ／又とよむせたかこか／もちろうちは　つきあけて／またまもり　おれわちへ／又なさいきよもいあちおそい／いけなきみ　いきよわ／又あかかいなてあんしおそい／なりきよきみ　いきよわ／又てるかはか／かいなてよわるあんしおそい／又てるしのか／まふりよわるあんしおそい／又あちおそいや　いみやからと／すゑ　まさて　ちよわる

いべのいのりの節

7-361（17）

一聞ゑ差笠が／神座より　帰て／首里杜　珍らしや／もちよろ為ちへ／按司添い　守ら／又鳴響む差笠が／おぼつより　帰て／真玉杜　珍らしや／又首里杜ぐすく／おぼつ嶽　やびちへ／又真玉杜ぐすく／神座嶽　やびちへ／又吉日の数　降れらに／きらの数　降れらに

一きこゑさすかさか／かくらより　かゑて／しよりもり　めつらしや／もちよろなちへ／あちおそい　まふら／又とよむさすかさか／おほつより　かゑて／またまもり　めつらしや／又しよりもりくすく／おほつたけ　やひちへ／又またまもりくすく／かくらたけ　やひちへ／又ゑかのかす　おれらに／きらのかす　おれらに

やゝのきくたけが節

7-362（18）

一明けとまが　立てば／天の内　京の内／押し開けて／てるかはが　清らや／照り添う／大島　守り侍ら／又明け立ちが　立てば／又聞得大君ぎや／首里守　ちよわる／掻い撫で按司添い／又鳴響む精高子が／真玉杜ちよわる／又聞得大君ぢよ／てだ　てるかはと／十声　遣り交わちへ

一あけとまか　たては／天のうち　けおのうちは／おしあけて／てるかはか　きよらや／てりおそう／たしま　まふりやへら／又あけたちか　たては／又きこへおおきみきや／しよりもり　ちよわる／かいなてあちおそい／又とよむせたかこか／またまもりちよわる／又きこゑおおきみちよ／てた　てるかはと／とこゑ　やりかわちへ

いべのいのりが節

7-363（19）

一聞得大君ぎや／末　尋めて　降れわちへ／成さい人思い按司添い／御顔　合わちへ／おもかしやど　実に　ある／又鳴響む精高子が／真末　尋めて　降れわちへ／又成さい人思い按司添い／百歳　成るぎやめむ／面変わり　しよわるな／又吾が掻い撫で按司添い／百年　成るぎやめむ／成り変わり　しよわるな／又年　三年　成るぎやめ／きら直さ　取るぎやめ／見物遊び　間遠さ／又年　四年　成るぎやめ／吉日直さ　取るぎやめ／国鳴響み　間遠さ／又おぼつ君々や／大君は　祈て／首里杜　降れ欲しや／又神座神々や／精高子は　宣立て／真玉杜　降れ欲しや／又園比屋武　金比屋武は／杜ぐすく　げらへて／天降れ子の　そこらしや

一きこゑおおきみきや／すへ　とめて　おれわちへ／なさいきよもいあんしおそい／みきやう　あわちへ／おもかしやと　けに　ある／又とよむせたかこか／ませ　とめて　おれわちへ／又なさいきよもいあちおそい／ひやくさ　なるきやめむ／おもかわり　しよわるな／又あかかいなてあんしおそい／もゝと　なるきやめむ／なりかわり　しよわるな／又とし　三とせ　なるきやめ／きらなおさ　とるきやめ／みもんあすひ　まとうさ／又とし　四とせ なるきやめ／ゑかなおさ　とるきやめ／くにとよみ　まとうさ／又おほつきみ〳〵や／おおきみは　いのて／しよりもり　おれほしや／又かくらかみ〳〵や／せたかこは　のたて／またまもり　おれほしや／又そのひやふ　かなひやふは／もりくすく　けらへて／あまれこの　そこらしや

