Autro. Sur l'Ayre, Pour aimer fidélement
Autro.
Sur l'Ayre, Pour aimer fidélement
Arraulit soun, dezanat,
É de sen debarginat,
Despéy qu'un bisatge bél
Féc de moun cor un crubél.
Ço que ruïno moun be
Es qu'Amour aymo tabe
La Bélo que pot gari
Le mal que me fa mouri.
El n'ajo tout ço que bol;
É jou que ne beni fol,
Se li dizi quicoumet,
A Pétcelsis me tramet.
Perço que nou porti pas
Cent flouris entre las mas,
Me dits se boli Moüillé,
Que m'en cérque pel paillé.
Amour sus pots é sus éls
Li fa cent poutets noubéls,
É dits, per me destourna,
Embejetos qui nou n'a.
Alabets tout despitous,
Yeu li tiri les guignous;
Més taléu que pren l'arquet,
Estau couch coum'un barbet.