* ქარბორიაქ ღუმასერი
ქარბორიაქ ღუმასერი
ქანა გეგნოღაჭალუ,
ჸუმურს კაბა ქიგასოფუ,
ალბეთ, ცოდათ დაჭარუ.
მარმარილოშ ზღვა-დურუმს
ტალღა - კირდას არაგუ,
ულუდაღიშ თირამ დუდი
ჩქინ ანარაშ გვალას გუ!
მუდანიას ვაგეგენდჷ
თურქ დო თიშენ დოფუბლი,
ვარა ასეთ გიოხე
აქილევსიშ ნოქური.
ზღვაშ პიჯ სქვამ რე, მუჭოთ ძღაბი
საჸოროფოთ ეტახილჲ,
სუკეფჲ თითქოს დავინჩიშ
კალამით რე ეხანტილჲ.
ვოსუმარუქ ბურსასუნ
ამარ - ამარ თუთა რე,
მუდგა სქვამ რდას შხვაშ დიხან,
სქან ქანაშ კარს ტუტა რე!
ქარბორიაქ ღუმასერი
ქანა გეგნოღაჭალუ,
ჩქიმ ყებურიშ სიტჷბა,
ღორონთ, მუჟამ მაჭარუ!