しよりもりはぢめが節

7-364（20）

一聞得大君ぎや／昔初めから／首里杜　宣立てゝ／按司添いに　みおやせ／大君ぢよ　肝　揃て　ちよわれ／又鳴響む精高子が／せのみ初めから／真玉杜　宣立てゝ／又成さい人思い按司添い／てるかはが　上がる様に　掛け添て／又吾が掻い撫で按司添い／てるしのが　上がる様に　照り添て／又首里杜御内に／てるかはが　揚がる杜／杜ぐすく　やびちへ／又真玉杜御内に／てるしのが　金の杜／杜ぐすく　やびちへ／又てるかはと　御肝根は　撓て／てるしのと　肝の根は　撓て

一きこゑおおきみきや／むかしはちめから／しよりもり　のたてゝ／あんしおそいに　みおやせ／おおきみちよ　あよ　そろて　ちよわれ／又とよむせたかこか／せのみはちめから／またまもり　のたてゝ／又なさいきよもいあちおそい／てるかはか　あかるやに　かけおそて／又あかかいなてあんしおそい／てるしのか　あかるやに　てりおそて／又しよりもりみうちに／てるかはか　あかるもり／もりくすく　やひちへ／又またまもりみうちに／てるしのか　かねのもり／もりくすく　やひちへ／又てるかはと　おきもねは　しなて／てるしのと　あよのねは　しなて

7-365（21）

一聞ゑ君加那志／厳子島　依り降れて／成さい人思い按司添い／眼　寄り交わちへ／愛しやど　立ち居る／又鳴響む君加那志／此の御島　憑き降れて／又御肝内に　よ治らす／大君に　撓よわ／又肝が内に　覚へす／精高子に　撓よわ／又大ころ達　見守てす／おぼつより　帰れ／又群り合へ子達　贖なてす／神座より　帰れ／又てるかはが　てるしのが／照り居る様に／御肝　生まれわちへ／成さい人思い按司添い／眼　寄り交わちへ／愛しやど　立ち居る

一きこゑきみかなし／いつこしま　よりおれて／なさいきよもいあちおそい／あまこ　よりかわちへ／まなしやと　たちよる／又とよむきみかなし／このみしま　つきおれて／又おきもうちに　よしらす／おおきみに　しなよわ／又あよかうちに　おほへす／せたかこに　しなよわ／又大ころた　みまふてす／おほつより　かゑれ／又もりやへ子た　あかなてす／かくらより　かへれ／又てるかはか　てるしのか／てりよるやに／おきも　うまれわちへ／なさいきよもいあんしおそい／あまこ　よりかわちへ／まなしやと　たちよる

きこゑきみのつんじの節

7-366（22）

一聞得大君ぎや／掻い撫で貴み人／うら〳〵と／同座敷　ちよわれ／又鳴響む精高子が／又首里杜ちよわる／又真玉杜ちよわる

一きこゑおおきみきや／かいなてたゝみきよ／うら〳〵と／ゑんさしき　ちよわれ／又とよむせたかこか／又しよりもりちよわる／又またまもりちよわる

きみのつんじの節

7-367（23）

一聞得大君ぎや／威部の祈り　し［よ］わちへ／按司添いぎや　およりとて／おぼつより　帰ら／又鳴響む精高子が／司祈り　しよわちへ／又明けとまが　立てば／てるかはす　見守れ／又よすづめが　立てば／君々す　見守れ／又さしふ　照る真物／掻い撫でゝす　降れたれ／又むつき　照るきしやき／掻き撫でゝす　降れたれ／又吉日　七日　遊で／眼　合わちへからは／又夜　七日　遊で／御顔　合わちへからは／又国鳴響み　煽らちへ／見物踊り　珍らしや／又国珍ら　煽らちへ／やゝの遊び　珍らしや／又算知らぬ　ころ〳〵／組む手　合わちへ　手摩て／又数知らぬ　真ころ達／御袖　合わちへ　手摩て／又厳子島　直ちへ／此の御島　直ちへ

一きこゑおおきみきや／いへのいのり　し［よ］わちへ／あちおそいきや　およりとて／おほつより　かゑら／又とよむせたかこか／つかさいのり　しよわちへ／又あけとまか　たては／てるかわす　みまふれ／又よすつめか　たては／きみ〳〵す　みまふれ／又さしふ　てるまもの／かいなてゝす　おれたれ／又むつき　てるきしやき／かいなてゝす　おれたれ／又ゑか　なんか　あすて／あまこ　あわちへからは／又よる　なんか　あすて／みきやう　あわちへからは／又くにとよみ　あおらちへ／みものより　めつらしや／又くにめつら　あおらちへ／やゝのあすひ　めつらしや／又さにしらぬ　ころ〳〵／こむて　あわちへ　てつて／又かすしらぬ　まころた／みそて　あわちへ　てつて／又いつこしま　なおちへ／このみしま　なおちへ

