Anno VIII
XXIX
Anno VIII
Te vedi e me ven voeuja de trà su.
On pantalon te set, on bon vivan:
ecco quel che te set. On tocch de pan
e la pâs... Ah, la pâs, vera? e poeu pu.
Si ben che l’è on cagon, di volt anch lu
squas l’è duvis de moeuv el fabrian;
ma el «golza mia», come i paisan!
Su, cadreghee de la malora, su,
catacrincio, te squinternen la ca!
Fin là dove te rivet a vedeij
l’è on spettacol de roij e de stabieij.
Magnen, se muden, tornen a magnà...
Moeuvet, tamberla! ... Oh dess, l’è lì ancamò,
cont el mostacc in man, tra el sì e el no.
Ti vedo e mi viene voglia di vomitare. Un pantalone sei, un tira-a-campare: ecco quello che sei. Un pezzo di pane e la pace... Ah, la pace e poi piú, vero? Benché se la faccia sotto, anche lui alle volte è quasi dell’avviso di muover le chiappe; ma «non osa», come i paesani! Sú, posapiano della malora, sú, perdio!, ti squinternano la casa! Fin dove arrivi a vederli, è uno spettacolo di porci e di porcili. Mangiano, si avvicendano, tornano a mangiare... Muoviti, tanghero!... Oh sí, se ne sta lí ancora, con il mento in mano, tra il sí e il no.