* დიდა-დიხას ქარჩქილითჷ
დიდა-დიხას ქარჩქილით,
რკინაშ ხარჭალ ირჩქილე!
პლანეტას ფერქ გაგნაქაქ,
ტუტამ ირქენს ბორია.
ღუმა ხოლო დოუჸვილნა
ძღაბი, ბულვარიშ იქილე,
ეგებ გემწყათ კოჩიში
შურიშ ანატომია.
საუკუნეს მაეჩას
ხაზი გუთუუს ზისხირიშ,
ღუმა ცირა ჸვილესჷნ,
სქვამ რდჷნ თიშენ ჸვილესო?
მოკო ქანა დოფობრენ
ჭყოლირ ყილოშ კიჟინით, -
ამდღა ხოლო ზისხირამ
ჯვარს მუკოჭკად იესო!
პლანეტას ჸუჯ მეურჩქილეთ,
რკინაში ხარჭალი ირჩქილე.