Al è on quaj trenta di che so' in preson
III
Al è on quaj trenta di che so' in preson
Al è on quaj trenta di che so' in preson
mi pover Zinibrus nassú in Vares
imputá c'hó fagg liga co' i Frances:
e s' no è « persciò ver, in conclusion ».
L'è che l'è stagg on cert Medegh barbon
c'ha dagg commission che fudess pres
e miss ind on gabiott longh e destes,
a tormentamm, e senza remission.
M'han già dagg trenta vûlt el fûgh ai pé,
e s' m'han fà sudà 'l zuff, mostra 'l busnasg,
che cossa no m'han fá sti can giudé.
Passensa, c'hó pur anch intregh i brasg!
L’è mò ver ch'al me manca on pó d' dané
da paga i sbirr, el boia e 'l cadenasg:
ma se poss portà i strasg
fû da chilò, vûj che chi va e chi ven
faga scusa 'l barbon par mugg de fen.