おもろさうし/第二

←

第一

おもろさうし (1613)

第二
中城越来のおもろ　首里王府の御さうし　万暦四十一年五月廿八日

第三

→

158159おもろさうし — 第二
中城越来のおもろ　首里王府の御さうし　万暦四十一年五月廿八日1613

中城越来のおもろ首里王府の御さうし万暦四十一年五月廿八日第二

おもろくさりおろちへが節

2-42（1）

一聞ゑ中城／東方に　向かて／板門　建て直ちへ／大国　添う　中城／又鳴響む中城／てだが穴に　向かて

一きこゑ中くすく／あかるいに　むかて／いちやちや　たてなおちへ／たくに　おそう　中くすく／又とよむ中くすく／てたかあなに　むかて

いちやぢやたてなおちへが節

2-43（2）

一聞ゑ中城／おもろくさり　降ろちへ／降ろちへ　直しよわちへ／又鳴響む中城

一きこゑ中くすく／おもろくさり　おろちへ／おろちへ　なおしよわちへ／又とよむ中くすく

おもろくさりおろちへが節

2-44（3）

一聞ゑ中城／良かる真男／のろ子達　集めて／名揚がりよわちへ／又鳴響む中城

一きこゑなかくすく／よかるまいくさ／のろくた　つめて／なあがりよわちへ／又とよむ中くすく

おもろくさりおろちへが節

2-45（4）

一聞ゑ中城／けさや　つのひらせ／今は　攻めて　討たん／中城／又鳴響む中城

一きこゑ中くすく／けさや　つのひらせ／いみやは　せめて　うたん／なかくすく／又とよむ中くすく

おもろくさりが節

2-46（5）

一聞ゑ中城／月の数　夏様に／歓ゑて　輝ちよわれ／又鳴響む中城

一きこゑなかくすく／つきのかす　なつやに／あまゑて　かかちよわれ／又とよむなかくすく

おもろくさりが節

2-47（6）

一聞ゑ中城／上の百ぢやらの／思て　想ぜて　来うば／石と　金と／合わちへす　戻せ／又鳴響む中城

一きこゑ中くすく／かみのもゝちやらの／おもて　さうせて　こうは／いしと　かねと／あわちへす　も［と］せ／又とよむ中くすく

あおりやへが節

2-48（7）

一聞ゑ中城／玉の三廻り／廻ちへ　持ちへ／按司添いに　みおやせ／又鳴響む中城

一きこゑなかくすく／たまのみつまわり／まわちへ　もちへ／あちおそいに　みおやせ／又とよむ中くすく

おもろくさりが節

2-49（8）

一聞ゑ中城／泉清水　出ぢやちへ／上下の下司の／見ちへど　羨み居る／又鳴響む中城

一きこゑなかくすく／いちみさうす　いちやちへ／かみしものけすの／みちへと　うらやみよる／又とよむなかくすく

あおりやへが節

2-50（9）

一はしかりが　おもろ／玉よ　揃いわちへ／望月　遊ばす　清らや／又はしかりが　宣るむ

一はしかりか　おもろ／たまよ　そろいわちへ／もちつき　あすはす　きよらや／又はしかりか　せるむ

あおりやへが節

2-51（10）

一聞ゑ中城／玉の君　手摩て／よきやのろす／おもろ音や　取りよわれ／又鳴響む　中城

一きこゑなかくすく／たまのきみ　てつて／よきやのろす／おもろねや　とりよわれ／又とよむ　中くすく

あおりやへが節

2-52（11）

一中城　在つる／浦鳴響む鼓／打ちちへ　鳴り揚がらせ／又鳴響む国　在つる

一中くすく　あつる／うらとよむつゞみ／うちちへ　なりあからせ／又とよむくに　あつる

あおりやへが節

2-53（12）

一中城　根国／根国　在つる　隼／徳　大みや／掛けて　引き寄せれ／又鳴響む　国の根／国の根に　在つる　隼

一中くすく　ねくに／ねくに　あつる　はやふさ／とく　大みや／かけて　ひきよせれ／又とよむ　くにのね／くにのねに　あつる　はやふさ

くになかのしよりもりぐすくが節

2-54（13）

一聞ゑ中城／鳴響む中城／按司数が　手持ち／中城　寄せれ／聞ゑいろめきや／鳴響むいろめきや／又おれづむが　立てば／若夏が　立てば

一きこゑ中くすく／とよむなかくすく／あちかすか　てもち／中くすく　よせれ／又きこゑいろめきや／とよむいろめきや／又おれつむか　たては／わかなつか　たては

しよりまへ人が節

2-55（14）

一よきやのろの／けはやのろの／廻ちへ　持ちちやる／又名高剣／押し上げ剣／又中城腰当て杜に

一よきやのろの／けはやのろの／まわちへ　もちちやる／又なたかつるき／おしあけつるき／又中くすくこしあてもりに

