*ქორძირუნქჷნი, გური მაჭუ
ქორძირუნქჷნი, გური მაჭუ, (ნანა)*
ვა რძირუნქჷნი, უფურაში.
შური დო გურით ვიჭუუქჷ,
მუდა დღაშახ ვორდა თაში?
ჩქიმი გური სქანწკჷმა რე,
სქანი გური შხვაწკჷმა რე,
ჩქიმჲ დო სქანი გოჯოგაფა
ტერიში აკჷნანწყჷმა რე.
ჩქიმი გური თეში იჭუ,
ობედი ვაჭვე საკვეცის;
ჩქიმი გური თეშჲ მიკობუ,
მუჭოთი ჩხომი ანკესის.
ბედნიერო დუს ვორწყედი,
თურმე მიჭოფუნო ჭირი,
სქანი ნათხორა სამარეს
კისერიშახ გობძჷ კირი.
მეურქია, შიივტყვი დო
მუშ იმენდის დომიჩინანქ?
თი ზომაშახ ქომიჸორქჷ,
გურსჷ ჭლექის გომირჩქინანქ.
სერით ჲურსჷ ვა მარძენს,
სიზჷმარი მაფოცენსჷ.
ჩქიმი დო სქანი ჸოროფა
ღურადღაშახ ვაკოცენსჷ.
ხეს მიკებუნი, ვარდი რე,
გურსჷ მიღუნი, დარდი რე, -
ჩქიმ(ი) დო სქანი ართო რინი (ნანა)
ნანა მუჭომი მარდი რე (ნანა).