*ბაღანობას
ბაღანობას ჯინა მიჸორდ მურიცხეფიშ,
კათაშ განშე, ოზეშ კუნთხუს კინოხუნა.
ათეშ გურშენ ხანგა პოფექ მა თოლს შხვეფიშ,
მუ უჩქუდეს, გურს ალმორედ შხვანერ ფუნა.
ფარონს გილვოგაგანდი დო მარწკინიეფს
ვოჸუნუანდ ბაღანობაშ წირდე თოლეფს,
ვუფერუანდ დორულაფირ ია-იეფს,
თუთაშ სინთეს იბლეცერანდ შურიშ ჭყოლეფს.
გამწიბრდი დო ჩქიმ ჯვეშ აკანს დუვართ კინე,
მარა სოთინ მარწკინიეფ ვეპალუნა!
ულირ ბორჯი, სქემე, მარა მუს დართინე,
ზოთონჯიშ გურს პეულეფ ხომ ვეფალუნა.