Author:Koyo Berz

Koyo Berz yew nuskaro Zazayo. Heta nıka yew qısebendê Zazaki u yew kıtabê gramerê Zazaki u tayê kıtabê şıir u estanıkan neşir kerdi.

Heyatê Koyo Berzi

Koyo Berz dı serda 1951ın dı, dewa Sêwrege (Soyregı) Mextele dı ameyo dınya. Wendena xo ya destpeykerdenı heta sınıfa çıhari dewda Anazoy dı wendo. Sınıfa panci ji Sêwregı dı, wendexaneyê Şair İbrahim Rafeti dı temam kerdo (1964).

Wendena xo ya werti u Lise ji Sêwrege (Soyregı) dı temam keno (1969-1970).

Dı serda 1977 an dı tay enbazandê xo yê kariya piya sendiqa Yeni Ges İşi vırazenê u no beno sekreterê cı. Heta Cuntada 1980 ay nê karê xo yê sekreterey rameno. Dı serda 1977 an dı fınê, 1978 an dı dı fıni, 1979 an dı fınê, 1980 dı hirê fıni dahwa çepey u Kurdayetey ra yeno tepıştenı.

Sera 1980 an a menga hewtan dı tayınê ney vejenê Yozgat u ê çıhar teknisenandê cı ji vejenê Erzurum. Nê rapori gênê u nêşınê, heta 12ê Eluna 1980 an. Sera 1981 an a menga awdarı dı dahwa DDKD ra yeno tepıştenı u 34 roji Polis Kolejiyê Adına dı iskenci bın dı maneno. Vıradeyêno, fına 1982 an yeno tepıştenı u 65 roji Rıha (Urfa) idare dı maneno. Dı serda 1983 an dı fına yeno tepıştenı u hewt mengi hepısdê Qarataşi dı maneno. Nê semedan ra kardê xo ra yeno eştenı. Aman nêdayenda polisan ver, mecbur maneno bar kero u key xo bero Sêwrege (Soyregı). Polisi vıja dı ji cı rehat nêverdanê. Sera 1986 dı remeno şıno (İsveç). Nuştox jewjınayeyo u panc qeçê cı estê.

Kıtaba cı ya sıfteyênı Na Xumxum a, a dıdını Siyamed u Xeca. Xeylê rojnameyandê Kurdki dı ji nuştey cı ameyê weşanayenı.

Koyo Berz’i bı nuştedê xo yê Tesirê Zıwani ya xelata Nubıhar a hiremina 1994 an gırota. (Nubıharı pêserokêda menganeya u Estamol dı vıjêna).

Eserê Koyo Berziê kı neşır biyê

1. Na Xumxum a
2. Siyamed u Xeca, Apec, 1993, 255 p. - (Weşan nû 32) - ISBN 91-87730-32-4
3. Kole Nêba, Şıirê Zazaki, Stockholm, İremet Förlag, 1995. - 98 p.
4. Namdarê Sêweregı-1, Antolociya Zazaki, Stockholm, İremet Förlag, 1995., 59 p. - ISBN 91-972069-6-2 (korr.)
5. Ewro şori, meştı bêrı, Şanıkê Zazaki - Stockholm : Iremet, 1996. - 153 p.
6. Dêrsım, Şıirê Zazaki - Stockholm : İremet Förlag, cop. 1996. - 121 p. - ISBN 91-972069-7-0
7. Grammerê Zazaki, Zazaki - Stockholm : Iremet, 2002. - ISBN 91-973977-1-7
8. Begê Dımıliyan, Zazaki - Estemol, Vejiyayışê Tiji, 2001. - 285 p.