A' Suoi Compagni Musici
VI.
A’ Suoi Compagni Musici
Messé pré Zopp, al m'è soltà on stremizj
che no poss incordà sto vioron:
de grazia soné on pó vù la canzon
ch'al è forza che vaga ind on servizj:
me ven inscì al nas, com'hì finí i offizi,
che vûren fan cantà falsa bordon
tutt pien de ligadur del settem ton,
e mi vûj fà ona fuga de caprizj.
M'arecomand Cingard e Cingardett
e vù signor Ottavio Nicorin, io
messe Ippolet, Battista e 'l Spagnolett,
a revedess Sargent del viorin
e vù messé Ieronim del cornett,
retiremes al Domm lì su i scarin
che per ess lì visin
vûj che daghem a ment se sti toson
vúren lassass ligà, menà in preson.
Battemm prest el taccon
fradell, andemm inscià, só quel che digh,
andemm che no '1 gh'è temp da perà figh.
Sentí quel che ve digh,
me mandari pú a dì stand in preson
com'è passa l'istoria e la canzon.