A Teodoro Cuesta
Non t' amurnies, Tiadoro, nin t' amosques
Si tras d' afalagate por tos prendes
Algamara á escurrir por qué te viendes
Más caru qu' ha ponese el pan de rosques.
Tú la llengua semeyes que n' os bosques
Fala 'l páxaru pintu; tú arreciendes
A tumillo 'n tos coples; tú sosprendes
De mín y d' utros les maneres tosques;
Tú sabes más qu' un llibru de veyures
Y coses guapes; pero tanta cencia
Tú muncho por cuntala non te mueles
-Por qué ye, Tiadorín? Anque me xures
Que ye por flin ó flan, sé yo en concencia
Que yes un folganzán de siete sueles.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse