Author:Gavinu Contene
Tiu Gavinu Contene (nùmene de s'anagrafe: Gavino Luciano Contini) fit naschidu in Siligo su 12 'e nadale de su 1855, in d'una domitta (chi est ancora intrea) in sa parte pius antiga de sa idda in sa zona 'e “su Runaghe”, ed e' mortu su 27 de trìulas de su 1915. Est istadu forzis su poete de gala pius mannu de Sardigna, de seguru su pius bene cherfidu. Fidi istimadu meda dae sos collegas chi lu jamaiana: "de sos poetas su mastru", "su zigante" e "altu monte". Sunu memorabiles sas disputas chi haiat cun tiu Zuseppe Pirastru e tiu Antoni Cubeddu, cun Barore Testone, Pitanu Morette, tia Maria Farina e Antonandria Cucca. Pagu prima de morrer in su 1915, ada iscrittu 22 ottavas (in ottava rima serrada) chi fini istatas pubbricadas in Tàtari in su 1929 cun su titulu: Discursu de Gavinu Contini et sa morte chi benit a l'avvisare essende arrivada s'ora sua. Su poete immaginat de faeddare cun sa Morte e con Deus. In sa 18ma ottava su poete saludat sa idda sua e si augurat de resessere, cun s'ajudu de sos santos e de sa Madonna, a si salvare s'anima, e a sa fine Deu lu assolvet e issu lu ringraziat. A parte custu cumponimentu e calchi littera (in rima), comente pro tottus sos poetes cantadores che a isse, sa mazore parte de sa produzione est bistada tramandata grazie a sos appassionados chi haian sighidu sas garas e chi si las ammentaiana. In d'ogni casu de tiu Gavinu sun istadas pubricadas duas antologias contivizadas dae duos silighesos, sa prima in sos annos 60 dae Antoni Carta e s'attera in su 1983 dae don Giommaria Dettori.
Pubbricatziones
edit- Antonio Carta (a cura di), Poesie / Gavino Contini, Sassari, 1967
- Don Giommaria Dettori (a cura de), Gavinu Contene , 1983
- Antonio Cuccu (a cura de), Gavinu Contini cun sa morte. - Cenni sulla vita del povero agricoltore, Cagliari, s.d.
- Antonio Cuccu (a cura de), Gavino Contini, Esistenzia e onnipotenzia de Deus : critica contro Moretti e Poddighe, Cagliari, s.d.
- Gara poetica tenuta a Portotorres nell'anno 1912 fra i poeti: Gavino Contini, Sebastiano Moretti, Salvatore Testoni, Antonio Andrea Cucca. Temi: su entu, su fogu, su mare, sa terra, Tip. Ortobene, Nuoro, 1912?
- G. Contini, Esistentzia e onnipotentzia de Deus. Critica contr'a Moretti e Poddighe, Cagliari:Litotip. TEA.