きこゑ大ぎみがみてづからが節

7-368（24）

一聞得大君ぎや／御愛しけ按司添い／うら〳〵と／同座敷　ちよわれ／又鳴響む精高子が

一きこゑおおきみきや／みかなしけあんしおそい／うら〳〵と／ゑんさしき　ちよわれ／又とよむせたかこか

とかしきのかねつが節

7-369（25）

一聞ゑ按司添いや／てるかはす　守れ／守りよわば／百末　ちよわれ／又鳴響む按司添いや／てるしのす　守れ／又聞得大君しよ／按司添い　守れ／又鳴響む大君しよ／貴み人わ　守れ／又あまみや君南風や／按司添いぎや　おより／又しねりや君南風や／貴み人が　おより／又おぼつせぢ　降ろちへ／按司添いす　守れ／又神座せぢ　降ろちへ／貴み人す　守れ／又神座　在つる　金精／按司添いに　みおやせ

一きこゑあちおそいや／てるかはす　まふれ／まふりよわは／もゝすゑ　ちよわれ／又とよむあちおそいや／てるしのす　まふれ／又きこゑおおきみしよ／あちおそい　まふれ／又とよむおおきみしよ／たゝみきよわ　まふれ／又あまみやきみはゑや／あんしおそいきや　おより／又しねりやきみはへや／たゝみきよか　おより／又おほつせち　おろちへ／あちおそいす　まふれ／又かくらせち　おろちへ／たゝみきよす　まふれ／又かくら　あつる　かねすゑ／あんしおそいに　みおやせ

やゝのきくたけが節

7-370（26）

一君志按司添へが／ちやうはちは　生しよわちへ／末　勝て／遊び群れ舞へば／神てだの　誇て／守りよわちへ／又京の内綾庭に

一きみしあちおそへか／ちやうはちは　なしよわちへ／すゑ　まさて／あすひふれまへは／かみてたの　ほこて／まふりよわちへ／又きやのうちあやみやに

きこへせぢあらきみが節

7-371（27）

一天　強く　鳴響み居つる／世のつほに　御神酒／吾が貴み加那志しよ／按司数の王／又聞ゑ羽地御船／御身加那志　船頭　し遣り／吾が貴み加那志しよ／又世のつほに　持ちよわれ／世のつくせ　持ちよわれ／吾が貴み加那志しよ

一てん　ちよく　とよみよつる／よのつほに　みしやこ／あかたゝみかなしよ／あんしかすのわう／又きこゑはねしおうね／おみかなし　せと　しやり／あかたゝみかなしよ／又よのつほに　もちよわれ／よのつくせ　もちよわれ／あかたゝみかなしよ

うちいではおきなわのいよが節

7-372（28）

一明けとまに　祈て／降ろす神や／厳子　養な遣り／按司添いよ　守れ／せぢ高む　誇て／又明け立ちに　祈て

一あけとまに　いのて／おろすかみや／いつこ　やしなやり／あちおそいよ　まふれ／せちたかむ　ほこて／又あけたちに　いのて

うちいではあけとまが節

7-373（29）

一首里杜ぐすく　ゑ／沖縄の　魚わ／按司添いに　みおやせ／又真玉杜ぐすく

一しよりもりくすく　ゑ／おきなわの　いよわ／あちおそいに　みおやせ／又またまもりくすく

しよりもりちよわるあがかいなでたゝみきよが節

7-374（30）

一首里杜　ちよわる／御愛しのてだよ／御身ぎや身よ　拝めば　愛しや／又真玉杜ちよわる

一しよりもり　ちよわる／みかなしのてたよ／おみきやみよ　おかめは　かなしや／又またまもりちよわる

くろさよこたりが節

7-375（31）

一弥勒　見ちへ　和る／此の　生まれど　弥勒／此御神酒　ぬき上げわちへ／世は　ちよわれ／又今日の良かる日に／今日のきやかる日に／又上の世の閂や／下の世の閂や

一みろく　みちへ　やはる／この　うまれと　みろく／此みしやこ　ぬきあけわちへ／世は　ちよわれ／又けおのよかるひに／けおのきやかるひに／又かみの世のとてや／しものよのとてや

