An El Filibusterismo – ni Jose Rizal, 1961/6
miniko nga baga... naghihipahiyom bin badyangas. An pransiskano nga magasa, nga nasabot han kahulugdn han hiyom han dominiko, nakaisip pag-utod han balingkutay salit sinmagbang. Gintatahod gud man ada kay ha usd la nga sinyas han iya kamot nangukoy ngaduhd han pagyinakan igo la nga an prayle-artilyero nagwawalas mahatungod hin mga experiencia ngan an eskritor-prayle nagwawangag mahatungod hin mga hombres de ciencia.
—An mga tawo nga may kinaadman, Ben Zayb, sayod ka kun ano?— namulong an pransiskano hin tingog nga daw tikang ha lungib, haros waray kiwakiwa dida han iya linilingkuran, ngan an turnan nakakabakyaw han iya waray na unod nga mga kamot—Kitaa iton tulay dida ha lalawigan nga Puente del Capricho, nga binuhat hin usa namon nga lego, nga waray katima tungod kay sinusnan han mga hombres de ciencia, pinasarig han ira mga aeorias, nga maluya kund ngan kulang hin dig-on, ngan kitaa! ito nga tulay inmato han ngatanan nga baha ug mga linog.
—Amo ito, punyales, amo ito an karuyag ko unta pamulungon!—sinmumpay an prayle-artilyero nga pinmukpok dida han butkon han iya lingkuran nga kawayan;— amo ito, an Puente del Capricho* ngan an mga tawo nga may kinaadman; amo ito unta an akon gin-iipamurulong, P. Salvi, punyales!
Hi Ben Zayb nahapaukoy, dapit nahapapahiyom, tingali kun dara hin katahod, o tingali kawaray gud man ada sadang ibaton, kundi sabuta nga amo hiya an asya la nga utok nga nanhuhunahuna didto ha Pilipinas. Hi P. Irene natango han ulo ha pag-abuyon hamtang nahapyod han iya lakwig nga irong.
Hi P. Salvi, adto nga magasa ngan nagdudukot lugaring kay may panit nga padi, tungod kay hin-ayunan hadto nga pagpakita hin katalahuran, nagpadayon hin pamulong dida hadto nga pagmingaw:
—Kundi ini diri karuyag sidngon nga waray katadungan hin sugad han kan P. Camorra (amo ini an ngaran han prayle-artilyero). An maraot aada hiton danaw...
—Matuod ito; dinhi hini nga tuna waray bisan mausd nga danaw nga hiro—sinmagbang hi donya Victorina