All'Imperator

by Carlo Grato Zanella

All'Imperator by Carlo Grato Zanella

Carlo Grato Zanella (1760-XIX sec.)

All'Imperator

Maestaa sont on olter Simeon
de' quij salvadegh, che dennanz morì
el slarga i brasc per la consolazion
vedendel finalment a comparì.

Ma che morì d'Egitt!, se de' magon
hoo seguitaa vint agn a intiseghì
pretendi d'avegh tutta la reson
de god per vint agn d'olter sto bell dì.

O catt! Dopo ess staa al mond tra' tant bordej
me par tropp giust, ch'abbia da stagh anc mò
adess, che voo a passà dal pesg al mej.

Disi ben Maestaa?... disi benissem,
e intant, che speri tutt dall'amor so,
mi alla mort vuij viv servitor milissem.