*მარგალ მოგენც ამდღა
მარგალ მოგენც ამდღა,
ბორკმოლაფირჲ ქვინჯეს.
მუშ ვაპალუ ანჯა,
დუდიშ ვერგუ მინჯეთ.
ნანაშ ნინა ვაკო,
წუმოკინა, ძინა.
მუს მოუღანც, ვა მიჩქ,
ხეჭკურელო ჯინა.
თიზმა მილუჭკომეს,
შხან, კოლო დო ხინა,
გაჭყოლიდეს იშო,
მუშ გემუან ნინა.
მუ ღოლუას ჩქჷჩქჷქ,
ბოშ, ბაღანა, ცირაქ.
,,ვემედინა სქუა,
ვაწეჸონა ნინა."
- ურაგად მასქერჲ,
ის შუ ეკნაჩინა.
მუთუნ ვაუღჷ დორხველჲ,
მუჭო გოკო სქუა
ხვამელ რდას დო ირდას,
გაქთოუჭკირ ყორყელჲ,
დიდას ჸვილუნცჷ, დიდას.!