A una sposa

by Cesare Mola

(regalandole dei fazzoletti nel dì delle nozze).

Te doo sti fazzolett per sugatt i oggitt
in sta brutta giornada
0, per di mej, in sta brutta mattina,
che, deventand sposina,
te devet bandonà
i fradèj, e la mamma, e el tò papà.

Ho ditt « brutta mattina »
ma per modo de dì ! Ghè nient de brutt
quand che se va a mari!
L’ è minga el sogn più bell de tutti i tosanell
quell de fa spos ?...
 El coeur, per bio, alter noi voeur!
Si, piaiigen i sposino ;... ma hin lagrimett
spremuu, chissà, da on poo de commozioni..
L’ è on piang senza magon !
Eh, quanti volt, in d’on bell ciel d’estaa,
passa come di nivoj sparpajaa !...
Sora i strad polvere ut vegn quatter gott . . .
e el sò 1’ é sbarlusent !
In l’istess temp el ciel el piang e el ridi...
1 sposino hin insci!... Parli polid ?