くろさよこたりが節

7-376（32）

一首里杜ぐすく／今日わ　のが　為居らしよ／歓へど　いちよなしやど　為居らい／又真玉杜ぐすく

一しよりもりくすく／けおわ　のか　しよらしよ／あまへと　いちよなしやと　しよらい／又またまもりくすく

きこへ大ぎみやしよりもりはぢめが節

7-377（33）

一けとの沖縄が／百浦まちらすわ／大和　京　鎌倉／報国寄せ按司添い／按司添いや　拝めばど／十百度　ちよわる／又鳴響む沖縄が／又下の世の主の

一けとのよきなわか／もゝうらまちらすわ／やまと　きやう　かまくら／ふくによせあちおそい／あちおそいや　おかめはと／ともゝと　ちよわる／又とよむよきなわか／又しものよのぬしの

うちいではひやくなうらはへが節

7-378（34）

一何時か　夏　立ゝしよ／成さい人　愛しけや／見揚げ欲しや／又何時か　折り　立ゝしよ

一いつか　なつ　たゝしよ／なさいきよ　かなしけや／みあけほしや／又いつか　おり　たゝしよ

うちいではふへのとりの節

7-379（35）

一天に鳴響む大主／明けもどろの花の／咲い渡り／あれよ　見れよ／清らやよ／又地天鳴響む大主

一天にとよむ大ぬし／あけもとろのはなの／さいわたり／あれよ　みれよ／きよらやよ／又ち天とよむ大ぬし

しやこのおやが節

7-380（36）

一若さ　有し時や／玉纏や　選で　差ちや物／百歳　成てからは／金精　付き遣り／御前　輝居らに／又若さ　有し時や／鎧　選で　着ちや物

一わかさ　あしときや／たまきや　ゑらて　さちやもの／ひやくさ　なてからは／こかねすへ　つきやり／おまへ　かゝおらに／又わかさ　あしときや／よろい　ゑらて　きちやもの

くろさよこたりが節

7-381（37）

一儀間のよらふさよ／儀間の思い子よ／按司添いが／島　丸く　御声／又今日の良かる日に／今日のきやかる日に／又おにの崎より　追ゑ／佐手港より　追ゑ

一きまのよらふさよ／きまのおもいこよ／あちおそいか／しま　まるく　みこい／又けおのよかるひに／けおのきやかるひに／又おにのさきより　おゑ／さてみなとより　おゑ

くろさよこたりが節

7-382（38）

一世寄せ三つ廻りしよ／玉の王やれな／果報は　首里親国／又玉の三つ廻りしよ

一よゝせみつまわりしよ／たまのわうやれな／かほうは　しよりおやくに／又たまのみつまわりしよ

しよりもりちよわるみかなしてだの節

7-383（39）

一雲子杜　ちよわる／吾が掻い撫で貴み人／てだが　思いよわる／真手持ち貴み／又真玉杜ちよわる

一くもこもり　ちよわる／あかかいなてたゝみきよ／てたか　おもいよわる／まてもちたゝみ／又またまもりちよわる

あぢおそいがみしよわちやるきやうちやが節

7-384（40）

一按司添いぎや／植へ差ちやる　松並／十百度す　十百歳す　祈らめ／又按司添いぎや／立て差ちやる　蒲葵並／又按司添いぎや／立て差ちやる　梯梧並

一あぢおそいきや／うへさちやる　まつなみ／ともゝとす　とひやくさす　いのらめ／又あんしおそいきや／たてさちやる　こはなみ／又あんしおそいきや／たてさちやる　てしなみ

こはりきもよりが節

7-385（41）

一くろさよこたりや／吾の按司はゑや／御み顔の　拝めばの／夜が　明ける様に／又今日の良かる日に／今日のきやかる日に／又よこたりが　貢／按司はいが　捧げ

一くろさよこたりや／あんのあんしはゑや／おみかうの　おかめかの／よか　あけるやに／又けおのよかるひに／けおのきやかるひに／又よこたりか　かない／あんしはいか　さゝけ

