Author:ტაკუბოკუ ისიკავა.

←

→

100720

სოდგარენ კოკის,
ობჟათე უკიანოს.
ეკვოხექ წყარპიც დო
თოლჩილამურამ,
კუჩხეფმარღვაფჷ ღაჭაჭიას
ვულაჸაფუა.

დამორჩილიშ ცა, ცალიორი
ვეშე-ვეშა. მუნაფაშ ნოფირთჲ
ვენკიპალუ სოთინ.
მუჭო ხვალახეთჷ რექ ცა,
ყვარანჲ ვარა გინოილუანდასუნჲ.

მუჭოთ მენწაშა
ჩე ლოტოსინი,
ღვინშა ჯაბი
მუთუნ ფერო
ვენიშკვიდე.

მუჭო უჸორდჷ
მონჭა დუდელეშ შური.
მა თიშ ფსუაგოფაჩილი
ფაჭვიეფი
მიჸორდჷ.

რჩქინაში ჸუმენით
გერზამელენა ჩქიმ თოლეფი.
ჩქიმ დაია ტყობაშე
ალმოფურცქინანც:
სი მიდგარენ გიჸორცო?

მულვოხედ სენას ხვალე,
უკმელას.
უნელო ვორწყექ –
ბიგაალაბიჯაფილი დიაჩქიმი
კიდაშე მაცაცანსჷნი.

მუჟამც მოსარჯებულ გაფჷ
ეინალე
უგაღე როუსჷნი,
თოლიშ მაძირაფალო
ვაგოკო თე ქიანა.

მუშ მასქვამათ იძიცანს
თე ბოში.
ღორონთუმე, თიქ დოღურასჷნი –
თე მერქა–ოფუტეს
ნარღი უმოსო ქუმაძინუ.

გაჩქვენუ
ჯვეში მაჸალეს შეფხვადინი.
თეში იხურთქინჷ წყარი,
გევორექ დო
ხიოლც ბღურუქ.

შქირენით გაქანდარებულც
კუდელიშ ქვათალით
ჯოღორქ მუმანჭჷ
ჩქიმცალო შქირენულქ.
თი მერქაშე ელამკინჷ გურც.

ნოტე, ქომჩას თიცალი საქვარი,
მოხიოლჷდას თიშ
საქვარუანი.
უკული ბღურა გოკონდა –
მი გილაგორუნც თეს.

რშუდას ჩქიმ მაჸალე,
შქირენული მათხუალც
დღას ვაგაჭყორა.
არძა შქირენულ კოჩი
თის გჷ.

ვაგურა მუმას,
ვართ სქან მუმაშ მუმას.
ქოგარჩქილენო
თენა სქუა,
მუს გოზნახუქჷნი.

ო, ჩილამური, ჩილამური! მუთუნ ქორენო
თეშ უმოს საკვენი,
გურქჷ ნარღი
ჩილამურს ქოუჸუნუ-და,
კინე დართუ თელარა.

მასქურც მოუღჷ ქუქუბიშ
დო ქოქა ჯაშ შური.
ბგინაფულე
დამორჩილი
მეთხიებუნ.

გოპკურცხუქ -
სონ ხანი რე თოლგონჯამილო ვოჯანუქუნ.
ბაღანობაშე ათოპუნცჷ თენა,
ხიოლიშ მერკებას ნოჩქვე თაში.
იშენ ვაგმანჭყორა დიაჩქიმი.

გეთუ, მედინ ბედინერ ბორჯიქ.
მუჭო მიჸორდჷ
შხვეფიშ კარეფშა მიკოხაკაფა,
ხეგოფაჩილო
აწოფხვადუდესუნ.

თოლეფც მაჭუ.
ქეიბდვი უჩა ოთოლე.
თიმშვანც ქოდუაჭყი
შურუქალუო ნგარა,
კოჩქ ჩილამური ოკო ვამიძირას.

შოშეშა წიმიბლე მინშა,
აბორჯებულ ელვოყიყინა ცას.
ჸუჩა დიფრთუქუნ
მაჸალეფი
გუმოძიცანა.

ხუთ წანა ქორე
თე გოფაჩილ ცას ელვოჯინექუნ.
მუქ გუმორზინუ
ათეცალ უდუნდებელ
კათაწკჷმა.

ართ ჰალამო
ვაგონშე გაგმობრთი.
სოდგარენ ცარიატას
ოდაბადეშ გვალეფქ გამკორჩქინდეს.
ხორხოტაშა ქათმაკათ შურქ.

თუთაშ სინთე დო ჩქიმ ნარღი
დუდშა მაფშანც
ცა დო დიხას.
ათაშ იჭყაფუ
დამორჩილი.

თოლც აწომირე
კიტაკამიშ ზუღა პიჯი.
დუდდოკინელი ჯიჭონეფი
ითამ მიძახუნა:
ქიგმოჭვათეთია ჩილამური.

სერიშ მურუჟის,
სოდგარენჲ პოპორეფ მიკმახორცქჷნა ართიანც.
წყარმალიშ ხოლოს, ოპიჯას ქიგერე ოსურჲ
დო მუდგარენშე გაჟღამებული
პაპიროზის ქუფურკუანც.