おもろさうし/第十六

首里天ぎやすへあんじおそいがなし 勝連具志川おもろの御さうし 天啓三年癸亥三月七日 第十六

おとゝきみまさりが節

16-1127(1)

一煽りやへが庭の　鳴響み／按司誇る親庭の　鳴響み／又精高子が庭の　鳴響み／又勝連の庭の　鳴響み

一あおりやへかみやの　とよみ／あんしほこるおやみやの　とよみ／又せたかこかみやの　とよみ／又かつれんのみやの　とよみ

のちあがりが節

16-1128(2)

一おもろ殿原よ／精の口正しや／勝連　選び遣り　ちよわれ／又宣るも殿原よ／又聞ゑ阿麻和利や／国の弟者　成しよわちへ

一おもろとのはらよ／すゑのくちまさしや／かつれん　ゑらひやり　ちよわれ／又せるもとのはらよ／又きこゑあまわりや／くにのおとちや　なしよわちへ

さはちきよが節

16-1129(3)

一勝連の阿麻和利／十百歳　ちよわれ／又肝高の阿麻和利／又勝連と　似せて／又肝高と　似せて

一かつれんのあまわり／とひやくさ　ちよわれ／又きもたかのあまわり／又かつれんと　にせて／又きもたかと　にせて

さはちきよが節

16-1130(4)

一聞ゑおわもりぎや／降れて　遊びよわれば／上下の　そかなする　見物／又鳴響むおわもりぎや／又今日の良かる日に

一きこゑおわもりきや／おれて　あすひよわれは／かみしもの　そかなする　み物／又とよむおわもりきや／又けおのよかるひに

さはちきよが節

16-1131(5)

一精高おわもりぎや／降れて　群れ舞へば／島　通て　来る様に／又君のおわもりぎや／又真物寄せ　ちよわちへ／伊計離れ　ちよわちへ／又さすが添い　ちよわちへ／浜　平安山　見遣れば

一せたかおわもりきや／おれて　ふれまへは／しま　かよて　くるやに／又きみのおわもりきや／又ま物よせ　ちよわちへ／いけはなれ　ちよわちへ／又さすかおそい　ちよわちへ／はま　ひやもさ　みやれは

さはちきよが節

16-1132(6)

一揚がる望月ぎや／君の望月ぎや／清ら家の玉の御内　見ちやる／又高江洲のこらが／迎いたる　誇らしや／又吾が成さい人こらが

一あかるもちつききや／きみのもちつききや／きよらやのたまのみうち　みちやる／又たかへすのこらか／むかいたる　ほこらしや／又あかなさいきよこらか

こゑしのが節

16-1133(7)

一勝連わ　てだ　向て／門　開けて／真玉　金　寄り合う／玉の御内／又肝高の　月　向て／又勝連わ／けさむ　今も／按司　選ぶ

一かつれんわ　てた　むかて／ちやう　あけて／またま　こかね　よりやう／たまのみうち／又きむたかの　月　むかて／又かつれんわ／けさむ　みやも／あんし　ゑらふ

あおりやへが節

16-1134(8)

一勝連の阿麻和利／玉御柄杓　有り居な／京　鎌倉／此れど　言ちへ　鳴響ま／又肝高の阿麻和利／又島治りの御孵での按司／又国治りの御孵按司／又首里　おわる　てだこす／玉御柄杓　有りよわれ

一かつれんのあまわり／たまみしやく　ありよな／きや　かまくら／これと　いちへ　とよま／又きむたかのあまわり／又しまちりのみそてのあんし／又くにしりのみそあんし／又しより　おわる　てたこす／たまみしやく　ありよわれ

さはちきよが節

16-1135(9)

一勝連の貴み人／真物寄せ　見遣らに／又肝高の貴み人／又綾手持ち　佩きよわちへ

一かつれんのたゝみきよ／ま物よせ　みやらに／又きむたかのたゝみきよ／又あやてもち　はきよわちへ

うちいぢへはふるけものろ節

16-1136(10)

一つるこ達しよ　寄り居れ／見る眼の　愛しやす／真人は　寄り居れ／又勝連のてだ

一つるこたしよ　よりよれ／みるめの　かなしやす／ま人は　よりよれ／又かつれんのてた

うちいぢへはふるけものろ節

16-1137(11)

一望月ぎや／神にしやが　降れ立ち／島の浦に　鳴響ませ／又勝連の貴み人／知られゝ／又肝高の貴み人／又浜川の波打ち口／降れわちへ

一もちつききや／かみにしやか　おれたち／しまのうらに　とよませ／又かつれんのたゝみきよ／しられゝ／又きむたかのたゝみきよ／又はまかわのなみうちくち／おれわちへ

うちいぢへはふるけものろ節

16-1138(12)

一つるこにくけしや／良かるにくけしや／ゑけ　人　添て　見よわれ／又馬加那志　召しよわれ／又赤ら傘　差しよわ〔ちへ〕

一つるこにくけしや／よかるにくけしや／ゑけ　人　おそて　みよわれ／又うまかなし　めしよわれ／又あからかさ　さしよわ〔ちへ〕

やまぐすくげらへきよらもりが節

16-1139(13)

一望月や／けさからの　主君／遊べ〳〵　やちよく達／又望月や／又望月や／浜川に　降れわちへ／又望月ぎや／波打ち口　降れわちへ／又望月／夜々は　あからしに　あわしする／又よない　し遣り／赤口に　見いるな

一もちつきや／けさからの　ぬしきみ／あすへ〳〵　やちよくた／又もちつきや／又もちつきや／はまかわに　おれわちへ／又もちつききや／なみうちくち　おれわちへ／又もちつき／よゝは　あからしに　あわしする／又よない　しやり／あかくちやに　みいるな

やまぐすくげらへきよらもりが節

16-1140(14)

一勝連の鳴響みてだ／百浦鳴響みてだ／又肝高の鳴響みてだ／又勝連の板口／又肝高の金口／又上からは　照る真浜／又下からは　浜川に

一かつれんのとよみてた／もゝうらとよみてた／又きむたかのとよみてた／又かつれんのいちやくち／又きむたかのかなやくち／又かみからは　てるまはま／又下からは　はまかはに

おらおそい節

16-1141(15)

一勝連の阿麻和利／聞ゑ阿麻和利や／大国の　鳴響み／又肝高の阿麻和利

一かつれんのあまわり／きこゑあまわりや／ちやくにの　とよみ／又きむたかのあまわり

あおりやへが節

16-1142(16)

一精高おわもりや／君のあまわりや／せぢ高按司添い／親と　撓よわれ／又勝連は　げらへて／げらへ愛しけや／又肝高は　げらへて

一せたかおわもりや／きみのあまわりや／せちたかあんしおそい／おやと　しなよわれ／又かつれんは　けらへて／けらへかなしけや／又きむたかは　けらへて

ぐしかわのぢやうぐちが節

16-1143(17)

一妹君君勝り／按司の頂／弟者より　勝り／又姉の君々　撓い

一おとゝきみきみまさり／あんしのつんし／おとちやより　まさり／又あねのきみ〳〵　しない

あかのこがよくもまたもが節

16-1144(18)

一勝連わ　何にぎや　譬ゑる／大和の　鎌倉に　譬ゑる／又肝高わ　何にぎや

一かつれんわ　なににきや　たとゑる／やまとの　かまくらに　たとゑる／又きむたかわ　なおにきや

ふねたてばが節

16-1145(19)

一勝連しよさく思い加那志／おなり　ゑけり　ちよわい／愛しけさ／又肝高のしよさ

一かつれんしよさくもいかなし／おなり　ゑけり　ちよわい／かなしけさ／又きむたかのしよさ

あがるいいとの節

16-1146(20)

一東方の大主ぎや／前から　金　持ちちへ／肝　揃て　祝い事　みおやせ／又てだが穴の大主

一あかるいの大ぬしきや／まへから　こかね　もちちへ／あよ　そ〔ろ〕て　よわい事　みおやせ／又てたかあなの大ぬし

やまぐすくげらいきよらの節

16-1147(21)

一勝連は　如何る勝連が／島の浦に　鳴響ませ／又肝高は　如何る肝高が

一かつれんは　いきやるかつれんか／しまのうらに　とよませ／又きむたかは　いきやるきむたかか

うらおそい節

16-1148(22)

一平安座金杜に／意地気神　知らたる／しつらいす／事直し神やれ／又根立て金杜に

一ひやむさかなもりに／いちへきかみ　しらたる／しつらいす／ことなおしかみやれ／又ねたてかなもりに

うらおそい節

16-1149(23)

