Asmêno Bêwayir

Asmêno Bêwayir (namey xoyo raştıkên Mesut Keskin) yew cıgeyraoğo Zaza u merdumê ilmê zıwananê Hind-Ewropao. Serra 1973ine de Estamol de ame riyê dınya. Keyey xo taê serri raver dewa Mazra Sılêmanu, Pılemoriye (Dêrsım) ra bar kerdo, ameo Estamol. 1975 de piyê ey o be maa cı ra ardi Almanya. Ae ra nat na dıwele de weşiya xo rameno. Almanya de şi mekteb. 1992 de kewt universıte u mıhendısinay makina (vıraştena makina) heta lisanê veri wende.

Oyo ke Zazaki verê coy tenê areze (fam) kerdêne, emma qısey nêkerdêne. 1993 de dest kerd zıwanê ma u piyê xo, gına sero, musa. 1996 de redaksiyonê pêseroka Warey de ca gırewt. Taê gurenayışê xoyê zıwani, nuştey, kılamê xo pêserokan u internet de veciyay (taê ebe namey xoyê keyey, Mesudê Keşki).

Nıka Frankfurtê Maini de diwanê idarey Enstitüyê Zazaki de gureyeno u temsilkarê pêseroka Miraziê Ewropao. 2005 ra heta 2008 Universıtey Frankfurtiê Goethey de qısmê ilmê zıwanan de ilmê têverşanaena zıwanan (ilmê qıyasê zıwanan) de lızgey Hindo-Ewropaistiki (Indogermanistik) wend. Paizê 2008ine de teza xoya mastıri dê zerre. Teza xo diyalektanê Zazaki sero nuşte. Çele (Kanuno Peyên) 2009 de wendışê universıtey qedena.

Bêwayiri Şazadeo Qıckek Küçük Prens çarna a Zazaki, serra 2009ine de kıtab de Almanya de veciya.