*ძღაბი მიოკვანწანსუნი
ძღაბი, მოიკვანწანქუნი,
შურ ეკორჸუნს ეკორჩვილი,
შემხვადი დო ელამილე,
ეკონგარათ ეკგორჩქილი!
თოლეფ თოფურს იკათუანს,
ეკგოჸანთანს თუთა კიდირს.
ჩქიმიჯგუა შურმეჭვილი,
ღორონს უჩქუ, მუდა გიბირს.
თე ორინჯე, შხვა ვამიჩქუ,
რტინა რე დო გეჭიშა რე.
ეი დო ვაით ელამილე,
შური იშო ქეწიშარე.
ქუმაპატი, უონჯღორეთ,
თოლი სქანდა მითირთოლუ,
მა თი ღორონს ქუგუვალე,
მიქ რხანტუ დო მიქი რთოლუ!
ჩქიმი გურიშ ვარდი ორექ,
მოკო ირო ვარდი ორდე,
მარა ნიტე მუს მომიღანს,
ვართ რჯოგუდე, ვართ გიჸორდე?
იშენ სქანი ხვამას ვორექ,
თე ნახვამათ ხვამილ ორდა.
ოღონდ ქორდა, გოლუაფირო,
მუ ვქიმინა, ვაგიჸორქ-და!
2001წ.28.07.