たいらこしらへが節

2-56（15）

一あまみやよきやのろの／ゑけ　やれ　ゑけ／又しねりやよきやのろの／又御前　輝居らに／又御側　輝居らに

一あまきやよきやのろの／ゑけ　やれ　ゑけ／又しねりやよきやのろの／又御まへ　かゞおらに／又おそは　かかおらに

きこへあけしのが節

2-57（16）

一屋宜の金杜に／真人部の　拍子　打たば／君も　なよら／又比嘉の金杜に

一やきのかなもりに／ま人への　ひやし　うたは／きみも　なよら／又ひかのかなもりに

きこへあけしのが節

2-58（17）

一屋宜の金杜に／あけ加那志　手摩て／世勝る見揚がり／誇りよわちへ／又比嘉の金杜に

一やきのかなもりに／あけかなし　てつて／よまさるみやかり／ほこりよわちへ／又ひかのかなもりに

きこへあけしのが節

2-59（18）

一屋宜の金杜に／見物屏風　降ろちへ／上下の　見物する　清らや／又比嘉の金杜に

一やきのかなもりに／みものみやふ　おろちへ／かみしもの　みものする　きよらや／又ひかのかなもりに

きたたんよのぬしの節

2-60（19）

一屋宜から　上る／直垂や　鎧／誰が　着ちへ　似せる／按司添いてだす／召しよわちへ　似せれ／又比嘉から　上る

一やきから　のほる／したたりや　よろい／たるか　きちへ　にせる／あちおそいてたす／めしよわちへ　にせれ／又ひかから　のほる

中にしのとよみうらか節

2-61（20）

一中城吉の浦／吉の浦の　珍らしや／今日から　屡々　見らに／又屋宜の浦の　吉の浦の

一中くすくよしのうら／よしのうらの　めつらしや／けよから　しは〳〵　みらに／又やきのうらの　よしのうらの

うらおそいおもろの節

2-62（21）

一新垣の根高杜ぐすく／てだが　栄よわるぐすく／又天頂の根高杜

一あらかきのねたかもりくすく／てたか　ふさよわるくすく／又てにつきのねたかもり　　

うらおそいおもろの節

2-63（22）

一新垣の国の根に／今日　し居る　使い／百度の　使い／又天頂の島の根に

一あらかきのくにのねに／けよ　しよる　つかい／もゝとの　つかい／又天つきの島の根に

くに中のしよりもりぐすくが節

2-64（23）

一一の子ぎや　おもろ／一郎子が　宣るむ／後も　今も　ちよわれ／又今日の良かる日に／今日のきやかる日に

一いちよのしきや　おもろ／いちらこか　せるむ／のちも　みやも　ちよわれ／又けおのゆかるひに／けおのきやかるひに

くに中のしよりもりぐすくが節

2-65（24）

一安谷屋の若松／あはれ若松／枝差ちへ　浦添う　若松／又肝あぐみの若松

一あたにやのわかまつ／あはれわかまつ／よたさちへ　うらおそう　わかまつ／又きもあくみのわかまつ

うらおそいおもろの節

2-66（25）

一安谷屋も　知らたる／肝あぐみ　知［ら］たる／此の戦せぢ　遣て　戻せ／又鬼の君　知らたる／寄らせ君　知らたる／又与那覇子ぎや／へと思いが　刀うち

一あたにやも　しらたる／きもあくみ　しらたる／このいくさせち　やて　もとせ／又おにのきみ　しらたる／よらせきみ　しらたる／又よなはしきや／へともいか　かたなうち

うらおそいおもろの節

2-67（26）

一聞ゑ鬼の君／安谷屋の杜に／上下の　十側／揃いわちへ／又鳴響む鬼の君／肝あぐみの杜に

一きこゑおにのきみ／あたにやのもりに／かみ下の　とそは／そろいわちへ／又とよむおにのきみ／きもあくみのもりに

御さけやらはが節

2-68（27）

一安谷屋の肝あぐみの杜に／世果報　寄せわる　貴み／又ぐすくと　貴みと　撓て／又貴みと　真撫ですと　撓て

一あたにやのきもあくみのもりに／世かほう　よせわる　たゝみ／又くすくと　たゝみと　しなて／又たゝみと　まなてすと　しなて

うらおそい節

2-69（28）

一安谷屋は　根　し遣り／鬼の君　手摩て／世掛けせぢ／廻ちへ　持ちちへ　みおやせ／又肝あぐみは　根　し遣り／寄らせ君　手摩て

一あたにやは　ね　しやり／おにのきみ　てつて／世かけせち／まわちへ　まちちへ　みおやせ／又きもあくみは　ね　しやり／よらせきみ　てつて

あかいんこがふねたてばが節

一いけはるのあちの／ひらた　よとしよわちへ／ほつむもり　みやあけれは／かけふさい　よのふさい　しよわれ／又くにのねのあちの