A mia amia

by Gian Fadri Caderas

[ 66 ]

A mia amia.

T'ingrazch, amia, amabl' amia,
O quaunt ais cher e dutsch tieu chaunt,
Sonor e zart sco l'armonia
Dels asters bels in firmamaint!

Sincer el tschauntsch' all' orma mia
In dschand a quella: »nun crider!
Sch'in terra eau nun sun la tia,
Sperain in tschel da'ns rechatter.«

[ 67 ]

»Cuort' ais la gita, cher aquia,
Spert vain d'la vit' il dutsch tramunt;
Chammin con te la stessa via,
Davaunt la sort sbassand il frunt!«

1865.