一丈清らの親のろ／東方に　通て／世のつほに／おぎやか思いに　みおやせ／又けさ殿親のろ

一たけきよらのおやのろ／あかるいに　かよて／世のつほに／おきやかもいに　みおやせ／又けさとのおやのろ

うらおそい節

16-1150(24)

一伊計ぐすく親のろ／綾子橋　掛けわちへ／島　かねて／おぎやか思いに　みおやせ／又まちらすの親のろ

一いけくすくおやのろ／あやこはし　かけわちへ／しま　かねて／おきやかもいに　みおやせ／又まちらすのおやのろ

うらおそい節

16-1151(25)

一聞ゑ宮城／選び出ぢへの真金／島踊りや　勝り／又鳴響む宮城

一きこゑみやくすく／ゑらひいちへのまかね／しまよりや　まさり／又とよむみやくすく

うらおそい節

16-1152(26)

一宮城杜に／実に　見物　降れたる／神選びぎや／京の踊り　しよわてゝ／又今日の良かる日に

一みやくすくもりに／けに　み物　おれたる／かみゑらひきや／けおのより　しよわてゝ／又けおのよかるひに

うらおそい節

16-1153(27)

一聞ゑ宮城／しつらいののろの／京の踊り　しよわれば／厳子達　し遣り　誇て／又鳴響む宮城

一きこゑみやくすく／しつらいののろの／けおのより　しよわれは／いつこた　しやり　ほこて／又とよむみやくすく

うらおそい節

16-1154(28)

一平安座濯ぎ川／手持ち　濯ぎ出ぢへて／国手持ち／おぎやか思いに　みおやせ

一ひやむさよさきかわ／てもち　よすきいちへて／くにてもち／おきやかもいに　みおやせ

おとゝきみまさりが節

16-1155(29)

一具志川の門口／あらはゑす／鳴響み　聞ゝやれ居れ／又親国の門口／又吾が弟者　住まら／又良樽ど　住まら

一くしかわのちやうくち／あらはゑす／とよみ　きゝやれよれ／又おやくにのちやうくち／又あかおとちや　すまら／又よしたると　すまら

おとゝきみまさりが節

16-1156(30)

一精有る国清らが／具志川に　歩み／宣　しよわちへ／又げらへ国清らが

一せいあるくにきよらか／くしかわに　あよみ／ぬら　しよわちへ／又けらへくにきよらか

おとゝきみまさりが節

16-1157(31)

一太郎思いや　とくらしや／歓へ居ら　誇り居ら／又吾が鼓　大黒鷲／又誰が　取り居ら　誰が　打ち居ら／百度踏み揚がりが　あす

一たらもいや　とくらしや／あまへよら　ほこりよら／又あかつゝみ　ちやくるわし／又たか　とりよら　たか　うちよら／もゝとふみあかりか　あす

ふさよらやが節

16-1158(32)

一聞ゑあらはゑや／鳴響むあらはゑや／余る命／しちやちやに　みおやせ／又月じよ　余りよわれ／月じよ　残りよわれ

一きこゑあらはゑや／とよむあらはゑや／あまるのち／しちやちやに　みおやせ／又月しよ　あまりよわれ／月しよ　のこりよわれ

いべのいのりが節

16-1159(33)

一聞ゑ具志川に／しけちなは　真清水／島世の果報清水泉／又鳴響む具志川に

一きこゑくしかわに／しけちなは　まさうす／しまよのかほうさうすいちへみ／又とよむくしかわに

うらおそい節

16-1160(34)

一江洲の杜ぐすく／八つ股が寄り立ち／上下　見物する　寄り立ち／又江洲頂ぐすく／又あてき潟原に

一ゑすのもりくすく／やつまたかよりたち／かみ下　み物する　よりたち／又ゑすつちくすく／又あてきかたはるに

うらおそい節

16 -1161(35)

一江洲の杜ぐすく／江洲の頂ぐすく／江洲は　果報国／又江洲のろの親のろ／今日の良かる日に／しけち杜に　参て

一ゑすのもりくすく／ゑすのつちくすく／ゑすは　かほうくに／又ゑすのろのおやのろ／けおのよかるひに／しけちもりに　まへて

うらおそい節

16-1162(36)

