ქ. ნებითა და შეწევნითა ღმრთისათა, ჩვენ, მეფემან, პატრონმან როსტომ, ესე უკუნისამდე ჟამთა გასათავებელი წყალობის წიგნი და ნიშანი შეგიწყალეთ და გიბოძეთ თქუენ, ჩუენთა ერდგულთა და მრავალფერად ერთგულობით ნამსახურთა ყმათა, საგინაშვილს საამს, და ბატონს ტფილელსა, და ანდერმანსა და შვილთა თქუენთა, ზაალს და თამაზს, და მომავალთა სახლისა თქუენისათა, ყოველთავე.
მას ჟამსა, ოდეს მოგვიდეგით კარსა და მამულის წყალობასა დაგვეაჯენით, ჩვენ ვისმინეთ აჯა და მოხსენება თქუენი და შეგიწყალეთ და გიბოძეთ თქუენისავე განაყოფის, ამოვარდნილის შანშეს კერძი და სოფელი წრისი, რარიგადაც ალიყულიბეგს და მის შვილებს თქვენთვის მოეცეს ბოგუს, აბულმარგს, და სოფელი წრისი ყოვლის კაცისაგან უცილებელად და შემოუსარჩელბლად, სამკვიდროდ და საბოლოვოდ. აგრევე თქუენი სამკვიდრო, რისაც მქონებელნი იყვნეთ ბოგუს, ჩხიქთას, აბულმარგს. ანუ, სადაც ნაოჴარი ნასოფლარი იყოს, ყველგან გაგიახლეთ და გიბოძეთ. გქონდეს და გიბედნიეროს ღმერთმან ჩვენსა ერთგულად სამსახურსა შიგან.
აწე, გიბრძანებთ კარისა ჩვენისა ვექილ-ვეზირნო და სხუანო მოსაქმენო, ვინგინდა-ვინ იქნებოდეთ მერმე. ესე ჩვენგან ნაწყალობევი სიგელი თქუენცა ასრე დაუმტკიცეთ და გაუთავეთ, რარიგადაც ამა ჩუენგან ნაწყალობევს ფარმანშია ეწეროს, ნუოდეს შეუშლით და შეეცილებით თანადგომისა და შეწევნისაგან კიდე.
დაიწერა ბრძანება და ნიშანი ესე ქორონიკონს ტკა, ჴელითა მწიგნობრისა ყორღანაშვილის მერაბისათა.
კიდევ, რაც გარეთ აღათანგისა კერძი მამული ან ბოგუს ან აბულმარგს, ისიც გვიბოძებია