ქურცინა-ბეგის შვილის იბაშერის მიერ მამასთან გამოგზავნილი წერილის პირი. edit
მოკითხვის შემდეგ გაცნობებ, რომ თუ აქაურ ახლანდელ ამბავს იკითხავენ, სვებედნიერი ფადიშაჰის უდიდებულესობას ასეთი არზა წარუდგინე: შეიბე-ხანის შვილი თემურ-ხანი ასკერებით მოვიდა და ყიზილბაშების სერასქერ ზეინალ ხანს შეხვდა. დიდი ბრძოლა და ომი ქნეს, ბოლოს ყიზილბაშთა სერასქერი გატყდა, ბრძოლის დროს ხსენებული ზეინალ-ხანი დასცეს. ხორასანი, ჰერათი, ბადახშანი, მერვი და საერთოდ ხორასნის მთელი ქვეყანა აიღეს. როცა ეს მოხდა, შაჰი საჰნაში იყო. გაიგო თუ არა, საჰნიდან წამოვიდა და ყუმის მიმართულებით 7 ფუნდუკის მანძილზე გაუდგა გზას. ყუმში გამოზამთრების თადარიგი დაიჭირა. ამ ამბებში ეჭვი არ შეგეპაროთ და უნდობლად არ მოეკიდოთ.
მშვიდობით იყავით.