1971 - აბულაძე ცისანა - ორი თურქული ფირმანი
ნაშრომები საქართველოს ისტორიაში
ნაშრომი:
ცისანა აბულაძე - ორი თურქული ფირმანი
კრებული:
1971 - მრავალთავი - ტომი I - გვ. 393-401
რესურსები ინტერნეტში:
ნაშრომის შინაარსი
editნაშრომში გამოქვეყნებულია კ.კეკელიძის სახელობის ხელნაწერთა ინსტიტუტის მუსულმანურ ფონდში დაცული 2 დოკუმენტი:
- Tur d 1
თურქეთის სულთანი მუსტაფა II 1695 წლის 31 მაისს 14.000 ახჩა შემოსავლიან თიმარს ჭაჭარაქის ნაჰიეს სოფელ ხეოთში უბოძებს ვინმე ოსმანს. ეს თიმარი ადრე მის მამასა და პაპას კუთვნებია, რის შესახებაც მათ ფირმანი გააჩნდათ.
ფირმანს 1705 წლის 12 სექტემბერს აახლებს აჰმედ III.
- Tur d 2
თურქეთის სულთანი აჰმედ III 1713 წლის აგვისტოს პირველ რიცხვებში ამტკიცებს ჩილდირის ბეგლარბეგ ისაყ ფაშას განკარგულებას 14.000 ახჩა შემოსავლიან თიმარს ჭაჭარაქის ნაჰიეს სოფელ ხეოთში გარდაცვლილი ოსმანის შვილებისათვის იბრაჰიმის, მუსტაფას, მირზას და იუსუფისათვის ზიარის წესით გადაცემის შესახებ..