ყოველთა წმიდათა შუამდგომელობითა და თავსდებობითა დაგიწერეთ დაწერილი ესე თქუენ, ბასილი ალავერდელ მთავარებისკოპოსსა, ჩუენ, მღუიმეს დამკუიდრებულთა ყოველთა კრებულთა, ერთსულობითა ძმათა, დიდთა და მცირეთა ყოველთავე, ერთმანერთისა გამოზრახვითა და ნებისმყოფლობითა: ბასილი მოძღუარმან, მემღუიმემან ელია და ყოველთავე ამის უდაბნოისა ძმათა, მას ჟამსა ოდეს დასდევ სასოებაი წმიდასა ამის უდაბნოისასა მღუიმისა მომართ და წმიდათა მამათა ჩუენთა შიო და ევაგრესთუის. პირველ, თუით აქან ნაზარდი იყავ, ჩუენ ყოველთა გუერდით და ყოველთავე საკუთრებით ერთსულობდი. და იწადნიერე, რაითამცა საუკუნოი სამლოცველოი თქუენი ამას უდაბნოსა შინა უკუნისამდე გებულიყო . და მელქიზედეკ მაწყუერლისა, და ბასილი თავაურისა ძეთა, და ჭყონდიდლისა მწიგნობრისა იოვანე, და სამოელის ხუცესთა ...[15]... პირითა ჩუენ, ყოველთავე ძმათა გამოგუიცხადე. ჩუენ, ვითა შენდა მომართ სასოებაი გუქონდა, ეგრე გავიხარენით და სამწირველოდ თქუენ მოგახსენეთ მღუიმეს შინა სახლი და პური უკუდავი ...[12]... ფუძითა ყოვლითურთ, და აგარას ვენახი და ...[14]... სახლი, რომლითა ჩუენ შევსჯერდით და ვითა დიდ...[20]...რელთა საკურთხეველთა წესსა დარ...[20]... გავაჩინეთ მწირველად თქუენთუის ...[21]... ვითა არა ...[40]... ჩუენ ესრეთ ...