一江洲のろの／宣りきよ金のろの／足　ねぶさ　やぐめさ／首里杜　金　積で　みおやせ／又今日の良かる日に／宣りきよ金のろの

一ゑすのろの／せりきよかねのろの／あし　ねふさ　やくめさ／しよりもり　こかね　つて　みおやせ／又けおのよかるひに／せりきよかねのろの

月てだのてゞかゞちよわれが節

16-1163(37)

一江洲のたう島／江洲の親国／肝高杜／弟　見ちやる／又此れる　勝連／又此れる　肝高

一ゑすのたうしま／ゑすのおやくに／きもたかもり／おとゝ　みちやる／又これる　かつれん／又これる　きむたか

うらおそい節

16-1164(38)

一天願のろの／国手持ちみ御家に／勝連す　国手持ちぐすく／又笑い人のろの／又按司添いぎや　おより／勝連に　降れて

一てくらんのろの／くにてもちみおちへに／かつれんす　くにてもちくすく／又わらいきよのろの／又あんしおそいきや　おより／かつれんに　おれて

やまきたらすざべが節

16-1165(39)

一天願のたう子／太郎ちちやめかしや／見つめてだ／あくぢよ　歓い／又天願の庭に／東方の庭に／又若てだよ　使い／世の主よ　使い

一てくらんのたうし／たらちちやめかしや／みつめてた／あくちよ　あまい／又てくらんのみやに／あかるいのみやに／又わかてたよ　つかい／世のぬしよ　つかい

こへしのが節

16-1166(40)

一具志川の若親国／清らや／此のいけら鷲や／又まちらすの神にしや／金御殿／銀御殿　清ら

一くしかわのわかおやくに／きよらや／このいけらわしや／又まちらすのかみにしや／こかねおとん／なむちやおとん　きよら

こへしのが節

16-1167(41)

一平良勝り人が／あかはんた　上て／太田原　見遣れば／白種の／寄り靡く　清らや／又鳴響む勝り人が

一たいらまさりきよか／あかはんた　のほて／おほたはる　みやれは／しらちやねの／よりなひく　きよらや／又とよむまさりきよか

こゑしのが節

16-1168(42)

一安慶名の杜に／島鎮め鳴る子／島鎮め按司添い　みおやせ／又安慶名の杜に／国鎮め鳴る子

一あけなはのもりに／しまたるめなるし／しまたるめあんしおそい　みおやせ／又あけなわのもりに／くにたるめなるし

こゑしのが節

16-1169(43)

一宇堅のしら殿／しら殿の娘／あおうはひ　やうかふはひ／又同じく　珈玻羅玉　おうはめ／又同じく　真玉玉　〔お〕うはめ

一おきんのしらとん／しらとんのむすめ／あおうはひ　やうかふはひ／又おなしく　かはらたむ　おうはめ／又おなしく　またまたむ　〔お〕うはめ

こゑしのが節

16-1170(44)

一具志川に　おわる／天徳ちやらの添いや／ちやら頂／又親国　おわる

一くしかわに　おわる／あめとくちやらのおそいや／ちやらつ(ゝ)／又おやくに　おわる

こゑしのが節

16-1171(45)

一精有る国清らが／成さがげらへ神　掛けて／成さい人　鳴響ませ／又げらへ国清らが／又吾が成さが　おより／又群り合い子が　おより

一せいやるくにきよらか／なさかけらへかみ　かけて／なさいきよ　とよませ／又けらへくにきよらか／又あかなさか　おより／又もりやいこか　おより

こゑしのが節

16-1172(46)

一上江洲鳴響み国／御酒や　泉ど　し居る／又上江洲聞ゝやれ国／真神酒や　泉ど　し居る

一おゑすとよみくに／御さけや　いちへみと　しよる／又おゑすきゝやれくに／まみきや　いちへみと　しよる

こゑしのが節

16-1173(47)

一具志川の親御船　浮けら／棚　鳴響で　浮けた事／大国鳴響み御船／又親国の御船

一くしかわのおやおうね　うけら／たな　とよて　うけた事／ちやくにとよみおうね／又おやくにのおうね

うらおそい節

16-1174(48)

一天願ののろの／たしちたしちしやめかしや　見ちへ／良かるおらに／又東方の庭に／たらしちやめかしや

一てくらんののろの／たしちたしちしやめかしや　みちへ／よかるおらに／又あかるいのみやに／たらしちやめかしや