ქ. ნებითა და შეწევნითა ღმრთისათა, ჩუენ, ჴელმწიფემან, მეფემან პატრონმან როსტომ, ესე უკუნისამდი ჟამთა გასათავებელი წყალობისა წიგნი და ნიშანი შეგიწყალეთ, გიბოძეთ თქუენ, ჩუენსა ერდგულსა და თავდადებით მრავალფერად ნამსახურთა ყმათა, ფარეშთუხუცეს, ჯავახიშვილს პაატასა, ძმასა შენსა ქაიხოსროს და შვილსა შენსა ზურაბს, მამავალთა ყოველთავე სახლისა თქუენისათა.
მას ჟამსა, ოდეს მოგუიდეგითა კარსა და ახალდაბის მოურაობას დაგუიაჯენით, ჩუენცა ვისმინეთ აჯა და მოხსენება თქუენი, შეგიწყალეთ და გიბოძეთ ახალდაბის მოურაობა ყოვლის მისის სამართლიანის საქმითა. რარიგადაც ამას წინათ სხუათ მოურავს ჰქონებოდეს, თქუენთვის გუიბოძებია, რომელიც მოურავის სარგო ყოფილიყოს, შენ აიღებდი და სხუარიგათ ჩუენ გუამსახურეთ.
გქონდეს და გიბედნიეროს ღმერთმან ჩუენსა ერდგულად სამსახურსა შიგან. სამკუიდროდ და საბოლოოდ გუიბოძებია ყოვლის კაცისაგან უცილებლად.
აწე, გიბრძანებთ კარისა ჩუენისა ვექილ-ვეზირნო, სხუანო მოსაქმენო, სურამის ციხისთაო, მოურაო, თქუენცა ასრე გაუთავეთ, რარიგათაც ამა ჩუენსა ნაწყალობევსა ფარვანაშია ეწეროს, და ნუ შეეცილებით თანადგომისა და შეწევანისგან კიდე.
დაიწერა წიგნი და ბრძანება ესე ქორონიკონსა ტკა.
ბოლოში უზის როსტომ მეფის გუმბათიანი ბეჭედი ლეგენდით: ქ. ყაენის ფეჴთა მტუერი როსტომ მეფე ვამტკიცებ.