A Augié Gaillard (G. Falachon)
A Augié Gaillard
N'éro pas gran pecat que tu hesses carretos,
Et que ta paüromen tu perdoussos toun tens
Per leycha ses renom toun loc de Rabastens,
Puch que tu saves ha de tant beros caüsetos ?
Aügié, toun caramet, tous vers, tas cansounetos
Countentaran l'esprit de forso honestos gens,
Que te donaran loc entre lous mens sabens
Quant heyt brugi ta lein lou brut de lours troumpetos.
Dap touts tous herromens tu nou t'aürés bastit
Nat laüs de toun tribal que n'agousse perit;
Lou tens dam-bét medich consumis touto caüso.
Mas tout versets plan heitz viüran tout à jamés,
Encon que nou sion pas estats vistz des prumés,
Et te daran un nom que n'aüra fin ni paüso.
G. Falachon.