くろさよこたりが節

7-386（42）

一こはり肝寄りや／吾の肝寄りや／天のてだ／按司添い　守ら／又今日の良かる日に／今日のきやかる日に／又首里　降る　雨や／孵で水ど　降り居る／又ぐすく　降る　雨や／若水ど　降り居る

一こはりきもよりや／あんのきもよりや／てにのてた／あちおそい　まふら／又けおのよかるひに／けおのきやかるひに／又しより　ふる　あめや／すてみつと　ふりよる／又くく　ふる　あめや／わかみつと　ふりよる

やゝのきくたけが節

7-387（43）

一聞得大君ぎや／きら　直ちへ／いけな君　依り降ろちへ／按司添いしよ／せぢ　勝て　ちよわれ／又鳴響む精高子が／吉日　直ちへ／成り人君　憑き降ろちへ／又年　七年　想せわちへ／首里杜　依り降ろちへ／又年　八年　願て／真玉杜　憑き降ろちへ／又いせゑけり按司添い／大君は　宣立てゝ／又吾が掻お撫で王にせ／君々は　手摩て／又てるかはが　守りよわる／御島王にせす　掛け添て

一きこゑ大きみきや／きら　なおちへ／いけなきみ　よりおろちへ／あちおそいしよ／せち　まさて　ちよわれ／又とよむせたかこか／ゑか　なおちへ／なりきよきみ　つきおろちへ／又とし　なゝと　さうせわちへ／しよりもり　よりおろちへ／又とし　やとせ　ねかて／またまもり　つきおろちへ／又いせゑけりあちおそい／大きみは　のたてゝ／又あかかいなてわうにせ／きみ〳〵は　てつて／又てるかはか　まふるよわる／みしまわうにせす　かけおそて

いべのいのりの節

7-388（44）

一聞得大君ぎや／吉日　選び遣り　降れわちへ／按司添いしよ／掛け栄て　ちよわれ／又聞ゑ精高子が／きら　選び遣り　降れわちへ／又聞ゑ天続ぎや／およりとて　降れわちへ／又鳴響む王にせが／二十　満ちへ　八千代／又煽りやへ　煽りやへ

一きこゑおおきみきや／ゑか　ゑらひやり　おれわちへ／あんしおそいしよ／かけふさて　ちよわれ／又きこゑせたかこか／きら　ゑらひやり　おれわちへ／又きこゑてにつきや／およりとて　おれわちへ／又とよむわうにせか／たはち　みちへ　やちよ／又あおりやへ　あおりやへ

たくしたらなづけが節

7-389（45）

一聞ゑ按司添いぎや／首里杜　ちよわれば／今日も　明日も／御み顔よ／拝むすが　勝り／又鳴響む按司添いが／真玉杜　ちよわれば

一きこゑあんしおそいきや／しよりもり　ちよわれは／けおも　あちやも／おみきようよ／おかむすか　まさり／又とよむあんしおそいか／またまもり　ちよわれは

くろさよこたりが節

7-390（46）

一按司だもす　かに　あれ／下司だもす　かに　あれ／珍らしや飽かん首里親国／又宜寿次　居てやちよも／珍らしや飽かん

一あんたもす　かに　あれ／けすたもす　かに　あれ／めつらしやあかんしよりおやくに／又きすゝ　おてやちよも／めつらしやあかん

7-391（47）

一やとりこしらいや／めす川の　真清水／乞ゑが　おわち／又杜のこしらいや／又みるや轟るきや／又かなや轟るきや／又按司　栄す　鳴り清ら　降るち／又主　栄す　なよす　捧げて

一やとりこしらいや／めすかわの　まさうす／こゑか　おわち／又もりのこしらいや／又みるやととるきや／又かなやととるきや／又あち　はやす　なりきよら　おるち／又しよ　はやす　なよす　さゝけて

うちいではいちやはな節

7-392（48）

一佐敷金杜に／夕凪れ　雲が　追ゑ

一さしきかなもりに／世うとれ　くもか　おゑ