Ad ün pitschen amih

by Gian Fadri Caderas

[ 39 ]

Ad ün pitschen amih.

Infaunt, tieu Dieu mê nun smancher.
Da sia bunted nun disperer!
In El t'affida!

Scha dis il led te voul chalcher,
Tu stoust combatter e sperer
Seraina ora!

Ad essans co, e bod davent,
Sco föglia sech' in buoch' al vent;
Tuot passa, crouda!

Dolur nun düra lung momaint;
Glüsch cler' apper' in oriaint,
Chi tuot rinova!

Del oriaint il cler sorrir
Cha ais ün Dieu a te voul dir,
Da forz' eterna.

O guard' il tschel e nu't smentir!
Dal bön, dal bel mê nun guinchir!
Avrost leidezza!

Infaunt, tieu Dieu bain ama zuond;
El's fo palais in tuot il muond,
Dall' ota sfera!

[ 40 ]

El od' il pled del sofferent,
Con imminchün ais zuond clement,
Confort el duna!

Sgür tieu arröv pür, innozaint
Accolt saro dal Tuotpossaunt;
In el confida!

Marz 1809.