*ვო დადია, დადია
დადიას ჸუნდუ მოლერსე კოჩი. დადიას მააშინეს: სქანი მოლერსე მოლერსე ვა რენია, ზეპირო რაგადანცია ვარა. ათეშენი დადიაქ იფიქრჷ "გამობრსენქია". ქიჭანოუ დო კითხჷ: "აბა ჩქიმო ქოთქვიია მუთუნი ლერსი". იქჷ მააშინჷ: "თქვა მუჭო გაგიბედათია ლერსუა". დადიაქ უზოჯჷ: "მა მისხუნუ დო ქოთქვიია". ათეწკჷმა მააშინჷ:
-- "ვო დადია, დადია,
"რუხიში დჷნაბადია!
"სქანი დაბადება დღასჷ
"რდჷ თოფიში რაბადია.
"სი იშენი მუთუნი ვა გიჭირც
"დო მა ქომუ სქანი ნაბადია".
გიიძიცჷ დადიაქ, ეუკუნუ დო ქააჩუქუ მოლერსეს, კოჩიშა ღირჷდჷ ნი, ფერი ნაბადი.