馬太福音 (1882年)
[ 1 ] 新約全書
馬太福音傳
第一章 一節亞伯拉罕嘅後裔、大闢嘅後裔、耶穌基督族譜。○二亞伯拉罕生以撒、以撒生雅各、雅各生猶太、共埋佢嘅兄弟、三猶太從大馬氏生法勒士、撒拉、法勒士生以士崙、以士崙生亞蘭。四亞蘭生亞米拿達、亞米拿達生拿順、拿順生撒們。五撒們從喇合氏生波士、波士從路得氏生阿伯、阿伯生耶西。六耶西生大闢王、大闢從烏利亞嘅妻生所羅門。七所羅門生羅波暗、羅波暗生亞比亞、亞比亞生亞撒。八亞撒生約沙法、約沙法生約蘭、約蘭生烏西亞。九烏西亞生約担、約担生亞哈士、亞哈士生希西家。十希西家生馬拿西、馬拿西生亞門、亞門生約西亞。十一百姓被搬去巴比倫個時、約西亞生耶哥尼亞、共埋佢嘅兄弟。十二被搬到巴比倫之後、耶哥尼亞生撒拉鐵、撒拉鐵生所羅把伯。十三所羅把伯生亞比鬱、亞比鬱生以利亞金、以利亞金生亞所。十四亞所生撒鐸、撒鐸生亞金、亞金生以律。十五以律生以利亞撒、以利亞撒生馬担、馬担生雅各。十六雅各生約瑟、卽係瑪利亞嘅丈夫、瑪利亞生耶穌、稱爲基督。十七噉樣自亞伯拉罕起、到大闢、共十四代、自大闢起、到被搬去巴比倫之時、亦係十四代、自搬到巴比倫起、到基督、又係十四代。
十八耶穌基督出世、列名在後、佢母親瑪利亞、係已經許聘約瑟、但未曾成婚、覺得佢受聖神感動嚟懷孕。十九佢個丈夫約瑟、係公義 [ 2 ]嘅人、唔肯顯然羞辱佢、就想靜中退親。二十正在想開呢的事個時、主嘅使者在夢中顯現過佢、話、大闢嘅後裔約瑟呀、唔怕娶你嘅妻瑪利亞、因爲佢所懷之孕、係從聖神感動嘅。二十一佢將來生個仔、你就改佢名做耶穌、因佢要救佢百姓出罪惡中嘅。二十二但凡呢的事做成、就應曉主託先知所講、二十三話睇吖、將來有個未嫁嘅女、懷孕生仔、人哋呌佢名做以馬內利、繙譯卽係上帝同埋我哋。二十四約瑟瞓醒起身、依住主嘅使者吩咐去做、就娶佢妻。二十五但唔共佢同房、至到佢生仔、就改佢名做耶穌。
第二章 一節當希律王個時、耶穌旣喺猶太伯利恒出世、有幾位傳士、喺東便嚟到耶路撒冷、二話生出嚟做猶太人王嘅、喺邊處呢、因我哋喺東便、望見佢粒星、故此嚟拜佢。三希律王聽聞、就慌起嚟、通耶路撒冷都係。四噉就呌齊衆祭司長、同民間讀書人嚟問、話、基督應該喺邊處出世呢。五衆人對佢話、喺猶太伯利恒、因爲先知有寫落噉話、六猶太地伯利恒呀、你喺猶太府縣中、唔係至小嘅、因爲將來有個君主、喺你處出、嚟保養我以色列百姓嘅。七於是、希律靜靜呌個的博士嚟、細問個粒星、係幾時現出。八就打發佢哋去伯利恒、話、你去落力查問個細伩仔、搵着、就話過我知、等我亦去拜佢。九博士聽見王所講、就起行去咯、忽然在東便所見個粒星、喺前頭引佢哋、引到個細伩仔所住個處、就止在佢上頭。十博士睇見個粒星、歡喜到了不得。十一入到屋裏、見細伩仔、 [ 3 ]同埋佢母親瑪利亞、就跪倒拜個細伩仔、打開佢嘅寶盒、𢬿禮物獻上、卽係黃金乳香没藥。