*თაქიანი სოფელი მარტვილი რე
თაქიანი სოფელი მარტვი{ლ}ი რე,
თაქიანი ძღაბეფი ხანტირი რე;
ჩქიმი სოფეი ნახარებუ
თექიანი ცირეფი გახარებუ.
თიშ ვიქილე ნაგვაზუუ,
ძღაბეფი თექიანი გაბაზუუ;
თიშ ვიქილე ბანძა რე,
ძღაბეფი თექიანი ძანძა რე.
ბჟაიოლეშე ხუნწი რე,
თექიანი ძღაბეფი წკუნწკი რე;
აბაშაშ მელე ბობოთი რე,
თექიანი ცირეფი ბოხოხი რე.
თიშ ვიქილე ნახონუუ,
თექიანი ძღაბეფი მახოლუუ;
თიშ იქილე თამოკო,
თექიანი ძღაბეფი ვა მოკო.
თიშ იქილე გურძემი რე,
თექიანი ცირეფი ჸურძენი რე;
თიშ იქილე კიწია რე,
თექიანი ცირეფი წიწიჲა რე.
თეურენი ქიჸანა სენაკი რე,
თექიანი ძღაბეფი ჩე ჲაკვი რე;
თიშ აქილე გეჯეთი რე,
თექიანი ძღაბეფი ერჯეფი რე.